२ तिमोथी 3:15 - घले नयाँ करार

¹⁵ मेस्‍ये नदे चीदमेस्‍येने पवित्र-धर्मशास्‍त्रजे पो स्ये ख्यङ्, अम्‍बदे ख्रीष्‍ट येशूने विश्‍वास चीप्प प्रेब मुक्तिजे लागि नने शिक्षा पीन खूइय।

२ तिमोथी 3:15 ပူးပေါင်းရင်းမြစ်များ

मत्ती 22:29

येशूदे थमयूने जवाफ पीन्‍दे, “नमयू भूल परदीक ख्यङ्, चेनेयलो नमयूदे धर्मशास्‍त्रने लिख्दीयेब पो मेस्ये परमेश्‍वरजे शक्तिजे पो स्‍ये अङ्‍ख्‍व ख्यङ्।

लूका 1:15

चेनेयलो ङू परमप्रभुजे खूम्‍ने सोरो केन् क्‍यूक्‍क्‍य। ङूदे अङ्‍गुरजे ची मेस्‍ये सूजो चीयू कलङ्बेये अन्‍थूङ्, मेस्‍ये रङ्से मजे गर्भ मेसेने ङू पवित्र आत्मादे भर्‌तीकब क्‍यूक्‍क्‍य।

लूका 2:40

बल्‍ख येशू ठोङ्‍रदेबे बोल्‍यो क्यूट्‍टदे, बुद्धि मेस्ये ज्ञान चङ्‍रदे मेस्‍ये परमेश्‍वरजे अनुग्रह ङू फ्‍याने ख्‍य।

लूका 24:27

होर्‌दे मोशादेमेस्‍ये अगमवक्तायू क्वाजेने सुरु चीत्‍देबे येशूदे धर्मशास्त्रने रङ्से बारेने लिख्दीयब पोयूजे अर्थ थमयूने खोल्‍लीमीदे।

लूका 24:32

थमयूदे त्‍यादे त्‍याने यदे, “येशू ङीनप्रे लम्‍ने बात् सेन्‍नूब, मेस्‍ये ङीनने धर्मशास्त्रजे अर्थ स्योम्मीनूब ङीनजे सेम् सूग तेया?”

लूका 24:45

होर्‌दे येशूदे थमयूने धर्मशास्त्रजे पो क्‍वब बुद्धि खूल्‍लीमीदे।

यूहन्‍ना 5:47

तर ङूदे लिख्दीयेब पोयूने नमयूदे विश्‍वास अन्‍ची यलो, ङैजे पोने केरे विश्‍वास चीक्‍क्‍य?”

मूल स्यूस्स्यायूजे कामजे किताब 10:43

अगमवक्तायू क्वादेने ङूजे गवाही पीने ख्यङ्, ङू फ्‍याने विश्‍वास चेब मी क्वानेने ङूदे पाप क्षमा पीन्क्‍य।”

मूल स्यूस्स्यायूजे कामजे किताब 13:29

मेस्‍ये ङूजे बारेने लिख्दीयेब साप्‍ता पो पूरा चे-जेनमेस्‍ये थमयूदे ङूने क्रूसदे मो तल्‍देबे खङ्सने येत्दे।

मूल स्यूस्स्यायूजे कामजे किताब 16:1

पावल डर्बी मेस्ये लुस्त्रानेये रदे। हैयाने तिमोथी यब स्यूस्स्या त्‍या ख्‍य। ङू विश्‍वासी यहूदी मदी त्‍याजे च ख्‍य, तर ङूजे प ग्रीक ख्‍य।

मूल स्यूस्स्यायूजे कामजे किताब 17:2

पावल रङ्सेदे येतारने चीन्‍न-प्रने हम्‍ब सभा-कीम्ने गीलीदे। ङूदे हैयाने सत सोम्सेमे धर्मशास्त्रजे पोने थमयूप्रे सवाल-जवाफ चीत्‍दे।

मूल स्यूस्स्यायूजे कामजे किताब 26:24

ङूदे रङ्से जूक्‍तेब पोयू क्‍यम्‍ब फेस्तसदे के केन् योन्‍देबे यदे, “या पावल, न पर क्‍यूरे औ,, नैजे कूम विद्यादे नने पर चीक्‍क ख्यङ्।”

रोमी 1:2

हम्‍ब सूगब खबर परमेश्‍वरदे मीयूङ्ने रङ्सेजे अगमवक्ताप्रे क्यूत्‍देबे थमयूदे हम्ब कबुल पवित्र धर्मशास्‍त्रने लिख्दी‍दे।

रोमी 16:26

तर जेम्‍से येतार्‌ने क्यून्‍नब परमेश्‍वरजे आज्ञा अनुसार अगमवक्तायूदे चेलाबे अम्बजे बारेने स्‍योम्मीक ख्यङ्। का-मुलुक नेयूजे यहूदी तेब मीयूदे प्रभुने विश्‍वास चीस्‍स्‍य मेस्‍ये ङूजे आज्ञा मन्‍दीस्य यदेबे अम्ब नङ्सूजे खबर का-मुलुकने प्रचार क्यूर ख्यङ्।

रोमी 2:27

होर्‌दे ङ्वने खतना अन्‍चील्‍लाबे मोशाजे नियम मन्‍देब मीयूदे, लिख्देब मोशाजे नियम ख्‍यब मेस्‍ये खतनाये चीक्‍कब नम मोशाजे नियम अम्‍मन्‍देब मीयूने दोष लैदीय।

१ कोरिन्थी 1:21

संसारने ख्‍यब मीयूजे बुद्धिदे परमेश्‍वरने चीन्ते अङ्ख्‍व क्‍यूत्‍देबे परमेश्‍वरजे बुद्धि अनुसार ङीनदे स्‍य्‍वेब सूगब खबरजे मूर्ख पोदेने विश्‍वास चेबयूने बच्‍देने परमेश्‍वरदे ठीक ठर्‌दीदे।

एफिसी 6:4

पयू, रङ्से च-चीमीने छी लङ्स्‍ये अम्पीन्‍लाची, तर थमयूने प्रभुजे शिक्षा मेस्‍ये तालिम पीन्देबे हूर्‌कीदी।

१ तिमोथी 4:13

ङ अन्‍रदासेमे धर्मशास्‍त्र छ्‌योत्‍देबे स्‍य्‍वेने, प्रचार चेने मेस्ये लोम्‍मेब कामने ध्‍यान् पीन्।

२ तिमोथी 1:1

ख्रीष्‍ट येशूने ख्‍यब जीयाजे कबुल अनुसार परमेश्‍वरजे सेम् क्‍यूत्‍देबे ख्रीष्‍ट येशूने ङ, पावल मूल स्यूस्स्या क्‍यूर ख्यङ्,

२ तिमोथी 1:5

नैजे चै-स्‍वार्थ त्‍वब विश्‍वास ङैदे ह्‍वेर ख्यङ्। हम्‍ब विश्‍वास मीयूङ् नैजे मम् लोइस, मेस्ये नैजे म युनिसप्रे ख्‍य, होरप्रने हम्‍ब विश्‍वास नैप्रेये ख्यङ् यदेबे ङैने पक्‍क ख्यङ्।

२ पत्रुस 3:16

पावलदे रङ्से चिट्ठीयू क्वानेनेये अम्‍ब पोयू लिख्दीये ख्यङ्। हम्‍ब पोयूजे कोइ पोब ते-क्व-अङ्‍ख्व ख्यङ्, अन्-छ्‌य्‍वेब मीयूदे, मेस्‍ये धेरेन् त्‍वब मीयूदे धर्मशास्त्रजे सूजो पोयूने पार्‌त्‍या अर्थ लैदेप्र अम्‍ब पोयूनेये पार्‌त्‍या अर्थ लैदीय, मेस्‍ये रङ्से फ्‍याने नाश रेक्‍क्‍य।

प्रकाश 19:10

होर्‌दे ङूने स्‍यूव पीनजे लागि ङ ङूजे तोप्ने पून्‍छ्‌यल् क्‍यूत्‍दे। तर ङूदे ङैने यदे, “नदे येरे चे अन्‍क्‍यूर्‌। ङैये येशूजे गवाही पीनब, न मेस्ये नैजे अत अची च्योन्‌यूप्रने परमेश्‍वरजे त्वो त्‍यामे ख्यङ्। परमेश्‍वरने स्‍यूव पीन्! चेनेयलो येशूजे बारेने पीनब गवाही अगमवाणीजे आत्‍मा ख्यङ्।”