कलस्सी 1:9 - घले नयाँ करार

⁹ होरेक्‍यूत्‍देबे अम्‍ब पो तब दीन्‍दे छोमेस्‍ये प्रभुजे इच्छा नमयू फ्‍याने च ख्‍य हम्‍बने पवित्र आत्‍मादे पीनब पूरा बुद्धि मेस्‍ये क्‍व ख्‍वब ज्ञान नमयूने फ्‍यानीस्‍य यदेबे नमयूजे लागि ङी येतार्‌ने प्रार्थना चीन्‍न ख्यङ्,

कलस्सी 1:9 ပူးပေါင်းရင်းမြစ်များ

यूहन्‍ना 7:17

परमेश्‍वरजे इच्छा अनुसार काम चेमेब मीयूदे अम्‍ब शिक्षा परमेश्‍वर तेलेदे रब ख्यङ् या ङैजे रङ्सेजे शिक्षा ख्यङ्, हम्‍ब था प्रेक्‍क्‍य।

मूल स्यूस्स्यायूजे कामजे किताब 12:5

येर्‌बे पत्रुस जेल‍ने हीत्‍दे, तर ङूजे लागि मण्डलीदे परमेश्‍वरने बोङ्बे हूत्‍दे प्रार्थना चीन्‍न ख्‍य।

रोमी 12:2

अम्ब संसारजे मीयूप्रने नक्‍कल अन्चील्‍लाची, तर रङ्सेब सर् सेम् क्यूत्देबे पूरा रुप्ने सूजो क्यूक्‍की। होर्‌दे परमेश्‍वरजे सोरो ज्य, सेम् पर्‌तेब मेस्ये सिद्ध इच्छा च ख्य, हम्ब नमयूदे था प्रे-खूइय।

१ कोरिन्थी 1:5

चेनेयलो नमयू ख्रीष्‍ट येशूप्रे क्‍यूत्देबे साप्‍ता तर्‌तीप्दे, साप्‍ता बोलीने, मेस्‍ये साप्‍ता ज्ञानने फ्‍योबो क्‍यूर ख्यङ्-

एफिसी 1:8

परमेश्‍वरदे ङीनने हम्‍ब अनुग्रह बेस्‍से कूम पीन ख्यङ्।

एफिसी 5:10

मेस्‍ये प्रभुने सेम् पर्‌देब च ख्यङ् हम्‍ब लोमने बोङ् ची।

एफिसी 5:17

येरेक्‍यूत्‍देबे मुर्ख अन्क्‍यूर्‌लाची, तर प्रभुजे इच्छा चटोङ् हम्‍ब स्येला ची।

एफिसी 6:6

मीयूने सूग्‍ला चेबदेप्र म्‍याजे खूम्‍ने तनब काम त्‍या अन्चील्‍लाची, तर ख्रीष्‍टजे त्वो-त्वोमयूप्र क्‍यूत्‍देबे सत्य रूप्‍ने सेम्-नङ्दे मेस्‍येने परमेश्‍वरजे इच्‍छा पूरा ची।

फिलिप्पी 1:4

ङ येतार्‌ने नमयू क्‍वाजे लागि प्रार्थना चीप्‍प सेम् सूग्‍देबे प्रार्थना चीक्‍क्‍य,

कलस्सी 1:6

अम्‍ब सूगब खबर नमयूट्‌याने फ्‍योर ख्यङ्, मेस्‍ये तम्दम्ने अम्‍बदे संसारजे का-मुलुकने असी पीन्‍देबे थेप् क्‍यूप्‍पीन ख्यङ्। परमेश्‍वरदे चेब अनुग्रहजे तम्दम् पो तदेबे क्‍वब दिनदेछोमेस्‍ये नमयूजे अन्‍द्रनेये सूगब खबरदे होरप्रने काम चीन्‍न ख्यङ्।

कलस्सी 3:16

ख्रीष्‍टजे वचनदे नमयूजे सेम् बेस्‍से फ्‍यानीस्‍य। पूरा बुद्धि चील्‍लीदेबे त्‍यादे त्‍याने लोम तन ची मेस्‍ये आर्ती, होर्‌दे रङ्से सेम्देमेस्‍येने परमेश्‍वरने धन्यवाद पीन्‍देबे जै-जै चेब आत्माजे प्रू पूई।

कलस्सी 4:12

नमयू अन्‍द्रजे मीत्‍या येशू ख्रीष्‍टजे सेवा चेब इपाफ्रासदेये नमस्‍कार येबे ख्यङ्। नमयू परमेश्‍वरने बोल्यो क्‍यूर खूस्‍स्‍य मेस्‍ये परमेश्‍वरजे साप्‍ता इच्छायू पूरा रूप्‍दे मन्‍देब क्‍यूर खूस्‍स्‍य यदेबे ङूदे प्रार्थनाने नमयू येतार्‌ने ह्‌वे चीन्‍न ख्यङ्।

कलस्सी 4:5

प्रेब मौकाजे फाइदा कीन्‍देबे ख्रीष्‍टने विश्‍वास अन्चेब मीयूप्रे व्यवहार चीप्‍प दीमाग लैदीदेबे ची।

१ थेसलोनिकी 1:3

ङीनजे परमेश्‍वर पजे खूम्‍ने प्रभु येशू ख्रीष्‍टने क्‍यूत्‍देबे विश्‍वासने नमयूदे चेब काम, प्रेमदे चेब छेम्‍प्रे होर्‌दे आशा चीत्‍देबे धेरेन् क्‍यून्‍नब येतार्‌ने ह्‍वेचीन्‍न ख्यङ्।

१ थेसलोनिकी 5:17

येतार्‌ने प्रार्थना चीन्‍नू।

२ थेसलोनिकी 1:11

अम्‍बकारणदे ङीन्जे परमेश्‍वरदे नमयूने ङूदे क्व अनुसारजे लायकजे जीया चस्‍य, होर्‌दे ङूजे शक्तिदे साप्‍ता ज्य उदेश्य मेस्ये विश्‍वासजे काम पूरा चीम्‍मीस्‍य यदेबे ङी नमयू क्‍वाजे लागि येतार्‌ने प्रार्थना चीन्‍न ख्यङ्।

फिलेमोन 1:4

कन्‍छ्वाब ङैदे प्रार्थनायू चीप्‍प नने ह्‍वे चीक्‍क्‍य हन्‍छ्वाब ङैजे परमेश्‍वरने येतार्‌ने ङ धन्‍यवाद पीन्क्‍य,

फिलेमोन 1:6

ङैदे प्रार्थना चीन्‍न ख्यङ्, यी नैजे विश्‍वासजे सङ्गतिदे ख्रीष्‍टने ख्‍यब ङीनजे ज्‍य पोजे ज्ञान बढ्दे खूस्‍य।

हिब्रू 10:36

परमेश्‍वरजे इच्‍छा पूरा चेने मेस्‍ये ङूदे चीक्‍कब कबुल अनुसारजे इनाम प्रेजे लागि नमयू धेरेन् क्‍यूत्‍देबे टूङ पर्‌ते ख्यङ्।

हिब्रू 13:21

नमयूजे सेम्ने सोरो ज्‍य गुणयू येम्‍मीस्‍य, मेस्‍ये नमयूदे ङूजे इच्‍छा पूरा चे खूस्‍स्‍य। परमेश्‍वरने च सेम् पर्‌ते ख्यङ्, येशू ख्रीष्‍टजे मीन्‍ने परमेश्‍वरदे नमयूने हम्‍ब चीम्‍मीस्‍य। जूग् जूग् सेमेने येशूजे महिमा क्‍यून्‍नूस्‍य। आमेन।

याकूब 1:5

तर कादेये नमयू कोइने बुद्धिजे हर्‌जो ख्यङ्लो हम्‍बदे प्रो-अन्‍लङ्लाबे मेस्‍ये सेम्-यङ्ला पीनब परमेश्‍वरने स्‍यस्‍य, मेस्‍ये हम्‍ब ङूने पीन्‍क्‍य।

याकूब 3:17

तर कम्‍ब बुद्धि स्वर्गदे रीय हम्‍ब खूम्ने शुद्ध ख्यङ्, होर्‌दे हम्‍बदे शान्ति पीन्‍क्‍य, स्यूलूक्कै, मील्‍लीदे टूङब क्यूक्‍क्य। येर बुद्धि दयादे फ्यानब क्यूक्‍क्य मेस्ये सोरो ज्य कामजे फल पीन्क्य। अम्ब बुद्धि साक्पूजा मेस्ये कप्‍टी अन्क्यूर्।

१ पत्रुस 2:15

मूर्ख मीयूदे पो अन्कोलाने क्‍यमब पोयू नमयूजे सोरो ज्‍य कामदे ङूर्‌ ल्‍वा अङ्ख्‍व चीप्‍पी, परमेश्‍वरजे इच्‍छा अम्‍बने ख्यङ्।

१ पत्रुस 4:2

येर्‌बे हम्‍ब मीदे रङ्से ङ्वने जीया चेनूतासेमे फेरि मीजे अन्‍ज्‍य इच्छाने दी, तर परमेश्‍वरजे इच्छाने जीया चैय।

१ यूहन्‍ना 2:17

संसार नाश क्‍यूप्‍पीय मेस्‍ये हम्‍बजे अन्ज्य इच्छाये नाश क्‍यूप्‍पीय, तर परमेश्‍वरजे इच्छा पूरा चेब मी येतार्‌ने टूनीय।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।