मूल स्यूस्स्यायूजे कामजे किताब 3:12 - घले नयाँ करार

¹² अम्‍ब तङ्देबे पत्रुसदे मीयूने यदे, “इस्राएलजे मीयू, अम्‍ब पोने नमयू चेने हार्‌मन्‍दीन? या ङीजे रङ्सेजे शक्ति या भक्ति चीत्‍देबे ङीदे अम्‍बने प्र ख्‍व चेप्र चेने आ-थोम्‍दे ङीने लेन्‍न?

मूल स्यूस्स्यायूजे कामजे किताब 3:12 ပူးပေါင်းရင်းမြစ်များ

यूहन्‍ना 7:18

रङ्सेजे पो त्‍या क्‍यमब मीदे, रङ्सेजे गेसेन् मेल्‍क्‍य, तर सूदे रङ्सेने कूल्‍बेबजे गेसेन् मेल्‍क्‍य हम्‍ब सत्य क्‍यूक्‍क्‍य। मेस्‍ये ङूप्रे छल्‍‍जे पो क्यूस्स्ये त्‍वो।

मूल स्यूस्स्यायूजे कामजे किताब 13:26

“ओ, अब्राहामजे छगूम्-पूर्‌गूम्, मेस्‍ये नमयू नङ्ने परमेश्‍वरने मन्‍देब च्योन्‌यू, अम्‍ब मुक्तिजे खबर परमेश्‍वरदे ङीन क्वाजे लागि चङ्बे ख्यङ्।

मूल स्यूस्स्यायूजे कामजे किताब 2:22

“इस्राएलजे मीयू, अम्‍ब पो ङ्यीन्, नासरतजे येशू येर मी ख्‍य, ङूने परमेश्‍वरदे कूम शक्तिजे काम‍यू, हार्‌मन्‍देब काम‍यू मेस्‍ये च्‍यूनूयू नमयूजे खूम्ने प्रमाण तम्मी‍दे। नमयूदे थाने ख्यङ्, यी परमेश्‍वरदे नमयूजे अन्‍द्रने येर कामयू ङूदेने चे ख्यङ्।

मूल स्यूस्स्यायूजे कामजे किताब 3:11

हम्‍ब मी पत्रुस मेस्‍ये यूहन्‍नाजे ङ्‍ये-ङ्‌ये लादेब तङ्देबे मीयू क्वाने आथोम्कदेबे सोलोमन यब तोलेन्‍ने त्‍याफेने थमयू ट्‌याने ग्येरदे।

मूल स्यूस्स्यायूजे कामजे किताब 3:13

ङीनजे तङ्बोजे मेमे अब्राहाम, इसहाक मेस्‍ये याकूबजे परमेश्‍वरदे रङ्सेजे सेवा चेब येशूने महिमित चीत्‍दे, ङूने नमयूदे चूङ्स्ये पीन्दे। पिलातसदे ङूने क्याबे मेलीने नमयूदे ङूजे खूम्‍देने अन्क्यूर् यदे।

रोमी 11:1

येरेक्‍यूत्‍देबे ङ लोक्‍क्‍य, “होरेयलो परमेश्‍वरदे ङूजे मीयूने क्‍याबे औ?” दी! ङ रङ्सेये अब्राहामजे छगूम्-पूर्‌गूम्, बेन्‍यामीन कुलजे यहूदी ख्यङ्।

रोमी 9:4

थमयू इस्राएलीयू ख्यङ्, मेस्‍ये परमेश्‍वरदे थमयूने रङ्से च-चीमी क्यूस्से पीन्‍दे। ङूदे रङ्से महिमा थमयूने तम्‍मीदे, थमयूप्रेने करार ख्या‍दे, मोशाजे नियम पीन्‍दे, ङूने पूस्तेने लोम्‍मीदे, मेस्ये ङूदे चेब बाजायू थमयूदे प्रेख्यङ्।

२ कोरिन्थी 3:5

चैपोये ङी रङ्सेदे चे ख्यङ् यदेबे पक्‍क रूप्‍ने यजे लागि ङीजे गज्ज्य त्‍वो, तर परमेश्‍वरदे ङीने अम्‍ब गज्ज्य पीन ख्यङ्।

प्रकाश 7:13

धर्म-गुरुयू नङ्ने त्‍यादे ङैने लोत्‍दे, “अम्‍ब कोला कर्‌ ह्‍वेब मीयू सू ख्यङ्, मेस्‍ये थमयू कैयादे रख्यङ्?”