२ तिमोथी 4:5 - घले नयाँ करार

⁵ तर साप्‍ता पोने न बोल्‍यो क्‍यूरो। छरङ् सैदी, वचन स्‍य्‍वेब काम ची, नदे चे पर्‌देब सेवाजे काम पूरा ची।

२ तिमोथी 4:5 ပူးပေါင်းရင်းမြစ်များ

मत्ती 25:16

होर्‌दे मर्‌जे मन्‍द्रमूली ङ प्रेब मीदे तूरून्तै गीलीदेबे हम्‍बदे छोङ् चीत्‍देबे सूजो थेप् मन्‍द्रमूली ङ कम्दीदे।

मर्कूस 13:34

अम्‍ब ब कीम्नोबोदे रङ्से त्वो-त्वोमयूने रङ्से कीम्जे कामयू सूम्‍दीयीदेबे सीन्त्री टूङब मीने कीम् चेलाबे ले यदेब सूजो देश ट्वाने गीले मीप्र ख्यङ्।

मर्कूस 13:37

नमयूने यब पोप्र ङैदे क्‍वानेने य ख्यङ्, ‘चनाखो क्‍यूत्‍देबे टूङ्’।”

लूका 12:37

कीम्नोबो रब त्वोयू चङ्‍ख क्‍यूत्‍देबे टूनब तूरलो, थमयूदे असी प्रेक्‍क्‍य। तम्दम्‍ने ङ नमयूने यीय, ङूदे रङ्से कूच्‍यू बोल्‍यो ख्‍यादेबे थमयूने चसे चने टूङ्से पीन्‍क्‍य, मेस्‍ये रदेबे थमयूजे सेवा चीक्‍क्‍य।

मूल स्यूस्स्यायूजे कामजे किताब 21:8

नैदेरेदे ङी बीदा क्‍यूत्‍देबे कैसरियाने रदे, मेस्‍ये प्रचार चेब फिलिपजे कीम्‍ने टूङ्दे। ङू हम्ब मी ङ्यी नङ्जे त्‍या ख्‍य, मेस्‍ये ङी ङूप्रे टूङ्दे।

रोमी 15:19

अम्‍ब काम ङैदे च्यूनूयू मेस्‍ये हार्‌मन्‍देब कामयूजे मेस्‍ये पवित्र आत्माजे शक्तिदे चेख्यङ्। येर्‌बे यरूशलेमदेमेस्‍ये इल्लुरिकनसेमे ङैदे ख्रीष्‍टजे सूगब खबर बेस्से चेलाबे स्‍योक्‍क ख्यङ्।

एफिसी 4:11

होर्‌दे ङूजे बरयू अम्‍बने ख्यङ्, कोइ मूल स्यूस्स्यायू, कोइब अगमवक्तायू, कोइ परमेश्‍वरजे सूगब खबर स्‍य्‍वेब मीयू, कोइ पास्टरयू मेस्‍ये कोइ छ्‍योम्‍मेब मीयू क्‍यूस्‍स्‍य।

एफिसी 4:12

थमयूजे जिम्माब परमेश्‍वरजे पवित्र मीयूने ख्रीष्‍टजे काम चेख्‍वाब चेने मेस्‍ये ङूजे ङ्व मण्डलीजे उन्‍नती चेजे लागि ख्यङ्।

कलस्सी 1:25

नमयूने भलो चेने परमेश्‍वरदे ङैने पीनब काम अनुसार‌, परमेश्‍वरजे वचन त्‍याये अम्‍पोङ्लाबे स्‍य्‍वेने ङ मण्डलीजे त्वो क्‍यूत्‍दे

कलस्सी 4:17

“प्रभुदे पीनब काम नदे च्‍येलाबे पूरा चे पर्‌दीय” यदेबे अर्खिप्‍पसने येमी।

१ थेसलोनिकी 5:6

अम्‍ब कारणदे सूजोयूप्र ङीन अन्‍ङ्यूम्‍लाचीदे, तर चङ्‍ख टूङ्देबे होस्स्यार क्‍यूरे।

१ तिमोथी 4:12

स्‍योर्‌ब क्यूरब कारणदे नने सूदेये ह्‍यल चे अम्‍प्रेस्‍स्‍य, तर विश्‍वासीयूजे खूम्‍ने बोली वचन, आनि-बानी मेस्ये प्रेमने, विश्‍वासने बोल्यो, शुद्ध सेम् क्‍यूत्‍देबे नदे नमूना तन्।

१ तिमोथी 4:15

अम्‍ब चे पर्‌देब कामयूने पूरा सेम् पीन्देबे येतार्‌ने चीन्‍नू, मेस्‍ये नैजे उन्‍नती मी क्‍वादेने तङ्स्‍य।

२ तिमोथी 1:8

होरेक्‍यूत्‍देबे ङीन प्रभुजे गवाही पीनने, ङ कैदने टूङब पो स्‍य्‍वेने कलङ्बेये अन्‍त्‍वालाची, तर परमेश्‍वरजे बोङ्दे सूगब खबर स्‍य्‍वेने प्रब छरङ् प्रेल्‍लीने हम्‍ब काम चीन्‍नू।

२ तिमोथी 2:10

येरेक्‍यूत्‍देबे सेल्कबयूजे लागिने ङ साप्‍ता पोने सैदीय, मेस्‍ये थमयूदेये कलङ्बेये अन्जेनब महिमा प्रेने ख्रीष्‍ट येशूने ख्‍यब मुक्ति प्रेखूस्य।

२ तिमोथी 2:3

ख्रीष्‍ट येशूजे ज्‍य सिपाईप्र क्‍यूरने ङीप्रे छरङ् चेने तयार क्‍यूरो।

२ तिमोथी 4:17

तर यहूदी तेब मीयू क्‍वादेने ङ्‍यीन प्रेस्‍स्‍य यदेबे प्रभू ङैप्रे-प्रे क्‍यूत्‍दे, मेस्‍ये पूरा रूप्ने वचन प्रचार चेब शक्ति ङैने पीन्‍दे। येर्‌बे ङूदे ङैने डेन्‍याजे ङूरदे जूक्‍दीमीदे।

हिब्रू 13:17

नमयूजे अगुवायूजे आज्ञा मन्‍दी मेस्‍ये थमयूजे हक नङ्ने टूङ्। चेनेयलो थमयूदे चेब कामजे हिसाब परमेश्‍वरने पीन पर्‌तीय यब पो स्‍येदेबे थमयूदे नमयूजे प्राणजे ख्याल चीक्‍क्‍य। अम्‍ब काम थमयूदे सेम् सूग्‍देबे चीस्‍स्‍य। छरङ् थेदेबे दी, नत्रलो हम्‍ब कामदे नमयूने चैये फाइदाये क्यूस्स्ये त्‍वो।

१ पत्रुस 1:13

येरेक्‍यूत्‍देबे नमयूजे सेम्ने तयार ची। होस्स्यार क्‍यूरो होर्‌दे येशू ख्रीष्‍ट तङ्‍रब दिनने नमयू ट्‍याने रमेल्नब अनुग्रहने नमयूजे आशा पुरा रुप्दे चेलाबे ये।

प्रकाश 3:2

चङ्‍ख क्‍यूत्‍देबे होस् ची मेस्‍ये नैजे सीबलो ख-ख क्‍यून्‍नब बाँकी पोयूने बोल्‍यो ची, चेनेयलो ङैजे परमेश्‍वरजे खूम्‍ने नैजे काम सिद्ध क्‍यूरब ङैदे अन्‍त्व ख्यङ्।