मूल स्यूस्स्यायूजे कामजे किताब 2:10 - घले नयाँ करार

¹⁰ होर्‌दे फ्रिगिया, पामफिलिया, मिश्र मेस्ये कुरेनीने पर्‌देब लिबियाजे थेप्‍प्र नैयू मेस्‍ये रोम‍दे रब यहूदी मेस्ये यहूदीजे विचार सेम्‍पर्‌देब थर ङ्‍हीने ख्यङ्,

मूल स्यूस्स्यायूजे कामजे किताब 2:10 ပူးပေါင်းရင်းမြစ်များ

मत्ती 2:15

हेरोद अन्‍सीइदासेमे थमयू हैयानेने टूङ्दे। परमप्रभुदे यब वचन येर्‌बे पूरा क्‍यूत्‍दे, “ङैदे रङ्से चने मिश्रदेशदे कोदे।”

मत्ती 23:15

“धिक्‍कार पन्‍डे मेस्ये फरिसीयू, नमयू, कप्‍टी ख्यङ्! चेनेयलो नमयूदे सूजो मीयूने रङ्से धर्मने रेने संसारभरी ट्वाय मेस्‍ये कोइने रङ्से धर्मने रेत्‍देयलो ङूने रङ्सेयली दोब्‍बर नरकने प्रब लायकजे बन्‍दीय।

मत्ती 27:32

लम्‍ने प्रेनूब सिमोन यब कुरेनीजे मीत्‍या तूदे, मेस्‍ये थमयूदे ङूने येशूजे क्रूस प्‍ल्‍ये यदेबे कर् चङ्दे।

मर्कूस 15:21

होर्‌दे लम्ने प्रेनूब थमयूदे कुरेनी देशजे सिमोन यब मी त्‍या सहरतेले रेनब तूदे। ङू अलेक्‍जेन्डर मेस्‍ये रूफसजे प ख्‍य। सिपाईयूदे ङूने कर्‌चङ्देबे येशूजे क्रूस प्‍लेस्‍से पीन्दे।

मूल स्यूस्स्यायूजे कामजे किताब 11:20

तर थमयू नङ्ने कोइ कोइ साइप्रस मेस्‍ये कुरेनीजे मीयू ख्‍य। थमयूदे एन्टिओखियाने रदेबे ग्रीकयूनेये प्रभु येशूजे सूगब खबर स्‍योत्‍दे।

मूल स्यूस्स्यायूजे कामजे किताब 13:1

एन्टिओखियाजे मण्डलीने अगमवक्तायू मेस्‍ये छ्‍योम्मेब मीयू, या बारनाबास, काला मीन् ख्यब शिमियोन, कुरेनीजे लुकियस, प्रान्तजे हक चील्लेब हेरोदप्रे छरकब मनेन मेस्ये शाऊल ख्‍य।

मूल स्यूस्स्यायूजे कामजे किताब 13:13

पावल मेस्‍ये ङूजे ख्योन्‌यू पाफोसदे क्‍यू जहाजने टदेबे पामफिलियाजे पर्गाने फ्‍योयीदे, मेस्‍ये यूहन्‍नाब थमयूप्रे छूर्‌दीदेबे यरूशलेमने ल्वाइदे।

मूल स्यूस्स्यायूजे कामजे किताब 13:43

सभा जेङ्‍कङ्येदे कूम यहूदीयू मेस्‍ये यहूदी धर्म मन्‍देब मीयू पावल मेस्ये बारनाबासजे ङ्‍ये-ङ्‍ये रदे, मेस्‍ये थमयूदे थमयूप्रे बात् सेत्देबे येतार्‌ने परमेश्‍वरजे अनुग्रहने टूनू यदेबे बिन्‍ती चीत्‍दे।

मूल स्यूस्स्यायूजे कामजे किताब 14:24

होर्‌देमेस्‍ये थमयू पिसिदिया क्‍यूत्‍देबे पामफिलियाने रदे।

मूल स्यूस्स्यायूजे कामजे किताब 15:38

तर पावलदे मर्कूसप्रेप्रे टेल्‍केब ज्‍य अन्‍थे, चेनेयलो ङू पामफिलियादे थमयूप्रे छूर्‌दीदे गीले ख्य, मेस्‍ये थमयूप्रे कामने अङ्‍गीले ख्य।

मूल स्यूस्स्यायूजे कामजे किताब 16:6

पवित्र आत्मादे एशियाने वचन स्‍य्‍वेस्‍ये अम्‍पीनबदे थमयू फ्रिगिया मेस्‍ये गलातिया नेतेले योङ्देबे गीलीदे।

मूल स्यूस्स्यायूजे कामजे किताब 17:21

एथेन्‍सजे मीयू क्वाने मेस्‍ये हैयाने टूङ्ब फीदेशजे मीयू नोङ्ल्‍या-नोङ्ल्‍या पो यने या ङ्यीनत्‍या दीलाबे रङ्सेजे सेमे सूजो कम्‍ब पोनेये खेर अन्‍छा ख्‍य।

मूल स्यूस्स्यायूजे कामजे किताब 18:2

ङूदे पोन्टस‍ने टूङब अकिलास यब यहूदी त्‍याने तूदे। ङू रङ्सेजे मज प्रिस्किलाप्रे इटालियादे र ख्‍य, चेनेयलो पात्‍ता केन् मूरुम् क्‍लौडियसदे यहूदीयू क्वानेने रोमदे योङ्देबे प्रब आज्ञा पीन ख्‍य। पावल थमयूने त्वने गीलीदे

मूल स्यूस्स्यायूजे कामजे किताब 18:23

ङू हैयाने ते दिन टूङ्देबे हैयादे ङू योङ्देबे गलातिया मेस्ये फ्रिगियाजे नेयू क्‍यूत्‍देबे योङ्‍गीदे मेस्ये स्यूस्स्यायू क्वानेने बोल्यो क्यूस्स्ये पीन्‍देबे सूजो नेयूने गीलीदे।

मूल स्यूस्स्यायूजे कामजे किताब 2:11

क्रेटजे मीयू मेस्ये अरबजे मीयूये ख्‍य, होर्‌दे ङीन रङ्से रङ्से केने परमेश्‍वरजे सोरो फत्‍या केन् काम‍यूजे बयान थमयूदे बेस्से क्यम्नब तैन ख्यङ्।”

मूल स्यूस्स्यायूजे कामजे किताब 23:11

नेदेरे मून्‍दे प्रभुदे ङूट्‌याने मेर्‌देबे यदे, “बोङ् ची, पावल, चेनेयलो केर्‌बे नदे यरूशलेमने ङैजे बारेने गवाही पीन्‍दे, होरप्रने नदे रोमनेये गवाही पीन पर्‌दीय।”

मूल स्यूस्स्यायूजे कामजे किताब 27:5

किलिकिया मेस्ये पामफिलियाजे तीप्‍ल्‍या समुद्रने फ्‍योयेमेस्‍ये, ङी लुकियाजे माइरा यब सहर त्याने फ्‍योरदे।

मूल स्यूस्स्यायूजे कामजे किताब 28:15

हैयादे ङी रीय यब खबर तदेबे अत-च्योन्‌यू ङीने त्‍वने अप्‍पियसजे बजारने मेस्ये तीन-पाटी यब नेने र ख्‍य। थमयूने तङ्देबे पावलदे परमेश्‍वरने धन्‍यवाद यदे, मेस्‍ये आँट प्रेत्‍दे।

मूल स्यूस्स्यायूजे कामजे किताब 6:5

अम्‍ब पो हम्‍ब हुल‍जे क्वादेने सेम् पर्‌दीदे मेस्‍ये फूङ् क्‍यूरब मीयू क्वादेने ज्‍य थेदे, होर्‌दे थमयूदे पवित्र आत्मा मेस्‍ये विश्‍वासने भरीपूर्‌ण ख्‍यब स्तिफनस, फिलिप, प्रखरस, निकनोर, तीमोन, पर्मिनास मेस्‍ये एन्टिओखियाजे यहूदी धर्म मन्‍देब निकोलाउसने सेल्‍दे।

मूल स्यूस्स्यायूजे कामजे किताब 6:9

तर कोइ कोइब कम्‍ब स्‍वतन्‍त्र पाटीजे सभा-कीम्‍जे मीयू (अम्‍बजे मीन् अम्‍बने ख्‍य), मेस्‍ये कुरेनी, अलेक्‍जेन्ड्रिया, किलिकिया मेस्‍ये एशियाजे मीयू ख्‍य, थमयू मेर्‌देबे स्‍तिफनसप्रे सवाल-जवाफ चेमेदे।

रोमी 1:15

येरेक्‍यूत्‍देबे खूदासेमे नम रोमने ख्‍यबयूनेये ङ सूगब खबर सोरो स्‍य्‍वेस्‍ये मन्‍न ख्यङ्।

रोमी 1:7

परमेश्‍वरदे छेब नम रोमजे मीयू क्‍वाने ङूजे पवित्र मीयू क्‍यूरने क्व ख्यङ्: ङीनजे प परमेश्‍वर मेस्‍ये प्रभू येशू ख्रीष्‍टदे नमयूने अनुग्रह मेस्‍ये शान्ति पीन्‍स्‍य।

२ तिमोथी 1:17

तर ङू रोमने रमेस्‍ये ख्‍वार्-ख्‍वार् मेल्‍देबे ङैने तूरदे।

प्रकाश 11:8

कम्‍ब सहरने थमयूजे प्रभु क्रूसने खील् ठोक्‍दीदेबे पील्‍क ख्‍य, हम्‍ब सहर केन्जे लम् ङने थमयूजे लासयू फोल्‍नीय, नमूनाजे रूप्‍ने हम्‍ब सहरजे मीन् सदोम मेस्‍ये मिश्री यीय।