मूल स्यूस्स्यायूजे कामजे किताब 14:3 - घले नयाँ करार

³ प्रभुजे भरने सेम्केन् चीत्‍देबे कूम सेमे क्‍यमे-क्‍यमे पावलप्रे बारनाबास हैयाने टूङ्दे। प्रभुदे थमयूप्रे क्यूत्देबे च्यू‍नूयू प्रे हार्‌मन्‍देब कामयू चीत्देबे रङ्से अनुग्रहजे वचनजे गवाही पीन्‍दे।

मूल स्यूस्स्यायूजे कामजे किताब 14:3 ပူးပေါင်းရင်းမြစ်များ

मर्कूस 16:20

होर्‌दे येशूजे स्यूस्स्यायूदे का-मुलुक‍ने गीलीदेबे सूगब खबर स्‍योत्‍दे। प्रभु थमयूप्रे क्‍यूत्‍देबे काम चीत्‍दे, होर्‌दे सोरो हार्‌मन्‍देब कामयू चीत्‍देबे ङूजे वचन तम्दम्ने ख्यङ् यब पोजे गवाहीयू पीन्‍दे।]

यूहन्‍ना 4:48

येशूदे ङूने यदे, “नमयूदे च्‍यूनू मेस्ये हार्‌मन्‍देब काम‍यू अन्‍तङ्दासेमे कलङ्बेये विश्‍वास चीस्‍सेत्‍वो।”

मूल स्यूस्स्यायूजे कामजे किताब 13:46

तर पावल मेस्‍ये बारनाबासदे सेम् केन् चीत्‍देबे यदे, “परमेश्‍वरजे वचन पात्‍ता खूम् नमयूने स्‍य्‍वे पर्‌दे ख्‍य। तर नमयू अम्‍ब पो ङ्यीन्तीङ् अन्‍र। नमयूदे अम्बने अम्मेन्दीदेबे रङ्सेदेने कलङ्बेये अन्सीबब जीयाजे लागि लायकजे त्वब ठर्‌दीपीदे। होरेक्यूत्देबे जेम्से ङी यहूदी तेब मीयूट्‌याने प्रीय।

मूल स्यूस्स्यायूजे कामजे किताब 2:22

“इस्राएलजे मीयू, अम्‍ब पो ङ्यीन्, नासरतजे येशू येर मी ख्‍य, ङूने परमेश्‍वरदे कूम शक्तिजे काम‍यू, हार्‌मन्‍देब काम‍यू मेस्‍ये च्‍यूनूयू नमयूजे खूम्ने प्रमाण तम्मी‍दे। नमयूदे थाने ख्यङ्, यी परमेश्‍वरदे नमयूजे अन्‍द्रने येर कामयू ङूदेने चे ख्यङ्।

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

मूल स्यूस्स्यायूजे कामजे किताब 20:32

“जेम्से ङ नमयूने परमेश्‍वरजे लाने सूम्‍दीपीय। ङूजे अनुग्रहदे फ्‍यायेब सूगब खबरजे भर्‌ने क्‍यापीय। अम्‍ब वचनदे नमयूने विश्‍वासने बोल्‍यो बन्‍दीय मेस्‍ये रङ्सेजे पवित्र मीयूने असी प्रेब चीक्‍क्य।

मूल स्यूस्स्यायूजे कामजे किताब 4:31

थमयूदे प्रार्थना चे जेङ्‍क ङ्‍येदे थमयू फूङ् क्‍यून्‍नब नेने पवित्र आत्मादे लीङ्दे, थमयू क्वाने पवित्र आत्मादे फ्‍यादे, मेस्‍ये थमयूदे अम्फलाबे परमेश्‍वरजे वचन क्‍यम्‍दे।

मूल स्यूस्स्यायूजे कामजे किताब 5:32

अम्‍ब साप्‍ता पोयूजे ङी गवाही ख्यङ्, मेस्‍ये हेरप्रने पवित्र आत्माये, परमेश्‍वरदे हम्‍बने रङ्सेजे आज्ञा मन्‍देब मीयूने पीने ख्यङ्।”

रोमी 1:16

ङ अम्‍ब सूगब खबर स्‍य्‍वेने अन्‍त्‍वा। विश्‍वास चेबयू नङ्ने पात्‍ता खूम् यहूदी होर्‌दे यहूदी तेब मीयूजे लागिये अम्‍ब मुक्ति पीनब परमेश्‍वरजे शक्ति ख्यङ्।

१ थेसलोनिकी 2:2

ङीदे खूम्‍ने फिलिप्पीने सकस् भोक्‍तीकदे मेस्‍ये ह्‍यलये क्‍यूत्‍दे यब पो नमयूने थाने ख्यङ्, तर सोरो फत्‍या विरुद्ध चील्‍लीने परमेश्‍वरजे सूगब खबर स्‍य्‍वेने परमेश्‍वरदे ङीने आँट पीन्‍दे।

हिब्रू 2:4

परमेश्‍वरदेये च्यूनूयू, हार्‌मन्‍देत्‍या कामयू, कूम शक्‍तिजे कामयू मेस्‍ये ङूजे रङ्से इच्‍छा अनुसार‌ पवित्र आत्‍मादे पीनब बरयू पीन्‍देबे अम्‍ब मूक्ति पीनब पोजे गवाही पीन्‍दे।