मूल स्यूस्स्यायूजे कामजे किताब 13:3 - घले नयाँ करार

³ होर्‌दे बर्त मेस्ये प्रार्थना चीत्देबे थमयूदे थमयू फ्याने रङ्से ला येत्‍देबे थमयूने प्रभुजे कामजे लागि कूल्‍बीदे।

मूल स्यूस्स्यायूजे कामजे किताब 13:3 ပူးပေါင်းရင်းမြစ်များ

लूका 2:37

होर्‌दे ङूजे प्ल्यङ् सीयीदेबे ङू सील्‍लङ्दे वर्ष स्यी फ्‍योये ख्‍य। ङू कलङ्ने यली मन्‍दिरने टूङ ख्‍य, मेस्ये बर्त मेस्ये प्रार्थना चीदे-चीदे नो-मून परमेश्वरने पूस्‍तीन ख्‍य।

मूल स्यूस्स्यायूजे कामजे किताब 1:24

थमयूदे येर्‌बे प्रार्थना चीत्‍दे, “मीयू क्वाजे सेम्‍जे पो था प्रेब प्रभु, अम्‍ब ङ्‍ही नङ्ने नदे कम्‍बने सेल ख्यङ् हम्‍ब ङीने तम्‍मी,

मूल स्यूस्स्यायूजे कामजे किताब 13:2

थमयूदे प्रभुने पूस्‍तीन मेस्‍ये बर्त टूनब बीलने पवित्र आत्मादे यदे, “ङैजे लागि बारनाबास मेस्‍ये शाऊलने हम्‍ब काम‍जे लागि अला‍क् ची, हम्‍ब काम‍जे लागि ङैदे थमयूने क्व ख्यङ्।”

मूल स्यूस्स्यायूजे कामजे किताब 13:4

पवित्र आत्मादे कूल्‍बेब क्‍यूत्‍देबे थमयू सिलुकियाने गीलीदे मेस्ये हैयादे क्‍यू-जहाजने टदेबे साइप्रसतेले गीलीदे।

मूल स्यूस्स्यायूजे कामजे किताब 14:23

कन्‍छ्वाब थमयूदे मण्डलीयू क्वानेने एल्डरयू सेल्‍देबे चून्तीदे, हन्‍छ्वाब प्रार्थना चीत्‍देबे होर्‌दे बर्त टूङ्देबे थमयू रङ्सेदे विश्‍वास चेब प्रभुजे जिम्माने थमयूने सूम्‍दीपीदे।

मूल स्यूस्स्यायूजे कामजे किताब 14:26

होर्‌दे हैयादे थमयू समुद्रने ट्वादेबे एन्टिओखियाने गीलीदे, हैयाने थमयूदे पूरा चीक्‍कब काम‍जे लागि परमेश्‍वरजे अनुग्रहने थमयूने सूम्दीपीदे ख्‍य।

मूल स्यूस्स्यायूजे कामजे किताब 15:40

तर पावलदे सिलासने सेल्‍दे, होर्‌दे अत-च्योन्‌यूदे परमेश्‍वरजे अनुग्रहने सूम्‍दीपीदेबे हैयादे छूर्‌दीदे।

मूल स्यूस्स्यायूजे कामजे किताब 6:6

थमयूदे हम्‍ब मीयूने मूल स्यूस्स्यायूजे खूम्ने रेत्‍दे मेस्‍ये थमयूदे मीयू फ्‍याने रङ्से ला येत्देबे प्रार्थना चीत्‍दे।

मूल स्यूस्स्यायूजे कामजे किताब 9:17

होर्‌दे हननियादे गीलीदेबे कीम् नङ्ने क्योइदे मेस्ये शाऊल फ्याने रङ्सेजे ला येत्‍देबे यदे, “च्योन् शाऊल, न अने रेनूब लम्‍ने कम्ब प्रभु येशूदे तूदे, ङूदेने नदे म्‍या तङ खूस्य मेस्‍ये पवित्र आत्मादे पुरा फ्या‍स्‍य यदेबे ङैने कूल्‍बे ख्यङ्।”

रोमी 10:15

मेस्‍ये सूदेये अन्‍कूल्‍बीलाबे मीयूदे केर्‌बे सूजोने स्‍य्‍वे? धर्मशास्त्रदे यीय, “सूगब खबर स्‍य्‍वेब मीयूजे तोप् सोरो ज्‍य ख्यङ्!”

१ तिमोथी 4:14

नैप्रे ख्‍यब बरजे ह्‍यल अन्‍चील्‍लाची। हम्‍ब बर एल्‍डरयूदे नैफ्‍याने ला येप्प अगमवाणी क्यम्देबे नदे प्रे ख्‍य।

१ तिमोथी 5:22

अतूर् चीत्देबे कोइ मी-फ्‍याने ला येत्‍देबे मण्डलीजे कामने अन्लैदीलाची। सूजो मीजे पाप प्रेये सामेल् अन्क्‍यूल्‍लाची। रङ्सेने पवित्र येन्।

२ तिमोथी 1:6

होरेक्‍यूत्‍देबे ङ नने ह्‍वे चीम्‍मीय, ङैदे नैफ्‍याने ला हीप्प नदे प्रेब परमेश्‍वरजे बर अम्‍मल्‍कालाबे काम चीन्‍नू।

२ तिमोथी 2:2

नदे कूम साक्षीयूजे खूम्‍ने ङैदे यब चे पो तख्यङ्, हम्‍ब तब पोयू नदे सूजो मीयूनेये लोम्‍मे ख्‍वब भर्‌चे ख्वब मीयूने सूम्‍दीपी।

३ यूहन्‍ना 1:6

थमयूदे मण्डलीजे मीयू खूम्‍ने नैजे प्रेम‍जे बारेने गवाही पीन ख्यङ्। परमेश्‍वरने सेम् पर्‌तेब तर्‌तीप्‍दे थमयू लम् लादीदे प्रजे लागि ज्‍य सूबीस्‍त मील्‍लीमीदे यलो नदे सोरो ज्‍य काम फर्‌क्‍य।

३ यूहन्‍ना 1:8

येरेक्‍यूत्‍देबे सत्यजे लागि ङीनप्रे तोङ्देबे काम फरब क्‍यूर खूस्‍य यदेबे, येर मीयूने दोङ्मे पर्‌तीय।