4 होर्दे हम्ब स्वा-स्वा थरेबदे का-मुलुकने गीलीदेबे वचन प्रचार चीत्दे।
कन्छ्वाब थमयूदे नमयूने सहरत्याने सतनम् पीन्क्य, हन्छ्वाब सूजो सहरने छ्योङ्ब। तम्दम्ने ङ नमयूने यीय, चेनेयलो मीजे च रयली खूम् नमयूदे इस्राएलजे टक्क सहरयूने काम चीक्क चन्स्ये त्वो।
येर्बे थमयूदे मीयूङ्मेस्येने परमेश्वरजे वचन रङ्से म्यादे तङ्देबे गवाही पीनब मेस्ये वचन स्य्वेब मीयू ख्य, थमयूदे अम्ब पोयू लिख्देने ङीने जिम्मा पीन्दे।
स्तिफनसने सैकमेस्ये सतनम् क्यूत्देबे ती-छो छ्योङ्गीदेबे कोइ मी फोनिके देशने, कोइ साइप्रस टापूने, कोइ एन्टिओखिया सहर फ्योयीदे। सुरुने थमयूदे सूगब खबर यहूदीयूने त्यामे स्योत्दे।
पावल मेस्ये बारनाबासदे प्रभुजे वचनदे शिक्षा पीन्दे प्रचार चीदे-चीदे सूजो कूम मीयूप्रे एन्टिओखियाने टूङ्दे।
मीयूदे स्तिफनसने सेप्प शाऊलये मन्जुर क्यूर ख्य, हम्ब दिनने यरूशलेमने ख्यब मण्डलीजे विरुद्धने बेस्से केन् सतनम् सुरु क्यूत्दे, मूल स्यूस्स्यायू बाहेक थमयू क्वाने यहूदिया मेस्ये सामरियाजे नेतेले स्वा-स्वा क्यूरी।
तर कन्छ्वाब थमयूदे परमेश्वरजे राज्य मेस्ये येशू ख्रीष्टजे मीन्ने सूगब खबर स्य्वेब फिलिपजे पोने विश्वास चीत्दे। हन्छ्वाब पती मेस्ये मदीयूदे बप्तिस्मा कीन्दे।
ङीदे खूम्ने फिलिप्पीने सकस् भोक्तीकदे मेस्ये ह्यलये क्यूत्दे यब पो नमयूने थाने ख्यङ्, तर सोरो फत्या विरुद्ध चील्लीने परमेश्वरजे सूगब खबर स्य्वेने परमेश्वरदे ङीने आँट पीन्दे।