२ तिमोथी 4:8 - घले नयाँ करार

⁸ जेम्‍सेमेस्‍ये ङैजे लागि धार्मिक्ताजे मुकुट तयार चीत्‍देबे हीते ख्यङ्। ठीक न्याय चेब प्रभुदे हम्‍ब दिन‍ने ङैने अम्ब मुकुट कूमीय। ङैनेत्‍या दी, तर फेरि ङू रब लम् लेन्‍नब जीती क्‍वानेने पीन्क्य।

२ तिमोथी 4:8 ပူးပေါင်းရင်းမြစ်များ

मत्ती 24:36

“हम्‍ब दिन मेस्ये बीलजे बारेने परमेश्‍वर पदेत्या स्ये ख्यङ् सूजो सूदेये अन्स्‍ये, या स्वर्गदूतयूदेये अन्‍स्‍ये, चदेये अन्‍स्‍ये।

मत्ती 7:22

हम्‍ब दिनने ङैने कूम मीयूदे यीय, ‘प्रभु, प्रभु, ङीदे नैजे मीन्‍ने अगमवाणी क्‍यम तेया?, नैजे मीन्‍ने छेत्‌यू ताल्‍बे तेया। मेस्‍ये नैजे मीन्‍ने शाक्तिशाली कामयू चेतेया?’

लूका 10:12

ङ नमयूने यीय, न्यायजे दिन‍ने हम्‍ब सहरजे मीयूजे हालात यली पापदे फ्‍यायेब सदोम सहरजे मीयूजे हालात ते-सैदे ख्‍वब क्‍यूक्‍क्‍य।

रोमी 2:5

तर नमयूजे सेम्ने कोङ मेस्ये पश्‍चात्ताप अन्चील्लाबे ज्‍य लम्‍ने प्रतीङ् अन्ड ख्यङ्। येरेक्यूत्देबे नमयूदे छीजे दिनने झन् केन् दण्ड प्रेक्क्य, हम्ब दिनने परमेश्‍वर ठीक न्याय चेने रीय।

रोमी 8:23

तर सृष्‍टित्या दी, ङी रङ्सेये, सूप्रे पवित्र आत्‍माजे पात्‍ता खूम्‍जे फल ख्यङ्, छगूम्-पूरगूम्‍जे रुप्ने ग्रहण चेने, या ङीजे ङ्वजे उद्धार क्यूरजे लागि रेन्देबे ङी रङ्सेये नङ्-नङ्ने बोल्न ख्यङ्।

१ कोरिन्थी 2:9

तर धर्मशास्त्रने येरे लिख्दीये ख्यङ्, “म्‍यादे अन्‍तङब, नदे अन्‍तब, मेस्‍ये मीजे सेम्‍दे अम्‍मनब, येर सेयू परमेश्‍वरदे रङ्सेने प्रेम चेबयूजे लागि तयार चीदेख्यङ्।”

१ कोरिन्थी 3:13

मी क्‍वाजेने ज्‍यप्रे अन्‍ज्‍य काम परमेश्‍वरदे न्याय चेब दिनने जाँच‍दीय, चेनेयलो हम्‍ब दिनने थमयूदे चेब काम कर टूङ् यदेबे जाँच‍तेजे लागि मी-भोप्‍प्रोने पूत्‍देबे लेक्‍क्‍य।

१ कोरिन्थी 9:25

खेल क्‍याने सामेल् क्‍यूरबयू क्‍वादेने साप्‍ताकूरूने होस्स्यार क्‍यूत्‍देबे नियम नङ्ने टूङ-पर्‌तीय। थमयू नाश क्‍यूत्‍देबे प्रब मुकुट प्रेने येरे चीक्क्य, तर ङीनब कलङ्बेये नाश अन्‍क्‍यूप्‍पब मुकुट प्रेने येरे चीक्क्य।

२ कोरिन्थी 5:2

तम्दम्ने येयाने अम्‍ब नाश क्‍यूप्‍पब ङ्वने सोरो सूर्‌त क्‍यूक्‍क्‍य, मेस्‍ये सर्‌ कोला होतीङ्‍रप्रने स्वर्गने टूङब ङ्व क्‍यूरने ङी सोरो सेम् चीक्‍क्‍य,

फिलिप्पी 3:11

क्‍योत्‍देयलो ङैये सीब ङ्येदे फेरि सोम्‍बो क्‍यूर खूस्‍य यदेबे चीन्‍न ख्यङ्।

कलस्सी 1:5

अम्‍ब विश्‍वास मेस्‍ये प्रेम नमयूजे लागि स्‍वर्गने जूक्‍तीदेबे हीतेब आशाजे कारणदे क्‍यूर ख्यङ्। हम्‍ब पोयू नमयूदे मालाङ्ने तम्दम्जे वचनने, या सूगब खबरने तैक ख्यङ्।

१ थेसलोनिकी 1:10

होर्‌दे स्‍वर्गदे रस्‍ये ख्‍यब ङूजे च येशूने परमेश्‍वरदे सीयेबदे सोम्‍बो चीम्मी‍दे, हम्‍ब येशूजे लम् नमयूदे लेन्‍न ख्यङ्, येशूदे ङीन फ्याने र मेल्‍नब परमेश्‍वरजे छीदे जूक्‍तीमीय।

१ थेसलोनिकी 5:4

तर अत-अची च्योन्‌यू नमयू मून्‍दूङने त्‍वो, होरेक्‍यूत्‍देबे हम्‍ब दिनदे नमयूने खूमान्दे चेप्र हार्‌मन्‍दीलाबे चीस्‍स्‍ये त्‍वो।

२ थेसलोनिकी 2:8

होर्‌दे ङ्‍येदे मुख्य दुष्‍ट मी योङ्‍रीय, तर प्रभु येशू रब रङ्सेजे ङूर्‌जे सदे हम्बने सेक्‍क्य मेस्ये ङू रब ङूजे महिमाजे ओथ्याङ्दे हम्‍बने नाश चीक्क्य।

१ तिमोथी 6:19

येरेने नङ्‍ग रङ्सेजे लागि स्वर्गने धन रुप् प्‍वेब ज्‍य जा प्वे खूस्‍य। होर्‌दे थमयूदे तम्दम् जीयाने जूक्‍तीन खूइय।

२ तिमोथी 1:10

तर ङीनने मुक्ति पीनब ख्रीष्‍ट येशू रदेबे हम्‍ब उदेश्य मेस्ये अनुग्रह तम्‍मीक ख्यङ्। येशूदे सीबब काल नाश चीत्‍देबे कलङ्बेये अन्सीबब जीयाने सूगब खबर स्योत्देबे तङ्लाबे चीम्‍मीदे।

२ तिमोथी 1:12

अम्‍ब कारण ङैदे हम्‍ब छरङ् प्रेन्‍न ख्यङ्। तर ङ अन्त्‍वा, चेनेयलो ङैदे सू फ्याने विश्‍वास चे ख्यङ् हम्‍ब ङैदे स्‍ये ख्यङ्, मेस्‍ये ङैने पक्‍क ख्यङ्, कम्‍ब ङैदे परमेश्‍वरने सूम्‍दीये ख्‍य। हम्‍ब पो रब दिनसेमे चेलाबे चीम्‍देबे येन ख्‍वब ङू ख्यङ्।

२ तिमोथी 1:18

प्रभुजे दिनने प्रभुदे ङूने कृपा चीम्‍मीस्‍य। एफिससने ङ ख्‍यब बीलने ङूदे ङैजे पूरा सेवा चेब नने चेलाबे थाने ख्यङ्।

२ तिमोथी 2:5

खेल क्‍याब मीदे खेलजे नियम अनुसार अङ्-क्यालो ङूदे इनाम प्रे अन्खू।

२ तिमोथी 4:1

परमेश्‍वरजे खूम्‍ने होर्‌दे सोम्‍बोयूजे मेस्ये सीयेबयूजे न्याय चेने रब ख्रीष्‍ट येशूजे खूम्‍ने, मेस्‍ये ङू रीय होर्‌दे राज्‍य चीट्‍टीय यब पोने ध्‍यान् पीन्‍देबे ङ नने बोङ्बे आज्ञा चीक्‍क्‍य,

तीतस 2:13

यरप्रने पात्‍ता केन् परमेश्‍वर मेस्‍ये ङीनने मुक्ति पीनब येशू ख्रीष्‍ट महिमाने रब दिनजे ङीन आशा चीन्‍न ख्यङ्।

हिब्रू 12:11

सूधारतेजे लागि दण्डयू पीम्ब खूम्ब ज्‍य अन्‍थे, तर सकस् क्‍यूक्‍क्‍य, होर्‌देङेयेदे सकस्दे खार्‌तीकयूजे लागि हम्‍ब सकस्दे धर्मी जीयाजे लागि शान्‍तिजे इनाम प्रेब चीम्‍मीय।

हिब्रू 9:28

होरप्रने ख्रीष्‍ट कूम मीजे पाप प्‍लेकेजे लागि त्याफे बलि क्‍यूत्‍दे। ङू फेरि दोस्रो पोलोने रीय। हन्छ्वाबब पाप प्‍लेने दी, तर ङूजे लम् लेन्‍नब मीयूजे उद्धार चेने ‍रीय।

याकूब 1:12

भबी-तबी पर्‌तीरब पात्‍ताङ्‍येसेमे सैदे ख्‍वब मीदे असी प्रेक्‍क्‍य, चेनेयलो येर जाँचयू सैदीकब मीदे जीयाजे मुकुट प्रेक्‍क्‍य, हम्‍ब मुकुट परमेश्‍वरने प्रेम चेब मीयूने पीन्‍क्‍य यदेबे परमेश्‍वरदे चेब कबुल ख्यङ्।

१ पत्रुस 1:4

स्वर्गने नमयूजे लागि कलङ्बेये नाश अन्‍क्‍यूप्‍पब बेस्‍से कूम असी हीते ख्यङ्, हम्‍ब शुद्ध मेस्‍ये अन्‍रूल्‍बब खल्‍जे ख्यङ्।

१ पत्रुस 5:4

मेस्‍ये कन्‍छ्वाब प्रङ्बयूजे मूली तङ्‍रीय, हन्‍छ्वाब नमयूदे कलङ्बेये अन्‍रूल्‍बब महिमाजे पक्‍रीप्र मुकुट प्रेक्क्य।

प्रकाश 1:7

ले, ङू मूक्‍पप्रने रेन ख्यङ्, मेस्‍ये क्‍वाजे म्‍यादे ङूने तङ्क्‍य। सू-सूदे ङूने स्‍यूल्‍दे हम्‍बयूदेये ङूने तङ्क्‍य, मेस्‍ये ङू रब पृथ्‍वीजे मीयू क्‍वाने ङूजे लागि शोक् चीक्‍क्‍य। येरेने क्‍यूस्‍स्‍य। आमेन।

प्रकाश 19:11

स्वर्गजे ख्‍यो पूक्येब ङैदे तङ्दे मेस्‍ये हैयाने मी टदेबे प्रब त कर्‌ त्‍या ख्‍य। हम्‍ब त-फ्‍याने टदेबे प्रबने “भर्‌पर्‌तेब” मेस्‍ये “सत्य” ख्यङ् यदेबे यीय। ङूदे ज्‍य न्याय चीत्‍देबे लडाइँ चीक्‍क्‍य।

प्रकाश 2:10

नै फ्‍याने रमल्‍नब सकस्यूप्रे अम्‍फलाची। ले, नमयूजे विश्‍वास जाँच‍तेने नमयू नङ्जे कोइ मीयूने शैतानदे कैदने चङमल्‍न ख्यङ्, मेस्‍ये नमयूने च्‍यूर्‌यासेमेत्‍या सकस् क्‍यूक्‍क्‍य। न सीब पर्‌तीलीने विश्‍वास चेब क्‍यूरो, मेस्‍ये ङैदे नने जीयाजे मुकुट पीन्‍क्‍य।

प्रकाश 22:20

अम्‍ब पोयूजे गवाही पीनबदे यीय, “तम्दम्‍ने, ङ छ्‌योट्‍टो रेन ख्यङ्।” आमेन, ख स्व, प्रभु येशू।

प्रकाश 4:10

हन्‍छ्वाब येतार्‌ने सोम्‍बो क्‍यूत्‍देबे सिंहासनने देन् छ्‍याबजे खूम्‍ने हम्‍ब नूस्‍यूदे स्यी धर्म गुरुयूदे पून्‍छ्‌यल् क्‍यूत्‍देबे स्‍यूव पीन्‍क्‍य, मेस्‍ये थमयूदे रङ्से रङ्सेजे टने क्‍वब मुकुट सिंहासनजे खूम्‍ने येत्‍देबे येर्‌बे प्रू पूक्‍क्‍य:

प्रकाश 4:4

हम्‍ब सिंहासनजे ख्‍यूर्‌ने नूस्‍स्‍यूदे स्यी सिंहासन ख्‍य, मेस्‍ये टने क्‍वब मर्‌जे मुकुटयू मेस्‍ये कोला कर्‌यू ह्‍वेब नूस्‍स्‍यूदे स्यी धर्मजे गुरुयू हम्‍ब सिंहासनयूने टूनब ङैदे तङ्दे।