कलस्सी 1:4 - घले नयाँ करार

⁴ चेनेयलो ख्रीष्‍ट येशूने नमयूदे चेब विश्‍वास मेस्‍ये परमेश्‍वरजे पवित्र मीयू क्‍वाप्रेने नमयूदे चेब प्रेमजे पोयू ङीदे त ख्यङ्,

कलस्सी 1:4 ပူးပေါင်းရင်းမြစ်များ

२ कोरिन्थी 7:7

मेस्‍ये तितस फ्‍योरदेत्‍या दी, तर नमयूदे ङूजे सेम्‍ने पीनब सान्त्वनादेये ङैजे सेम्‍दे सान्त्वना प्रे ख्‍य। नमयूदे ङैने सोरो तूतीङ्‍रेनब पो, ङैजे लागि सोरो सूर्‌त चीन्‍नब मेस्‍ये सोरो कूम चीन्‍ता चीन्‍नब पोये ङूदे ङीने स्‍योत्‍दे, होरेक्‍यूत्‍देबे ङैजे सेम् सोरो थेप् सूग्‍दे।

गलाती 3:26

चेनेयलो येशू ख्रीष्‍टने विश्‍वास चेब क्‍यूत्‍देबे नमयू क्‍वाने परमेश्‍वर‌जे छगूम्-पूर्‌गूम् क्‍यूर ख्यङ्।

गलाती 3:28

जेम्से यहूदी, ग्रीक, त्वो-त्वोम, स्वतन्त्र, पती मेस्‍ये मदी सूनेयली नमयू क्‍वाने ख्रीष्‍ट येशूने त्‍या क्‍यूर ख्यङ्।

गलाती 5:6

खतना चीक्‍कब मीप्रे अन्चीक्‍कब मीजे ख्रीष्‍ट येशूप्रे चै नताये अन्‍क्‍यूर्। तर पोत्‍याजेत्‍या अर्थ ख्यङ् हम्‍ब च ख्यङ् यलो माया चीत्देबे काम फरब विश्‍वास ख्यङ्।

एफिसी 1:15

प्रभु येशूप्रे ख्‍यब नमयूजे विश्‍वास मेस्‍ये परमेश्वरजे पवित्र मीयू क्वाप्रेने नमयूजे प्रेमजे बारेने ङैदे तब कारणदेने,

एफिसी 6:18

येतार्‌ने प्रार्थना ची, परमेश्‍वरने तोङ्मी य। कम्‍ब बीलनेनेने यली पवित्र आत्माजे बोङ्दे प्रार्थना चीत्‍देबे टूङ्। अम्‍ब पो सेम्‍ने हीत्‍देबे येतार्‌ने होस्स्यार क्‍यूत्‍देबे परमेश्‍वरजे पवित्र मीयू क्वाजे लागि येतार्‌ने प्रार्थना चीन्‍नू।

कलस्सी 1:9

होरेक्‍यूत्‍देबे अम्‍ब पो तब दीन्‍दे छोमेस्‍ये प्रभुजे इच्छा नमयू फ्‍याने च ख्‍य हम्‍बने पवित्र आत्‍मादे पीनब पूरा बुद्धि मेस्‍ये क्‍व ख्‍वब ज्ञान नमयूने फ्‍यानीस्‍य यदेबे नमयूजे लागि ङी येतार्‌ने प्रार्थना चीन्‍न ख्यङ्,

१ थेसलोनिकी 1:3

ङीनजे परमेश्‍वर पजे खूम्‍ने प्रभु येशू ख्रीष्‍टने क्‍यूत्‍देबे विश्‍वासने नमयूदे चेब काम, प्रेमदे चेब छेम्‍प्रे होर्‌दे आशा चीत्‍देबे धेरेन् क्‍यून्‍नब येतार्‌ने ह्‍वेचीन्‍न ख्यङ्।

१ थेसलोनिकी 3:6

तर चूजो तिमोथी नमयूट्‌यादे ङीट्‌याने फ्‍योरदेबे नमयूजे विश्‍वास मेस्ये प्रेमजे सोरो ज्य-खबर ङीने स्‍योक्‍को। नमयूदे ङीने सोरो तूतीङ्‍रब सेम् चीत्‍देबे येतार्‌ने मायाने ङी ह्‍वेचीन्‍नटोङ् यब खबर ङूदे पीन्‍दे। ङीये होरप्रने नमयूने त्‍वस्‍ये मन्‍न ख्यङ्।

२ थेसलोनिकी 1:3

अत-अची च्योन्‌यू, नमयूजे विश्‍वास कूमने बढ्दीन ख्यङ्। त्‍यादे-सूजोने झन् थेप्थेप् प्रेम चीन्‍न ख्यङ्। अम्‍ब कारणदे नमयूजे बारेने येतार्‌ने ङीदे परमेश्‍वरने धन्‍यवाद पीनने पर्‌देख्यङ्।

फिलेमोन 1:5

चेनेयलो प्रभु येशू फ्‍याने नदे चेब विश्‍वासजे बारेने मेस्‍ये परमेश्‍वरजे पवित्र मीयूने नदे चेब मायाजे बारेने मीयूदे यब ङैदे त ख्यङ्।

हिब्रू 6:10

परमेश्‍वरदे अन्‍न्याय अन्ची, मेस्ये ङूजे लागि नमयूदे चेब काम मेस्‍ये ङूजे मीयूने माया चेब पो परमेश्‍वरदे कलङ्बेये अन्-येल्। येरप्र काम नमयूदे दीनीये चीन्‍न ख्यङ्।

१ यूहन्‍ना 3:14

ङीन रङ्सेजे अत-अची च्‍योन्‍ने प्रेम चीक्‍क्‍य, होरेक्‍यूत्‍देबे ङीन सीबब जीयाने ट्‌यादेबे कलङ्बेये अन्जेनब जीयाने क्‍योर ख्यङ् यदेबे ङीनदे स्‍ये ख्यङ्। सूदे प्रेम अन्‍ची, हम्‍ब सीबब जीयानेने टूनीय।

१ यूहन्‍ना 3:23

ङीनदे ङूजे च येशू ख्रीष्‍टजे मीन्‍ने विश्‍वास चे पर्‌तीय, मेस्‍ये ख्रीष्‍टदे ङीनने आज्ञा पीन अनुसार‌ त्‍यादे त्‍याने प्रेम चे पर्‌तीय यब अम्‍ब परमेश्‍वरजे आज्ञा ख्यङ्।

१ यूहन्‍ना 4:16

परमेश्‍वरदे ङीनने चेब प्रेम ङीनदे येर्‌बे था प्रेक्‍क्‍य मेस्‍ये विश्‍वास चीक्‍क्‍य। परमेश्‍वर प्रेम ख्यङ्, प्रेमने टूनब मी परमेश्‍वरप्रे टूङ्क्य, मेस्ये परमेश्‍वर हम्‍बप्रे टूङ्क्य।