मूल स्यूस्स्यायूजे कामजे किताब 11:3 - घले नयाँ करार

³ “खतना अन्चेब मीयूट्‌याने गीलीदेबे थमयूप्रे नदे चेने च-थूङ चीत्‍दे?”

मूल स्यूस्स्यायूजे कामजे किताब 11:3 ပူးပေါင်းရင်းမြစ်များ

मत्ती 9:11

फरिसीयूदे कन्‍छ्वाब हम्‍ब तङ्दे, हन्‍छ्वाब येशूजे स्यूस्स्यायूने यदे, “नमयूजे गुरु स्‍यर्‌म लङब मीयू मेस्‍ये पापीयूप्रे टूङ्देबे चेने च?”

लूका 15:2

“अम्‍ब मीदे पापीयूने ग्रहण चे टोङ् मेस्‍ये थमयूप्रे च थूङ चेटोङ्” यदेबे फरिसीयू मेस्‍ये पन्‍डेयू गन्‍गन् चे मैदे।

यूहन्‍ना 18:28

होर्‌दे नप्‍मून्‍देने थमयूदे कैयाफाजे कीम्‍दे रोमी हाकिम केन्‍जे दरबारतेले येशूने कूदीदे। अशुद्ध क्‍यूत्‍देबे निस्तार दीन्बरने भात्यार् च अम्‍प्रे क्‍यूप्‍पीयी च यदेबे फदे मेस्ये हाकिम केन्‍जे दरबार नङ्ने अन्‍क्‍योइ।

मूल स्यूस्स्यायूजे कामजे किताब 10:23

होर्‌दे ङूदे थमयूने नङ्ने ख अने टूङ्‌ख यदेबे कोदे। थमयू हम्‍ब मून्‍दे हैयानेने टूङ्दे। नैदेरेदे पत्रुस थमयूप्रे गीलीदे मेस्‍ये योप्‍पाने ख्‍यब प्रभुने विश्‍वास चेब कोइ अत-च्योन्‌यू ङूप्रे गीलीदे।

मूल स्यूस्स्यायूजे कामजे किताब 10:28

होर्‌दे पत्रुसदे थमयूने यदे, “सूजो जात‍जे मीयूप्रे यहूदीयूदे सङ्गत चेने, या थमयूने त्‍वने प्रब यहूदीजे लागि कोला अन्ज्‍य क्यूक्क्य यब पो नमयूने थाने ख्यङ्, होरनेयली परमेश्‍वरदे ङैने कम्‍ब मीनेये पवित्र त्वब या अशुद्ध अम्‍मन्‍लाची यदेबे तन ख्यङ्।

मूल स्यूस्स्यायूजे कामजे किताब 10:32

होरेक्‍यूत्‍देबे योप्‍पाने मी कूल्‍बीदेबे पत्रुस यब सिमोनने कोबी। ङू समुद्रजे नने खूस्‍स्‍यजे काम चेब सिमोनजे कीम्‍ने टून ख्यङ्।’

मूल स्यूस्स्यायूजे कामजे किताब 10:48

होर्‌दे ङूदे थमयूने येशू ख्रीष्‍टजे मीन्‍ने बप्‍तिस्मा कीन् यदेबे आज्ञा चीत्‍दे। होर्‌दे थमयूदे पत्रुसने तेदिन हैयानेने टूङ् यदेबे बिन्ती चीत्‍दे।

१ कोरिन्थी 5:11

तर येर मीजे ख्‍योन् क्‍यूरने अन्‍क्‍यूल्‍लाची यदेबे ङैदे नमयूने लिख्दीदे, येर मीदे रङ्सेने विश्‍वास चेब च्‍योन् न यदेबे यीय, तर ङू पक्‍क रूप्‍ने वेश्य काम चेब, लोभ चेब, मूर्तिने पूस्‍तेब, बदनाम चेब, चीदे स्‍य्वब, लूर्‌तेब मी ख्यङ्। होर मीप्रेब प्रेटूङ्देबे चसेये अन्‍चलाची।

गलाती 2:12

याकूबदे कूल्‍बेब मीयू फ्‍योरयली खूम्‍ने ङूदे यहूदी तेब मीयूप्रेने टूङ्देबे च ख्‍य। तर कन्‍छ्वाब थमयू फ्‍योरदे हन्‍छ्वाब ङू यहूदी तेब मीयूप्रे आलाक् क्‍यूत्‍दे, चेनेयलो ङू खतना चीक्‍कब दलप्रे फ ख्‍य।

२ यूहन्‍ना 1:10

कादेये नमयू ट्‌याने रदेबे ख्रीष्‍टदे लोम्‍मेब शिक्षायू अन्‍लोम्‍मीलाबे सूजो शिक्षायू लोम्‍मीदेयलो हम्‍बने कीम्ने गेसेन् चीत्‍देबे स्वागत अन्‍चील्लाची। हम्‍बने नमस्‍कारये अन्‍चील्‍लाची।