२ तिमोथी 2:18 - घले नयाँ करार

¹⁸ सीबदेबे फेरि सोम्‍बो क्‍यूरब काम मीयूङ्ने क्‍यूर जेङ्‍क ख्यङ् यदेबे थमयू तम्दम्‍जे पो क्‍यापीदेबे सूजो पार्‌त्‍यादे गीले ख्यङ्। कोला मीयूजे विश्‍वासने थमयूदे ढल्-पल् चीन्‍न ख्यङ्।

२ तिमोथी 2:18 ပူးပေါင်းရင်းမြစ်များ

मत्ती 15:13

तर येशूदे यदे, “स्वर्गने ख्‍यब ङैजे पदे अन्सूकब तोङ्बोयू टक्कने ह्‍वागीय।

मत्ती 22:29

येशूदे थमयूने जवाफ पीन्‍दे, “नमयू भूल परदीक ख्यङ्, चेनेयलो नमयूदे धर्मशास्‍त्रने लिख्दीयेब पो मेस्ये परमेश्‍वरजे शक्तिजे पो स्‍ये अङ्‍ख्‍व ख्यङ्।

लूका 8:13

लूङ्सने पर्‌दीयेब लूदे थमयू जन्‍दीय, सूदे वचन ङ्‌यीन्‍देबे सूगे-सूगे सेम्‍ने येक्‍क्‍य। तर ङूजे छ अन्क्‍यूर्, मेस्‍ये तेदिनजे लागि त्‍या थमयूदे विश्‍वास चीक्‍क्‍य, तर जाँचजे बील रब थमयूजे विश्‍वास क्‍यापीय।

मूल स्यूस्स्यायूजे कामजे किताब 5:39

तर कादेये परमेश्‍वरदे चीन्‍नब ख्यङ्‍यलोब नमयूदे अम्‍ब रोक्‍ते अन्‍खू। नत्रयलो नमयू परमेश्‍वरजे विरुद्धने लङब ठर्‌दीय।”

१ कोरिन्थी 11:19

नमयूजे अन्‍द्रने परमेश्‍वरजे खूम्‍ने सेम् ज्‍य ख्‍यब मीयू चीन्तेने अन्‍थूनये क्‍यूर पर्‌ते ख्यङ्।

१ कोरिन्थी 15:12

परमेश्‍वरदे ख्रीष्‍टने सीयेबयूदे सोम्‍बो चीम्‍मीदे यब पो प्रचार चीक्‍क्‍य यलो नमयू नङ्ने कोइ-कोइदे सीयेब मी सोम्‍बो अन्‍क्‍यूर्‌ यदेबे केरे य खूइय?

कलस्सी 3:1

कादेये नमयू ख्रीष्‍टप्रेने जीया च ख्यङ् यलो स्‍वर्गजे पोयू मल्, होयाने ख्रीष्‍ट परमेश्‍वरजे स्येत्‍देयोर्‌ टून ख्यङ्।

१ तिमोथी 1:19

विश्‍वास मेस्ये सोरो ज्‍य विवेक येन्‍नेनू। कोइ मीयूदे विवेक अनुसार अन्चील्‍लीदेबे रङ्सेजे विश्‍वासजे जहाज डूब्दीबे ख्यङ्।

१ तिमोथी 6:10

चेनेयलो साप्‍ता थर्‌जे खराबजे छ ब नोर‌्‌ने माया चेब ख्यङ्। कोइ-कोइ नोर‌्‌जे लोभने पर्‌दीदे विश्‍वास चेब क्‍यापीदेबे अन्ज्‍य लम्‍तेले लादीये ख्यङ्, मेस्‍ये कूम पीर्‌दे थमयूजे सेम् ठ्व ख्यङ्।

१ तिमोथी 6:21

येर पोयूजे ङ्‍येदे प्रदेबे कोला मीदे विश्‍वास चेने क्याबे ख्यङ्। नैप्रे परमेश्‍वरजे अनुग्रह क्‍यूस्‍स्‍य।

२ तिमोथी 2:14

अम्‍ब पो थमयूने चेलाबे कोलाबे चीम्मी, पो त्‍या-त्‍या चूङ्देबे स्वाल्-जवाफ अन्‍चील्‍लाची यदेबे थमयूने परमेश्‍वरजे खूम्‍ने आज्ञा पीन्। येर स्वाल्-जवाफजे पोदे भलो अन्क्‍यूर्, तर पो तब मीयूने हानीत्या चीक्‍क्‍य।

तीतस 1:11

थमयूजे ङूर् ल्‍वा अङ्ख्‍व चेपर्‌दीय, चेनेयलो थमयूदे रङ्सेजे फाइदजे लागि खलकजे क्‍वानेने खैलाबैला चीन्‍न ख्यङ्। येर शिक्षा थमयूदे पीन अङ्क्यूर ख्‍य।

हिब्रू 3:10

येरेक्‍यूत्‍देबे ङ हम्‍ब पुस्ताजे मीयू तङ्देबे छी रदे, मेस्‍ये यदे, ‘थमयूजे सेम् येतार्‌ने ङैप्रे चीन्‍तङ् क्‍यूर ख्यङ्, ङैदे तनब लम्ने थमयू अम्‍प्र ख्यङ्।’

याकूब 5:19

अत-अजी च्योन्‌यू, कादेये परमेश्‍वरजे सत्‍य पो पोङ्यीन्देबे नमयू नङ्ने कोइ मी खेदे प्रब, कोइदे हम्‍ब मीने ल्‍वारीदे यलो,

१ यूहन्‍ना 2:19

थमयू ङीनट्‍यादे योङ्देबे गीली, चेनेयलो थमयू ङीनजे ते ख्‍य। कादेये थमयू ङीनजे यलो थमयू ङीनप्रेने टूङख्यङ्दे, तर थमयू क्‍वाने ङीनजे ते टूङ् यब पो तम्‍मेने थमयू योङ्देबे गीले ख्यङ्।