मूल स्यूस्स्यायूजे कामजे किताब 6:4 - घले नयाँ करार

⁴ तर ङीनब प्रार्थना मेस्‍ये वचनजे सेवा चेब काम‍ने पूरा सेमे पीन्क्य।”

मूल स्यूस्स्यायूजे कामजे किताब 6:4 ပူးပေါင်းရင်းမြစ်များ

लूका 1:23

ङूजे सेवा चेब दिन जेङ्‍क ङ्येदे ङू रङ्सेजे कीम्ने गीलीदे।

मूल स्यूस्स्यायूजे कामजे किताब 1:14

कोइ मदीयू मेस्‍ये येशूजे म मरियम होर्‌दे ङूजे च्योन्‌यू प्रे थमयू ‍क्वाने फूङ् क्‍यूत्‍देबे येतार्‌ने प्रार्थना चीन्‍न ख्‍य।

मूल स्यूस्स्यायूजे कामजे किताब 2:42

थमयू मूल स्यूस्स्यायूजे शिक्षा, सङ्गति चेब मेस्‍ये प्रे-क्‍यङ् क्‍योत्‍देबे चब भात्यार्‌जे प्रार्थनाने येतारने लादीन ख्‍य।

रोमी 1:9

ङ सेम्-‍नङ्देमेस्‍येने ङूजे चजे सूगब खबर स्‍योत्‍देबे ङूजे सेवा चीक्‍क्‍य। ङ प्रार्थना चीप्प येतार्‌ने नमयू ह्‍वे चीन्‍न ख्यङ् यब पोजे गवाही परमेश्‍वर ख्यङ्।

१ कोरिन्थी 9:16

कादेये ङैदे सूगब खबर स्‍योत्‍देयलो, अम्‍बने ङ त्‍वे पर्‌देब कारण चेत्‍याये त्‍वो। चेनेयलो प्रचार चेने कर्‌ लादे ख्यङ्। सूगब खबर प्रचार अन्‍चीत्‍देयलो ङैने धिक्कार ख्यङ्।

फिलिप्पी 1:4

ङ येतार्‌ने नमयू क्‍वाजे लागि प्रार्थना चीप्‍प सेम् सूग्‍देबे प्रार्थना चीक्‍क्‍य,

कलस्सी 2:1

नमयू मेस्‍ये लाउडिकियाने ख्‍यबयू होर्‌दे ङैजे त्‍वाने अन्‍तङबयू क्‍वाजे लागि केरे ङैदे सोरो बोङ्बे छेम्‍प्रे चीत्‍दे यब पो नमयूदे था प्रेस्‍स्‍य मन्‍न ख्यङ्,

कलस्सी 4:12

नमयू अन्‍द्रजे मीत्‍या येशू ख्रीष्‍टजे सेवा चेब इपाफ्रासदेये नमस्‍कार येबे ख्यङ्। नमयू परमेश्‍वरने बोल्यो क्‍यूर खूस्‍स्‍य मेस्‍ये परमेश्‍वरजे साप्‍ता इच्छायू पूरा रूप्‍दे मन्‍देब क्‍यूर खूस्‍स्‍य यदेबे ङूदे प्रार्थनाने नमयू येतार्‌ने ह्‌वे चीन्‍न ख्यङ्।

कलस्सी 4:17

“प्रभुदे पीनब काम नदे च्‍येलाबे पूरा चे पर्‌दीय” यदेबे अर्खिप्‍पसने येमी।

२ तिमोथी 4:2

परमेश्‍वरजे वचन स्‍य्‍वेने बील-अबील तयार क्‍यून्‍नू। धेरेन्बे शिक्षा पीन्देबे अर्ती पीन्, ङर्‌मी, आँट पीन्।