मूल स्यूस्स्यायूजे कामजे किताब 6:9 - घले नयाँ करार

⁹ तर कोइ कोइब कम्‍ब स्‍वतन्‍त्र पाटीजे सभा-कीम्‍जे मीयू (अम्‍बजे मीन् अम्‍बने ख्‍य), मेस्‍ये कुरेनी, अलेक्‍जेन्ड्रिया, किलिकिया मेस्‍ये एशियाजे मीयू ख्‍य, थमयू मेर्‌देबे स्‍तिफनसप्रे सवाल-जवाफ चेमेदे।

मूल स्यूस्स्यायूजे कामजे किताब 6:9 ပူးပေါင်းရင်းမြစ်များ

मत्ती 10:17

तर मीयूप्रे होस्स्यार क्‍यूर्, चेनेयलो थमयूदे नमयूने अड्डने सूम्‍दीपीय, मेस्‍ये थमयूजे सभा-कीम्‍‍‌यूने कूबदेबे नमयूने कोर्रा लैदीय।

मत्ती 23:34

येरेक्‍यूत्‍देबे ङ नमयू ट्‌याने अगमवक्तायू, बुद्धिमानी मीयू मेस्‍ये पन्‍डेयू कूल्‍बीय। थमयू नङ्ने कोइ मीयूने नमयूदे सेक्‍कीय मेस्‍ये क्रूसने खील् ठोक्‍दीदे पील्क्‍य, मेस्‍ये कोइ मीयूने रङ्सेजे सभा-कीम्‍यूने कोर्रा लैदीय, मेस्‍ये सहर त्‍यादे सूजो सहरने ताल्पीय।

मत्ती 27:32

लम्‍ने प्रेनूब सिमोन यब कुरेनीजे मीत्‍या तूदे, मेस्‍ये थमयूदे ङूने येशूजे क्रूस प्‍ल्‍ये यदेबे कर् चङ्दे।

मर्कूस 13:9

“नमयू रङ्से चेलाबे होस्स्यार क्‍यूर्‌, चेनेयलो थमयूदे नमयूने अड्‌डने चूङ्देबे कूबीय होर्‌दे सभा-कीम्‌यूने कूबदेबे खान्‍दीय। हाकिमयू प्रे मूरुम्यूजे खूम्‍ने मेर्‌स्‍ये पीन्‍क्‍य। नमयूदे थमयूने ङैजे बारेने गवाही पीन पर्‌दीय।

लूका 21:12

“तर अम्‍ब पोयू क्वाने क्‍यूर यली खूम्, मीयूदे नमयूने चूङ्क्‍य, सतनम् चीक्‍क्‍य,’ मेस्‍ये नमयूने सभा-कीम्‌यूने सूम्‍दीपीय, र झ्‍यालखानने चङ्पीय। नमयूने ङैजे मीन्‍जे कारण मूरुम्‌यू प्रे हाकिमयूजे खूम्‍ने स्‍योल्‍गीदेबे मेर्‌से पीन्क्‍य।

मूल स्यूस्स्यायूजे कामजे किताब 11:20

तर थमयू नङ्ने कोइ कोइ साइप्रस मेस्‍ये कुरेनीजे मीयू ख्‍य। थमयूदे एन्टिओखियाने रदेबे ग्रीकयूनेये प्रभु येशूजे सूगब खबर स्‍योत्‍दे।

मूल स्यूस्स्यायूजे कामजे किताब 13:1

एन्टिओखियाजे मण्डलीने अगमवक्तायू मेस्‍ये छ्‍योम्मेब मीयू, या बारनाबास, काला मीन् ख्यब शिमियोन, कुरेनीजे लुकियस, प्रान्तजे हक चील्लेब हेरोदप्रे छरकब मनेन मेस्ये शाऊल ख्‍य।

मूल स्यूस्स्यायूजे कामजे किताब 13:45

यहूदीयूदे मीयूजे हुल तङ्देबे पावल मेस्‍ये बारनाबास फ्‍याने म्‍यातब चेमेदे, मेस्ये पावलदे यब पोजे विरुद्ध चीत्‍देबे पावलजे न पूत्दे।

मूल स्यूस्स्यायूजे कामजे किताब 15:23

थमयूदे हम्बयूप्रेप्रे अम्‍ब चिट्ठी चङ्पीदे: ‘एन्टिओखिया, सिरिया प्रे किलिकियाने टूङब यहूदी तेब विश्‍वासीयूने, मूल स्यूस्स्यायू मेस्‍ये एल्डरयूजे नमस्कार ख्यङ्।

मूल स्यूस्स्यायूजे कामजे किताब 15:41

मण्डलीयूने बोल्‍यो चीत्‍देबे थमयू सिरिया मेस्‍ये किलिकियाजे नेयू ट्वादे।

मूल स्यूस्स्यायूजे कामजे किताब 16:6

पवित्र आत्मादे एशियाने वचन स्‍य्‍वेस्‍ये अम्‍पीनबदे थमयू फ्रिगिया मेस्‍ये गलातिया नेतेले योङ्देबे गीलीदे।

मूल स्यूस्स्यायूजे कामजे किताब 18:24

अलेक्‍जेन्‍ड्रियाने टूङब अपोल्‍लोस यब यहूदी त्‍या एफिससने रदे। ङू सोरो पो क्‍यम्से रब मी ख्य, मेस्‍ये ङूने धर्मशास्त्रजे कूम ज्ञान ख्‍य।

मूल स्यूस्स्यायूजे कामजे किताब 19:10

अम्‍ब काम वर्ष ङ्‍हीसेमे चील्‍लीदे, मेस्‍ये एशियाने टूङब मीयू, यहूदी मेस्‍ये ग्रीक थर ङ्‍हीदेने प्रभुजे वचन ङ्‍यीन्‍दे।

मूल स्यूस्स्यायूजे कामजे किताब 19:26

नमयूदे तङ्न ख्यङ्, मेस्‍ये तैन ख्यङ्, अम्‍ब एफिससने त्‍या दीलाबे एशियाजे का-मुलुक‍ने लादे बन्‍देब देवदेवता चैये दी यदेबे पावलदे कूम मीयूजे हुल‍ने होम्‍देबे रङ्सेतेले कूते ख्यङ्।

मूल स्यूस्स्यायूजे कामजे किताब 21:27

कन्‍छ्वाब ङ्यीर्‌या पूरा क्यूट्‍ट ख्‍य, हन्‍छ्वाब एशियाजे यहूदीयूदे पावल मन्दिरने तङ्देबे मी हुल क्वानेने उस्‍तीदे मेस्ये ङूने चूङ्दे।

मूल स्यूस्स्यायूजे कामजे किताब 21:39

तर पावलदे जवाफ पीन्‍दे, “ङब किलिकियाजे सहर टार्ससजे यहूदी मी ख्यङ्, चीदत्‍या सहरजे मी दी। बिन्ती ख्यङ्, अम्‍ब मीयूने पो त्‍या ङ्ही यब ङैने मन्‍जूरी पीनो।”

मूल स्यूस्स्यायूजे कामजे किताब 22:19

“ङैदे यदे, ‘ओ प्रभु, ङैदे सभा-कीम् त्‍या-त्‍याने गीलीदेबे नैफ्‍याने विश्‍वास चेब मीयूने झ्यालखान‍ने स्‍योप्देबे ठरेब थमयू खोत्‍तादेने थाने ख्यङ्।

मूल स्यूस्स्यायूजे कामजे किताब 22:3

ङूदे यदे, “ङ किलिकियाजे टार्सस सहरने जन्मेदेब यहूदीयू नङ्जे ङैये त्‍या ख्यङ्, तर अम्‍ब सहरने गमलिएलजे नङ्ने छरक-ख्यङ्। ङीजे पीत्रजे पेक अनुसार ङैदे ठीक-ठीक शिक्षा प्रे ख्य। दीनी नमयू परमेश्‍वरतेले कोला जोसीलो ख्यङ्, ङैये होरप्रने जोसीलो ख्य।

मूल स्यूस्स्यायूजे कामजे किताब 23:34

ङूदे चिट्ठी छ्‍वेमेस्‍ये ङू कम्‍ब जिल्‍लाजे यदेबे लोत्‍दे। ङू किलिकियाजे यदेबे था प्रेमेस्‍ये ङूदे यदे,

मूल स्यूस्स्यायूजे कामजे किताब 24:18

थमयूदे ङैने मन्दिरने तूब शुद्ध क्‍यूरब पेकये ङैदे पूरा चीक्‍क ख्‍य। हैयाने चूक्लीत्या हुलये त्‍व ख्य, पाराये अम्‍पून्‍नू तर हैयाने एशियाजे कोइ कोइ यहूदीयू ख्‍य,

मूल स्यूस्स्यायूजे कामजे किताब 26:11

कूम खेप् ङैदे थमयूने ‘जेम्सेमेस्‍ये नासरतजे येशूने विश्‍वास अन्ची’ यसे पीनने सभा-कीम्‌यूने जबरजस्‍ती सजाइ पीन्स्‍ये पीन्‍दे। ङ थमयू तङ्देबे छीदे मूत्‍ते क्‍यूत्‍देबे फीजे सहरयूनेये प्रदेबे ङैदे थमयूने सतनम् चीत्‍दे।

मूल स्यूस्स्यायूजे कामजे किताब 6:10

ङू येर बुद्धिदे मेस्‍ये पवित्र आत्मादे क्‍यम ख्‍य, थमयूदे हम्‍बजे सवाल-जवाफ चे अङ्‍खू।

१ कोरिन्थी 1:20

बुद्धि ख्यब मी खै केने ख्‍यङ्? पण्डे केने ख्‍यङ्? अम्‍ब जूग्‍जे तर्क चेबयू केने ख्‍यङ्? च परमेश्‍वरदे अम्‍ब संसारजे बुद्धिने मूर्ख चीप्‍पे तेया?

गलाती 1:21

होर्‌दे ङ्येदे ङ सिरिया मेस्ये किलिकियाजे नेतेले गीलीदे।