कलस्सी 1:23 - घले नयाँ करार

²³ तम्दम्ने नमयू रङ्से विश्‍वासने अन्‍क्यापीलाबे बोल्यो क्‍यून्‍नू, मेस्ये नमयूदे सूगब खबर ङ्‍यीन्‍देबे प्रेब आशा अन्‍क्यापीलाची। अम्‍ब सूगब खबर का-मुलुक संसारजे मीयूने स्‍योक्‍क ख्यङ्। ङ, पावल अम्‍ब सूगब खबर स्‍य्‍वेब त्वो क्‍यूर ख्यङ्।

कलस्सी 1:23 ပူးပေါင်းရင်းမြစ်များ

हिब्रू 3:14

कादेये ङीनदे चेब हम्‍ब खूम्जे विश्‍‍वास आखिरीसेमे बोङ्बे चूङ्नूदेयलो, ख्रीष्‍टदे प्रेब हकने ङीनये सामेल् क्‍यूर प्रेक्‍क्‍य।

हिब्रू 3:6

तर परमेश्‍वरजे कीम्ने ख्रीष्‍टब भर् पर्‌ते ख्‍वब च ख्‍य। कादेये ङीन्जे आशाने ङीन रङ्सेदे चीन्‍नब भर्‌ मेस्‍ये आँट पात्‍ता ङ्‌येसेमे टेल्‍नूदेयलो ङीन ङूजे कीम्-म्हीती क्‍यूक्‍क्‍य।

हिब्रू 10:38

तर ङैजे धर्मी मीयूब विश्‍वास चीत्‍देबे सोम्‍बो क्‍यून्‍नीय, मेस्‍ये कादेये ङूदे विश्‍वास अन्‍चे क्‍यूप्‍पदे यलो ङू तङ्देबे ङ अन्‍सूग क्‍यूक्‍क्‍य।”

गलाती 6:9

ज्‍य काम चेने अन्थैल्‍लीला चीदे चेनेयलो येर चीन्‍नूलो ठीक बीलने ङीनदे अम्बजे फल प्रेक्‍क्‍य।

मूल स्यूस्स्यायूजे कामजे किताब 14:22

स्यूस्स्यायूजे विश्‍वासने बोल्यो क्‍यूस्‍स्‍य यदेबे अर्ती पीन्‍दे, मेस्‍ये कूम सकस् सैदीदेबे ङीन परमेश्‍वरजे राज्‍यने क्‍योब पर्‌दीय यदेबे थमयूने लोम्‍मीदे।

एफिसी 3:17

मेस्‍ये विश्‍वासदे चीत्देबे ख्रीष्‍ट नमयूजे सेम्ने बास चीस्स्‍य, मेस्‍ये प्रेम चीत्‍देबे छ चोदेबे दोरो क्‍यूरने,

रोमी 10:18

तर ङ लोक्‍क्‍य, “च थमयूदे सूगब खबर अन्‍त?” थमयूदे सूगब खबर तम्दम्ने त ख्यङ्, चेनेयले “थमयूजे के पृथ्वी भरी, मेस्‍ये थमयूजे सूगब खबर संसारजे कून-कूनसेमे फ्‍योये ख्यङ्।”

हिब्रू 6:19

ङीन्‍जे आत्‍माजे लागि अम्‍ब सोरो बोल्यो मेस्‍ये जूक्‍तीमेब लङ्गरजे रूप्ने आशा ङीनप्रे ख्यङ्। अम्‍बदे पर्दा नङ्ने ख्‍यब परमेश्‍वरजे पवित्र नेसेमे सबीय।

१ थेसलोनिकी 3:5

अम्‍ब कारणदे ङैदे कूम टेम अङ्ख्‍व क्‍यूत्‍देबे नमयूजे विश्‍वास था प्रेने तिमोथीने कूल्‍बे ख्‍य। मीने परिक्षा चेब शैतानदे नमयूने फस्तीबीदेबे ङीदे चीदेब छरङ्, काम अन्‍लादे क्‍यूप्‍पीयीच मन्‍देबे ङीयू सोरो फैन ख्‍य।

एफिसी 1:18

ङ अम्‍बये प्रार्थना चीक्‍क्‍य, नमयूजे सेम्दे ङूजे ओथ्याङ् तङ खूस्‍य, मेस्‍ये चैजे आशा चीत्‍देबे ख्रीष्‍टदे नमयूने क्‍व ख्‍य, मेस्‍ये परमेश्‍वरजे पवित्र मीयूने ख्रीष्‍टजे महिमाजे हकजे सम्पत्ति च ख्यङ्, हम्‍ब नमयूदे स्‍ये खूस्‍य।

२ कोरिन्थी 3:6

ङूदे ङीनने सर्‌ कबुलजे काम फरबयू क्‍यूरब गज्ज्य पीन्‍दे, लिख्दीयेब अक्षर‌ने दी, तर पवित्र आत्‍माने। चेनेयलो लिख्दीयेब अक्षरदे सेक्‍क्‍य, तर पवित्र आत्‍मादे जीया पीन्‍क्‍य।

मूल स्यूस्स्यायूजे कामजे किताब 2:5

स्वर्ग नङ्ने ख्‍यब जम्‍म देशजे ईश्वरने पूस्तेब यहूदीयू हम्‍ब बीलने यरूशलेमने टूङ ख्‍य।

प्रकाश 2:10

नै फ्‍याने रमल्‍नब सकस्यूप्रे अम्‍फलाची। ले, नमयूजे विश्‍वास जाँच‍तेने नमयू नङ्जे कोइ मीयूने शैतानदे कैदने चङमल्‍न ख्यङ्, मेस्‍ये नमयूने च्‍यूर्‌यासेमेत्‍या सकस् क्‍यूक्‍क्‍य। न सीब पर्‌तीलीने विश्‍वास चेब क्‍यूरो, मेस्‍ये ङैदे नने जीयाजे मुकुट पीन्‍क्‍य।

कलस्सी 1:25

नमयूने भलो चेने परमेश्‍वरदे ङैने पीनब काम अनुसार‌, परमेश्‍वरजे वचन त्‍याये अम्‍पोङ्लाबे स्‍य्‍वेने ङ मण्डलीजे त्वो क्‍यूत्‍दे

यूहन्‍ना 15:6

कोइ मी ङैप्रे अन्‍क्‍यूल्‍लो चै‍कब हाँगाप्र फीने छाबीय, मेस्‍ये हम्‍ब च्‍य्‍वे खर्‌बीय। येर हाँगायू मीदे फूङ् पूक्‍क्‍य, मेस्‍ये प्‍ल्‍याङ्नब मीने छाबीय, होर्‌दे मीदे ल्‍यागीय।

लूका 22:32

तर ङैदे नैजे विश्‍वास ढल्-पल् अन्क्यूस्स्य यदेबे नैजे लागि प्रार्थना चेख्यङ्, मेस्‍ये फेरि न ङैतेले ल्‍वारमेस्‍ये नदे रङ्से अत-च्योन्‌यूने बोल्‍यो चीम्मे पर्‌दीय।”

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।

हिब्रू 4:14

स्‍वर्गने गीलेब परमेश्‍वरजे च येशू ङीनजे पात्‍ता केन् पूस्‍र्‌या ख्यङ्, होरेक्‍यूत्‍देबे ङीनदे चीन्‍नब अम्‍ब विश्‍वासने थेप् बोल्यो क्‍यूत्‍देबे टूङ पर्‌तीय।

कलस्सी 2:7

नमयूने लोम्येब पो अनुसार‌ येशूने चेलाबे छ-च्‍वोदेबे ङू-फ्याने रङ्सेजे जीया चब क्यूरो। होर्‌दे विश्‍वासने सोरो बोल्यो क्‍यूत्‍देबे कलङ्नेयली ङूने धन्‍यवाद पीन्‍नब क्‍यूरो।

गलाती 5:7

नमयू चेलाबेने ग्येबीन ख्य। सूदे नमयूने परमेश्‍वरजे सत्य वचन मन्‍दीसे अम्‍पीन?

२ कोरिन्थी 6:1

ङी परमेश्‍वरप्रे-प्रेने काम फरब मीयू ख्यङ्, येरेक्‍यूत्‍देबे परमेश्‍वरजे अनुग्रह खेर प्रस्ये अम्‍पीन्‍लाची यदेबे नमयूने बिन्‍ती चीक्‍क्‍य,

मर्कूस 16:15

होर्‌दे ङूदे थमयूने यदे, “नमयू का-मुलुक संसारने प्रदेबे मीयू क्‍वानेने सूगब खबर स्‍य्‍वे।

१ यूहन्‍ना 2:27

ख्रीष्‍टदे नमयूने पीनब पवित्र आत्मा नमयूप्रे क्‍यून्‍नीय, मेस्‍ये सूदेये नमयूने लोम-तन चे अम्‍पर्‌ती। पवित्र आत्मादे नमयूने साप्‍ता पोजे बारेने लोम-तन चीक्‍क्‍य। ङूदे लोम्मेब पो सत्‍य ख्यङ्, लूच्‍च अन्‍क्‍यूर्‌। अम्‍ब पवित्र आत्मादे लोम-तन चेप्रने नमयू ख्रीष्‍टप्रे क्‍यून्‍नू।

१ पत्रुस 1:5

नमयूदे चेब विश्‍वासदे मूक्ति अम्‍प्रेत्‍दासेमे परमेश्‍वरजे शक्तिदे नमयूने जूक्‍तीमीय, हम्‍ब मुक्ति नमयूजे लागि पीनने छ्‌योदे ख्यङ्, अम्‍ब पात्‍ता ङ्येजे दिन म्‍याजे खूम्‍ने तङ्‍रमल्‍न ख्यङ्।

तीतस 3:7

ङूजे अनुग्रहदे धर्मी ठर्‌तीदेबे ङीनदे आशा चेब कलङ्बेये अन्‍सीबब जीयाजे हक प्रेब मी क्यूर खूस्‍य।

१ तिमोथी 2:7

अम्‍बजे लागि ङ प्रचार चेब मी मेस्ये मूल स्यूस्स्याजे रूप्‍ने चून्‍दीदे, विश्‍वास मेस्‍ये तम्दम्‍जे पोने यहूदी तेब मीयूजे लागि लोम्‍मेब मी क्‍यूत्‍दे। ङ तम्दम्‍ने यीय, लूच्‍च अन्क्यम्।

१ तिमोथी 1:12

ख्रीष्‍ट येशू ङीनजे प्रभुने ङ धन्यवाद पीन्क्‍य, ङूदे ङैने आँट पीन्‍दे, चेनेयलो विश्‍वास चे ख्‍वब ठर्‌दीदे रङ्सेजे सेवाने ङैने चून्‍तीदे।

२ थेसलोनिकी 2:16

होर्‌दे ङ्‍येदे ङीनने प्रेम चेब मेस्ये अनुग्रह चीत्देबे कलङ्बेये अन्जेनब सान्त्वना मेस्ये सोरो ज्य आशा पीनब ङीन्जे प्रभु येशू ख्रीष्‍ट रङ्सेदेने मेस्ये परमेश्‍वर ङीनजे पदे,

१ थेसलोनिकी 5:8

तर ङीनब नोजे क्‍यूरबदे चङ्‍ख क्‍यूरे, मेस्‍ये गूने ह्‍वेब विश्‍वास मेस्‍ये प्रेमजे पाता प्रे मुक्तिजे आशाजे मूल्‍कू कूये।

१ थेसलोनिकी 3:3

होर्‌दे अम्‍ब सकस्‌यूदे चीत्‍देबे सूजेये सेम् अन्‍सीस्‍य। नमयू रङ्सेने थाने ख्यङ्, यी अम्‍बजे लागि ङीन खर्‌दीये ख्यङ्।

एफिसी 4:16

ङूजे हक नङ्ने साप्‍ता फरक फरक अङ्गयू मील्‍लीदेबे टून ख्यङ्, मेस्‍ये पूरा ङ्व ठीक-ठीक नेने थूदेबे टून ख्यङ्। त्‍या-त्‍या अङ्गदे चेपर्‌देब काम चीत्‍दे यलो पूरा ङ्व प्रेमने ठोङ्बीय।

एफिसी 2:21

पूरा कीम् ङूने क्‍यूत्‍देबे चेलाबे नेत्‍याने थूदेबे प्रभुने पवित्र मन्दिर त्‍या क्‍यूरने ठोङ्बीय।

गलाती 5:5

चेनेयलो पवित्र आत्मादे ङीनने विश्‍वास चीस्‍स्‍ये पीन्‍देबे परमेश्‍वरजे खूम्‍ने धर्मी ठर्‌तीमेजे लागि आशा चीत्‍देबे लम् लेन्‍नब चीम्‍मीय।

गलाती 4:11

नमयूजे लागि ङैदे चेब छरङ् थेन्‍ने चीन्‍नइ च यदेबे ङैने सूर्‌त रेन ख्यङ्।

२ कोरिन्थी 11:23

थमयू ख्रीष्‍टजे सेवा चेब मी औ? ङ हम्‍ब यली सोरो ज्‍य सेवा चेब मी ख्यङ्- सेम् नोङ्ये मीप्र ङ क्‍यम्‍न ख्यङ्। ङैदे कूम छेम्‍प्रे चीत्‍दे। कूमफे झ्यालखानने पर्‌तीदे। कूमफे कोर्रादे ठरीकदे। कूमफे कालजे ङूर्‌ने फ्योइदे।

१ कोरिन्थी 15:58

येरेक्‍यूत्‍देबे ङैजे छेब अत च्योनयू, सेम् केन् चीत्‍देबे ढल्मल् अन्‍क्‍यूल्‍लाबे टूङ्। प्रभुजे कामने येतार्‌ने सेम् पीन्‍देबे फर्‌नू, चेनेयलो प्रभुजे कामने चेब छेम्‍प्रे सीत्‍तीने खेर अम्‍प्र यदेबे नमयूदे स्‍ये ख्यङ्।

१ कोरिन्थी 3:5

अपोल्‍लोस सू ख्यङ्? पावल सू ख्यङ्? येशू ख्रीष्‍ट फ्‍याने विश्‍वास चीस्‍से पीनने नमयूजे लागि ङी ङ्ही परमेश्‍वरजे काम फरब मीयूत्‍यामे ख्यङ्। प्रभुदे खेर्‌दीयेब काम ङी फर्‌क्‍य।

रोमी 15:16

अम्‍ब अनुग्रह परमेश्‍वरदे यहूदी देब मीयूने सूगब खबर स्‍य्‍वेजे लागि पूस्‍र्‌या क्‍यूत्‍देबे ङैने सेवा चीस्‍ये पीन्‍दे। येर्‌बे यहूदी देब मीयूये पवित्र आत्मादे शुद्ध क्‍यूत्‍देबे परमेश्‍वरदे सेम् पर्‌तेब बलि क्‍यूर खूस्‍य।

रोमी 5:5

आशादे ङीनने सेम् सीस्ये अम्‍पीन, चेनेयलो ङीनने पीनब पवित्र आत्मादे परमेश्‍वरजे प्रेम ङीन्‍जे सेम्ने फम्‍मे ख्यङ्।

रोमी 2:7

धेरेन् क्यूत्देबे मीने ज्‍य चीम्मेब कामने ला-दीनूदेबे सूदे महिमा, इज्जत मेस्‍ये कलङ्बेये अन्सीबब जीया मल्‍क्‍य, परमेश्‍वरदे हम्‍बने कलङ्बेये अन्जेनब जीया पीन्‍क्‍य।

मूल स्यूस्स्यायूजे कामजे किताब 26:16

तर लङ् मेस्‍ये रङ्सेजे तोप्‍ने मेर्‌, चेनेयलो ङैने नदे तङब मेस्‍ये ङैदे नने तनब पोजे लागि सेवा चेब मेस्‍ये साक्षी जूर्‌तेस्‍ये मन्‍दे ङ नैट्‌याने तङ्‍रदे।

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

मूल स्यूस्स्यायूजे कामजे किताब 11:23

ङू हैयाने रदेबे परमेश्‍वरजे अनुग्रह तङ्देबे सूग्‍दे, मेस्ये थमयू क्वानेने ङूदे प्रभुतेले पूरा सेम्‍दे विश्‍वास ची यदेबे बोङ् पीन्‍दे।

मूल स्यूस्स्यायूजे कामजे किताब 4:12

“सूजो सूदेये मुक्तिपीन अन्‍खू, चेनेयलो ङीनदे मुक्तिप्रेने स्वर्ग नङ्ने मीयूने सूजो चे मीन्‌ये अम्‍पीनी।”

मूल स्यूस्स्यायूजे कामजे किताब 1:25

मेस्‍ये हम्‍बदे अम्‍ब सेवा मेस्ये मूल स्यूस्स्यायूजेप्र काम‍ने प्र-खूस्‍स्‍य, अम्‍ब सेवा अन्‍चील्‍ला गीलीदेबे यहूदा रङ्सेजे नेने सीइ।”

मूल स्यूस्स्यायूजे कामजे किताब 1:17

ङीन प्रने प्रभुजे बाह्र जान स्यूस्स्यायू नङ्ने ङूये त्‍या ख्‍य, मेस्‍ये ङीनप्रने प्रभुजे काम चेने सेल ख्‍य।”

लूका 6:48

हम्‍ब कीम्त्‍या बन्‍देब मीप्र ख्यङ्, ङूदे पोलोम् फ्‍याने जा पूत्‍दे। होर्‌दे कन्‍छ्वाब हून्‍ड केन् चील्‍लीदे, मेस्‍ये हम्‍ब कीम्ने हून्‍ड टरदे, हन्‍छ्वाब हम्‍ब कीम्‌ये लीङने अन्‍खू, चेनेयलो हम्‍ब कीम् पक्‍क बल्‍यो थ्याये ख्‍य।

२ कोरिन्थी 4:1

येरेक्यूत्देबे परमेश्‍वरजे रङ्से कृपादे अम्‍ब काम ङीने पीनब क्यूत्देबे ङी सेम् चीद अन्‍ची।

मूल स्यूस्स्यायूजे कामजे किताब 1:8

तर पवित्र आत्मा नमयूने रमेस्‍ये नमयूदे शक्ति प्रेक्‍क्‍य, मेस्‍ये नमयू यरूशलेमने, पूरा यहूदियाने, सामरियाने मेस्‍ये पृथ्वीजे पात्‍ता नजे कून-कूनसेमे ङैजे गवाही पीनब क्‍यूक्‍क्‍य।”

२ कोरिन्थी 10:1

ङ पावल, नमयूजे खूम्‍ने क्‍यूप्‍प सोरो चीद क्‍यूक्‍क्‍य, तर चीन्‍तङ् क्‍यूप्‍प नमयूजे लागि सेम्ने आँट रीय। ख्रीष्‍टने ख्‍यब चीद क्‍यूरब मेस्‍ये ङ्येमब सेम्दे ङ नमयूने बिन्‍ती चीक्‍क्‍य।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।