२ तिमोथी 4:7 - घले नयाँ करार

⁷ ङैदे चेलाबे लडाइँ जीङ्‍क ख्यङ्, होर्‌दे ग्‍यब काम पूरा चीक्‍क ख्यङ्। ङैदे ङैजे विश्‍वासने चेलाबे जूक्‍तीदे हीते ख्यङ्।

२ तिमोथी 4:7 ပူးပေါင်းရင်းမြစ်များ

लूका 11:28

तर ङूदे यदे, “बरू नमयूदे असी प्रे ख्यङ्, सूदे परमेश्‍वरजे वचन ङ्‍यीन्क्य मेस्‍ये मन्‍दीय।”

लूका 8:15

तर ज्‍य मलीलो सने पर्‌दीयेब येर मीयू ख्यङ्, सूदे वचन ङ्‍यीन्‍देबे हम्‍ब वचनदे य अनुसार इमान्दार सोर्‌तो क्‍यूत्‍देबे सेम्‍ने येन्‍नीय, मेस्‍ये धेरेन्बे फल लोसे पीङ्क्‍य।

यूहन्‍ना 17:6

“संसारजे कम्‍ब मीयू नदे ङैने पीन्‍दे, थमयूने ङैदे नैजे मीन् स्‍येला चीम्‍मे ख्यङ्। थमयू नैजे ख्‍य, होर्‌दे थमयू नदे ङैने पीन्‍दे, मेस्‍ये थमयूदे नैजे वचन मन्‍दे ख्यङ्।

यूहन्‍ना 4:34

येशूदे थमयूने यदे, “ङैने कूल्‍बेबजे इच्छा अनुसार मेस्‍ये ङूजे काम पूरा चेबने ङैजे चसे ख्यङ्।

मूल स्यूस्स्यायूजे कामजे किताब 13:25

यूहन्‍नादे रङ्से काम चे-बीलने य ख्‍य, ‘नमयूदे ङ सू मन? ङ हम्‍ब दी। तर ङै ङ्‍येदे मीत्‍या रीय, ङूजे तोप्‍जे पैङ्‍गी प्‍यङब लायकजेये ङ त्‍वो।’

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

गलाती 2:2

परमेश्‍वरदे य-अनुसार ङ गीलीदे, मेस्‍ये ङैदे यहूदी तेबयूने प्रचार चेब हम्ब सूगब खबर थमयूजे खूम्‍ने स्‍योत्‍दे। तर ङैदे चैजे लागि यदेबे ग्येक ख्य या ग्येबीन ख्यङ् हम्‍ब थेन्‍ने अन्क्यूस्स्य यदेबे अगुवाप्र क्‍यूरबयूने आलाक्के ङैदे अम्‍ब पो स्‍योत्‍दे।

फिलिप्पी 1:30

ङीनयू अम्ब लडाइँने प्रे-प्रे ख्यङ्। गीलेब सेमेयूने ङैदे लडाइँ जीङब नमयूदे तङ्दे, मेस्ये चूजोये हम्ब लडाइँनेने ख्यङ् यदेबे नमयूदे स्ये ख्यङ्।

१ तिमोथी 1:18

च तिमोथी, ङ नने अम्‍ब आज्ञा पीन्‍न ख्यङ्, यी नैजे बारेने खूम् येयेब अगमवाणी अनुसार विश्‍वास प्रे ज्‍य विवेक येत्‍देबे न प्रभुजे लागि चेलाबे जीङ खूला ची।

१ तिमोथी 6:12

विश्‍वासजे सोरो ज्‍य लडाइँ चीङ्। कलङ्बेये अन्सीबब जीयाने ङ्‍येप्नू। अम्‍बजे लागि नने कोक ख्‍य, नदे कूम मीयूजे खूम्‍दे नैजे विश्‍वासजे सोरो ज्‍य साक्षी पीन्‍क ख्‍य।

१ तिमोथी 6:20

तिमोथी, नैजे जिम्माने चैसे पीने ख्‍य, हम्‍ब चेलाबे चीम्। परमेश्‍वर अम्मन्देब कन्‍थनयू मेस्ये बिरोध चेब पोयू ब लूच्‍च ज्ञान ख्यङ्। येर पो‍यू क्‍वाने क्‍यापी।

२ तिमोथी 1:14

नने जिम्मा लैदीयेब तम्दम् पोने ङीन नङ्ने बास चेब पवित्र आत्माजे शक्तिदे चीम्‍देबे यीन्।

२ तिमोथी 3:10

तर नदे ङैजे शिक्षा, आनि-बानी, ङैजे जीयाजे उदेश्य, ङैजे विश्‍वास, टेम ख्‍वब, ङैजे प्रेम, अन्-आतीलाबे रेन ख्‍वब नने था ख्यङ्,

प्रकाश 3:10

धेरेन् क्‍यूत्‍देबे नदे ङैजे आज्ञा मन्‍दे ख्यङ्, होरेक्‍यूत्‍देबे अम्‍ब पृथ्‍वीजे मीयू क्वाने जाँच‍तेजे लागि संसारजे का-मुलुक‍ने सकस् रब बीलने ङ नने जूक्‍तीमीय।

प्रकाश 3:8

नैजे कामयू ङैने था ख्यङ्। ले, ङैदे नैजे लागि ख्‍यो ह्‍वोङ् चीदे ख्यङ्, सूदे क्‍यूक्‍को हम्‍ब ख्‍यो था अन्‍खू। नैप्रे छीत्‍यात्‍या शक्ति ख्यङ् यबये ङैने था ख्यङ्, होरेक्‍यूल्‍ली नदे ङैजे वचन मन्‍दे ख्यङ्, मेस्‍ये नदे ङैने अन्‍स्‍ये अन्‌-य।

प्रकाश 6:11

थमयू क्‍वानेने कोला कर्‌ त्‍या-त्‍या पीन ख्य, थमयूप्रे-प्रे काम फरबयू मेस्‍ये अत-अची च्योन्‌यूये थमयूप्रने सेक्‍क पर्‌तेब संख्या पूरा अन्‍क्‍यूत्‍दासेमे खात्‍यात्‍या गैन-सङ् यदेबे थमयूने यदे।