२ तिमोथी 2:22 - घले नयाँ करार

²² येरेक्‍यूत्‍देबे चम्च-स्योर्‌बने रब अन्ज्य इच्छायू क्यापीदेबे शुद्ध सेम्‍दे प्रभुजे मीन् कीनयू प्रे-प्रे धार्मिकता, विश्‍वास, प्रेम मेस्‍ये शान्ति प्रेब उदेश्य टेल्।

२ तिमोथी 2:22 ပူးပေါင်းရင်းမြစ်များ

मूल स्यूस्स्यायूजे कामजे किताब 7:59

थमयूदे स्तिफनस फ्‍याने लूङ् छान ख्‍य, ङूदे प्रार्थना चीत्‍दे, “ओ प्रभु येशू, ङैजे आत्मा ग्रहण चीदो।”

मूल स्यूस्स्यायूजे कामजे किताब 9:14

अने नैजे मीनने विश्‍वास चेब मीयू क्वाने चूङब हक ङूदे पूस्‍र्‌या केन्‌यूट्‍यादे प्रे-ख्यङ्।”

रोमी 14:17

चेनेयलो परमेश्‍वरजे राज्‍य च-थूङने दी, तर अम्‍ब पवित्र आत्माने धार्मिकता, शान्ति मेस्‍ये आनन्‍द ख्यङ्।

रोमी 14:19

येरेक्‍यूत्‍देबे ङीन अम्‍ब पोयूजे के थाये, कम्‍ब पोदे शान्ति रेक्‍क्‍य, होरदे त्‍या-त्‍याजे आत्माने बोङ् पीनब काम चीक्‍क्‍य।

१ कोरिन्थी 1:10

अत-अची च्योन्‌यू ङीन्जे प्रभु येशू ख्रीष्‍टजे मीन्‍ने ङ नमयूने बिन्‍ती चीक्क्‍य, नमयू क्‍वाने सेम्त्‍या क्‍यूर्‌, मेस्‍ये नमयूजे अन्‍द्रने अन्‍थून अन्क्यूस्स्य। तर नमयूजे सेम्‍प्रे विचारयू त्‍या क्‍यूस्‍स्‍य।

१ कोरिन्थी 1:2

कोरिन्थने ख्‍यब परमेश्‍वरजे मण्डलीने ख्रीष्‍ट येशूने विश्‍वास चीत्‍देबे पवित्र क्‍यूक्‍कबयूने, मेस्‍ये थमयू प्रे-प्रे का-मुलुक‍ने परमेश्‍वरजे पवित्र मी क्‍यूरने क्‍वबयू क्‍वानेने लिख्दीदे चङ्पीन ख्यङ्। हम्‍बयू क्‍वादेने प्रभु येशू ख्रीष्‍टजे मीन् पूस्‍तीय। ङूब थमयू मेस्‍ये ङीनजे प्रभु ख्यङ्:

१ कोरिन्थी 10:14

येरेक्‍यूत्‍देबे ङैजे छेब अत-च्योनयू मूर्ति पूस्‍तेब काम अन्‍चील्‍लाबे आलाक् क्‍यूत्‍देबे टूङ्।

१ कोरिन्थी 14:1

नमयूदे प्रेम चेने तीर्‌सन चीन्‍नू, मेस्‍ये आत्माजे बर प्रेने बेस्‍से बोङ् ची। हम्‍ब यली थेप् अगमवाणी क्यमब बर प्रेने बोङ् ची।

१ कोरिन्थी 6:18

वेश्य कामदे आलाक् क्यूर्। मीदे चेब सूजो साप्‍ता पाप कामयू रङ्से ङ्वजे फीने चीक्‍क्‍य, तर वेश्य काम चेब मीदे रङ्से ङ्वजे विरुद्धने पाप चेब क्‍यूक्‍क्‍य।

१ तिमोथी 1:14

ख्रीष्‍ट येशूने ख्‍यब विश्‍वास मेस्‍ये माया प्रे-प्रे ङीन प्रभुजे अनुग्रह ङैजे लागि बेस्‍से कूम फैम्‍मीदे।

१ तिमोथी 1:5

अम्‍ब आज्ञाजे मूल पो प्रेम ख्यङ्, हम्‍ब शुद्ध सेम्, ज्‍य विवेक मेस्ये तम्दम् विश्‍वासदे योङ्‍रीय।

१ तिमोथी 2:8

येरेक्‍यूत्‍देबे पतीयूदे का-मुलुकनेने पवित्र ला लङ्देबे छी अन्‍चील्‍लाबे मेस्‍ये स्वाल्-जवाफ अन्‍चील्‍लाबे प्रार्थना चीस्‍स्‍य यब ङ सेम् चीक्‍क्‍य।

१ तिमोथी 4:12

स्‍योर्‌ब क्यूरब कारणदे नने सूदेये ह्‍यल चे अम्‍प्रेस्‍स्‍य, तर विश्‍वासीयूजे खूम्‍ने बोली वचन, आनि-बानी मेस्ये प्रेमने, विश्‍वासने बोल्यो, शुद्ध सेम् क्‍यूत्‍देबे नदे नमूना तन्।

१ तिमोथी 6:11

तर परमेश्‍वरने मन्‍देब मी, नदे येर कामयू क्‍वाने क्यापी, मेस्‍ये धर्मी, परमेश्‍वरने मन्देब, विश्‍वास, प्रेम, अङ्-आ‍तीलाबे रेन ख्‍वब सेम् मेस्‍ये चीद क्‍यूरब सेम्जे उदेश्य कीन्।

हिब्रू 12:14

मीयू क्‍वाप्रेने थून्‍देबे मेस्‍ये पवित्र क्‍यूत्‍देबे टूङने बोङ् ची, पवित्र अन्‍क्‍यूत्‍दासेमे सूमीदेये परमप्रभुने तङ् अङ्‍खू।

१ पत्रुस 2:11

ङैजे ख्योन्‌यू, ङ नमयूने बिन्‍ती चीक्‍क्‍य, फीदेशने गीलीदेबे टुनब अन्स्येब मीयूप्र ख्यङ् यब पो स्‍येदेबे नमयूजे आत्‍माजे विरुद्धने जीङब अम्‍ब ङ्वजे अन्‍ज्‍य इच्‍छायूत्यादे आलाक् क्‍यूत्‍देबे टूङ्।

१ पत्रुस 3:11

ङूदे अन्‍ज्‍य काम क्यापीस्‍य मेस्‍ये सोरो ज्‍य काम चीस्‍स्‍य, हम्‍बदे शान्ति प्रेब लम् मल्‍स्‍य मेस्‍ये हम्‍ब शान्तिजे लम्ने प्रस्‍य।

३ यूहन्‍ना 1:11

छेब च्‍योन्, अन्ज्य पोजे के अन्‍थालाची, तर सोरो ज्य पोजे के था। सूदे ज्‍य चीक्‍क्‍य, हम्‍ब परमेश्‍वरजे ख्यङ्, सूदे अन्‍ज्‍य काम फर्‌क्‍य हम्‍बदे परमेश्‍वरने अन्‍तङ् ख्यङ्।