२ तिमोथी 2:15 - घले नयाँ करार

¹⁵ त्‍वा अम्‍पर्‌देब तम्दम्‍जे वचनने चेलाबे चील्‍लीदेबे काम फरब मीप्र क्‍यूत्‍देबे रङ्सेदेने परमेश्‍वरजे मी क्‍यूर लायकजे क्‍यूरने खूदासेमे बोङ् ची।

२ तिमोथी 2:15 ပူးပေါင်းရင်းမြစ်များ

मत्ती 13:52

होर्‌दे येशूदे थमयूने यदे, “येरेक्‍यूत्‍देबे स्वर्गराज्‍यजे शिक्षा प्रेब पन्‍डेयू क्वाने कीम् त्याजे मालिकप्र ख्यङ्। ङूदे रङ्से बेङेदे कूम लूजे सर् मेस्ये ङीङ् सामानयू फीने योन्‍क्‍य।”

मर्कूस 4:33

थमयूदे क्‍व खूदासेमे येशूदे होरप्रने कूम उखानयू पूत्‍देबे थमयूने परमेश्‍वरजे वचन स्‍योत्‍दे।

लूका 12:42

प्रभुदे यदे, “बुद्धिमान मेस्‍ये भर्‌ पर्‌ते ख्‍वब कीम् लेब त्वो सू ख्यङ्? कीम् मालिकदे हम्‍ब त्वोने रङ्सेजे कीम् म्‍हीतीने तोक्‍तेब दिनसेमे थमयूजे भाने पर्‌देब चसे पीनने खेर्‌तीय?

मूल स्यूस्स्यायूजे कामजे किताब 2:22

“इस्राएलजे मीयू, अम्‍ब पो ङ्यीन्, नासरतजे येशू येर मी ख्‍य, ङूने परमेश्‍वरदे कूम शक्तिजे काम‍यू, हार्‌मन्‍देब काम‍यू मेस्‍ये च्‍यूनूयू नमयूजे खूम्ने प्रमाण तम्मी‍दे। नमयूदे थाने ख्यङ्, यी परमेश्‍वरदे नमयूजे अन्‍द्रने येर कामयू ङूदेने चे ख्यङ्।

मूल स्यूस्स्यायूजे कामजे किताब 20:27

चेनेयलो परमेश्‍वरदे यब पोयू टक्‍कने ङैदे नमयूने स्‍योत्‍दे।

रोमी 14:18

सूदे येर तर्‌दीप्‍दे ख्रीष्‍टजे सेवा चीक्‍क्‍य, हम्‍ब मीदे परमेश्‍वरने सूग्‍ला चीक्‍क्‍य, मेस्‍ये मीयूदे ज्‍य यीय।

रोमी 16:10

ख्रीष्‍टजे खूम्ने लायकजे ठर्‌तीकब अपेल्‍लेसने नमस्‍कार येबी। अरिस्‍तोबुलसजे कीम् म्हीतीनेये नमस्‍कार येबी।

रोमी 6:13

रङ्से ङ्वजे अङ्गयूने अन्‍ज्‍य काम चीस्‍ये अम्‍पीन्‍लाची। तर सीइदेबे सोम्‍बो क्‍यूरब मीयूदेप्र रङ्सेने परमेश्‍वरने पीम्‍बी, मेस्‍ये रङ्से ङ्वजे अङ्गयू परमेश्‍वरजे महिमा चेब कामयूजे लागि सूम्‍दीपी।

१ कोरिन्थी 2:6

होरेक्‍यूल्‍लीने ख्रीष्‍टने विश्‍वास चीत्‍देबे पाको क्‍यूरेब मीयूजे अन्‍द्रने ङी बुद्धिजे प्रचार चीक्क्य, तर हम्‍ब बुद्धि अम्‍ब जूग्‍जे मेस्‍ये अम्‍ब जूग्‍जे हुकुम चील्‍लेबयूजे नाश क्‍यूत्‍देबे प्रब बुद्धिप्रये दी।

२ कोरिन्थी 10:18

चेनेयलो रङ्सेजे सल्‍क रङ्सेदेने चेब मीजे गेसेन् क्यूस्से त्वो, तर प्रभुदे सल्‍क चेब मीजे गेसेन् क्यूक्‍क्य।

२ कोरिन्थी 3:6

ङूदे ङीनने सर्‌ कबुलजे काम फरबयू क्‍यूरब गज्ज्य पीन्‍दे, लिख्दीयेब अक्षर‌ने दी, तर पवित्र आत्‍माने। चेनेयलो लिख्दीयेब अक्षरदे सेक्‍क्‍य, तर पवित्र आत्‍मादे जीया पीन्‍क्‍य।

२ कोरिन्थी 4:2

त्‍वा पर्‌तेब काम मेस्‍ये छ्‌यूप्‍देबे चेब अन्‍ज्‍य कामयू क्‍वाने ङीदे क्यापीक ख्यङ्। ङी तीप्‍लीङ्-छोप्‍लीङ् चेब काम अन्‍ची, परमेश्‍वरजे वचनने अदल-बदल अन्‍ची। तर परमेश्‍वरजे खूम्ने तम्दम् पो क्‍यम्‍क्‍य, मेस्ये भरपर्‌ते खल्‍जे मीयू क्वादेने अम्ब पो स्येय।

२ कोरिन्थी 5:9

येरेक्‍यूत्‍देबे ङी अम्‍ब नाश क्यूप्पब ङ्वने क्‍यूल्‍लीने या अन्‍क्‍यूल्‍लीने प्रभुने सूग्‍लाबे चेब ङीजे सेम् ख्यङ्।

गलाती 1:10

च ङ मीयूजे कृपा मेल ख्यङ्, यी परमेश्‍वर‌जे? या ङैदे मीयूने सूग्‍लाबे चे मेल्‍नऔ? कादेये ङैदे मीयूने सूग्‍लाबे चेब बोङ्त्‍या चीन्‍नूलो ङ ख्रीष्‍टजे त्वो अन्‍क्‍यूर ख्यङ्दे।

एफिसी 1:13

होरप्रने नमयूदेये तम्दम्‍जे खबर, मुक्तिजे सूगब खबर तदेबे ख्रीष्‍टने विश्‍वास चीत्‍दे। परमेश्‍वरदे नमयूने कबुल चेब पवित्र आत्माजे छाप पूत्‍देबे ङूदे नमयूने रङ्से मी बन्‍देब गवाही पीन्दे।

१ थेसलोनिकी 2:4

तर सूगब खबर स्‍य्‍वेब जिम्मा सूम्‍तेजे लागि परमेश्‍वरदे ङीने केरे लायकजे थेदे, होरप्रने मीयूने सूग्‍लाबे चेने दी, तर ङीनजे सेम् जाँचतेब परमेश्‍वरने सूग्‍लाबे चेने ङी क्‍यम्क्‍य।

१ थेसलोनिकी 5:14

अत अची च्योन्‌यू, काम चेने छरबयूने बोङ्बे अर्ती मेस्‍ये सेम् चीद चेयूने आँट पीन्। बोङ् त्‍वयूने तोङ्मी। क्‍वाप्रेने स्यूलूक्कै क्‍यूरब स्वभाव तन्।

१ तिमोथी 4:6

कादेये नदे अत-अची च्योन्‌यूजे खूम्‍ने येर पो लोम्‍मीदे यलो नदे मन्‍दीनब ज्‍य शिक्षा मेस्ये विश्‍वासजे वचनने बोल्यो क्‍यूत्‍देबे न ख्रीष्‍ट येशूजे लागि ज्‍य सेवा चेब क्‍यूक्‍क्‍य।

हिब्रू 4:11

येरेक्‍यूत्‍देबे ङीन हम्‍ब गैन सङब नेने क्‍योबने बोङ् चीदे, मेस्‍ये आज्ञा अम्मन्देब मीयूप्र सूये नाश अन्‍क्‍यूप्‍पस्‍य।

याकूब 1:12

भबी-तबी पर्‌तीरब पात्‍ताङ्‍येसेमे सैदे ख्‍वब मीदे असी प्रेक्‍क्‍य, चेनेयलो येर जाँचयू सैदीकब मीदे जीयाजे मुकुट प्रेक्‍क्‍य, हम्‍ब मुकुट परमेश्‍वरने प्रेम चेब मीयूने पीन्‍क्‍य यदेबे परमेश्‍वरदे चेब कबुल ख्यङ्।

याकूब 1:18

ङूदे सृष्‍टि चीक्‍कब साप्‍ता थोकयू नङ्ने ङीन पात्‍ता खूम्‍जे फलप्र क्‍यूर खूस्‍य यदेबे परमेश्‍वरदे रङ्से इच्छा अनुसार‌ सत्‍यजे वचन क्‍यम्‍देबे ङीनने सृष्‍टि चीत्‍दे।

२ पत्रुस 1:10

येरेक्‍यूत्‍देबे अत-अजी च्योन्‌यू, परमेश्‍वरदे नमयूने क्‍व ख्यङ् मेस्‍ये सेल ख्यङ् यब पो पक्‍क चेने बेस्‍से बोङ् ची। अम्‍ब पोयू चीत्‍देयलो नमयूदे रङ्से विश्‍वास कलङ्बेये क्यापीसे त्वो।

२ पत्रुस 1:15

नमयूदे ङ सीब ङ्‍येदेये अम्‍ब पोयू येतार्‌ने ह्‍वेरीनूस्‍य यदेबे खूदासेमे ङ बोङ् चीन्‍नीय।

२ पत्रुस 3:14

येरेक्‍यूत्‍देबे ङैजे छेब ख्योन्‌यू, नमयू अम्‍ब पोजे लम् लेन्‍नबयू क्‍यूत्‍देबे परमेश्‍वरजे खूम्‍ने नमयू दाग या खोट् त्‍वबयू, होर्‌दे शान्तिने टूङबयू क्‍यूरने बोङ् ची।