3 त्याप्र काम चेब क्यूत्देबे पावलये थमयूप्रे टूङ्देबे काम चीत्दे। चेनेयलो थमयूजे काम पाल बन्देब ख्य।
ङी रङ्से लादेने काम फर्देबे छेम्म्रे चेख्यङ्। सूजो मीयूदे ह्यल चीप्प ङी असी पीन्क्य। मीयूदे सतनम् पीम्ब ङी सैदीय।
होरप्रने सूगब खबर प्रचार चेबयूदेये सूगब खबर स्योत्देने रङ्से ख्वाजे लागि प्रेपर्तेब थान्ता प्रेस्स्य यदेबे प्रभुदे आज्ञा पीन्दे।
तर ङैदे यर हकयू कम्बये प्रेपर्तीय यदेबे अन्-य, होर्दे ङैजे लागि येर चीम्मीस्य यदेबे अम्ब पोयू लिख्दे दी। चेनेयलो ङैदे थान्ता स्यदेबे अम्ब काम चेयली बरू ङ तक्पने सीबब ज्य क्यूक्क्य, ङैदे नमयूने थान्ता अन्स्यलाबेने अम्ब काम नमयूजे लागि चे खूदे होरेक्यूत्देबे ङ त्वे ख्व ख्यङ्।
होरेक्यूल्लो ङैजे लागि इनामब च ख्यङ्? होरेने सूगब खबर प्रचार चेप्रेस्स्य। सूगब खबर प्रचार चीप्प प्रेपर्तेब हक ङैदे अन्स्यलाबेने अम्ब काम चे खूस्य यब पो त्यामे ख्यङ्।
नमयूनेब केन् चेने ङ रङ्से चीद क्यूस्स्ये पीन्देबे परमेश्वरजे सूगब खबर ङैदे नमयूने चैये अन्कीन्लाबे स्योप्प ङैदे पाप चीक्कया?
मेस्ये कन्छ्वाब ङ नमयूप्रे ख्य हन्छ्वाब ङैने हर्जो क्यून्नूलीने ङैदे नमयू सूनेये चैये अन्स्य, चेनेयलो माकेडोनियादे रेकब च्योन्यूदे ङैजे हर्जोने पूरा चीम्मीदे। येरेक्यूत्देबे कम्ब तर्तीप्देये नमयूने ङ चैये अन्स्य मेस्ये ङ्येदेये स्यस्ये त्वो।
सूजो मण्डलीयूने यली ङैदे नमयूने चै पोने अन्ज्य चीम्मीदे स्व? ङैने हर्जो पर्तीब ङैदे नमयूने अन्स्यब पोत्या ते, अम्ब पोने नमयूदे ङैने क्षमा चीम्मी।
अत-अची च्योन्यू, ङीदे चेब सकस् होर्दे छेम्प्रे नमयूने थाने ख्यङ्। नमयू सूनेये क्वी अङ्-कल्लाचीदे यदेबे नो-मून् काम फर्देबे परमेश्वरजे सूगब खबर ङीदे नमयूने स्य्वेत्दे।
ङीदे नमयूने आज्ञा पीनप्र नमयू सून्ताकी क्यूत्देबे टूङने, रङ्से कामनेत्या सेम् पीन् मेस्ये रङ्सेजे लादेने काम फरने बोङ् ची,