२ थेसलोनिकी 2:13 - घले नयाँ करार

¹³ तर प्रभुदे प्रेम चेब अत-अची च्योन्‌यू नमयूजे लागि ङीयूदे परमेश्‍वरने येतार्‌ने धन्‍यवाद पीनने परदे ख्यङ्, चेनेयलो खूम्‍देमेस्‍येने पवित्र आत्मादे पवित्र चीत्‍देबे मेस्‍ये तम्दम् पोने विश्‍वास चीत्‍देबे मुक्ति प्रेने परमेश्‍वरदे नमयूने सेल ख्यङ्।

२ थेसलोनिकी 2:13 ပူးပေါင်းရင်းမြစ်များ

लूका 1:75

ङीनजे पूरा जीया भरी पवित्र मेस्ये धार्मिकताने क्‍यूत्‍देबे ङूजे खूम्‍ने ङूजे सेवा चे प्रेस्‍स्‍य।

यूहन्‍ना 1:1

संसार सुरु क्‍यूर यली खूम्‍ने वचन ख्‍य, वचन परमेश्‍वरप्रे ख्‍य, मेस्‍ये वचन ब परमेश्‍वर ख्‍य।

यूहन्‍ना 14:6

येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

मूल स्यूस्स्यायूजे कामजे किताब 13:48

कन्‍छ्वाब यहूदी ते मीयूदे अम्‍ब पो तदे, थमयू सूग्‍देबे परमेश्‍वरजे वचनजे सार्‌या चीत्‍दे, मेस्‍ये कलङ्बेये अन्सीबब जीयाजे लागि खूम्‍ने परमेश्‍वरदे सेलेब मीयू क्वादेने विश्‍वास चीत्‍दे।

मूल स्यूस्स्यायूजे कामजे किताब 15:9

परमेश्वरदे थमयू प्रे ङीनजे अन्‍द्रने क्वानेने सागपूजा अन्‍ची, तर थमयूजे सेम्जे विश्‍वास चेब क्यूत्देबे शुद्ध चीम्मीदे।

रोमी 6:17

खूम नमयू पापजे त्वो-त्वोम क्‍यूर ख्‍य, तर चूजो परमेश्‍वरदे लोम्‍मेब शिक्षाने नमयूदे सेम् नङ्देमेस्‍येने मन्‍दे ख्यङ्। अम्‍बजे लागि परमेश्‍वरने धन्‍यवाद ख्यङ्।

रोमी 8:33

परमेश्‍वरदे सेलब मीयूने सूदे दोष लैदे खूइय? परमेश्‍वरदेने थमयूने धर्मी ठहर्‌दीय यलो,

रोमी 9:11

मेस्‍ये चोङ्ल्‍यायू ख्‍वाजेने केल्‍रबने, थमयूदे ज्‍य या अन्‍ज्‍य काम चेयली खूम्ने, परमेश्‍वरजे सेलब काम मीयूजे काम लेत्‍देबे दी, तर ङूजे इच्छा अनुसार पक्‍क क्‍यूक्‍क्‍य यदेबे,

१ कोरिन्थी 1:21

संसारने ख्‍यब मीयूजे बुद्धिदे परमेश्‍वरने चीन्ते अङ्ख्‍व क्‍यूत्‍देबे परमेश्‍वरजे बुद्धि अनुसार ङीनदे स्‍य्‍वेब सूगब खबरजे मूर्ख पोदेने विश्‍वास चेबयूने बच्‍देने परमेश्‍वरदे ठीक ठर्‌दीदे।

गलाती 3:1

मूर्ख गलातीयू, नमयूने सूदे होम्‍कदे? नमयूजे म्‍यादे तङ्लाबेने येशू ख्रीष्‍ट क्रूसने खील् ठोक्‍दीदेबे पील्‍कब पो चेलाबे स्‍योदे ख्‍य।

एफिसी 2:8

परमेश्‍वरजे अनुग्रहदेने नमयूदे विश्‍वास चीत्‍देबे उद्धार प्रे ख्यङ्। मेस्‍ये अम्‍ब नमयू रङ्सेदेने धम चीत्‍देबे दी, अम्‍ब परमेश्‍वरदे पीनब बर ख्यङ्-

कलस्सी 1:5

अम्‍ब विश्‍वास मेस्‍ये प्रेम नमयूजे लागि स्‍वर्गने जूक्‍तीदेबे हीतेब आशाजे कारणदे क्‍यूर ख्यङ्। हम्‍ब पोयू नमयूदे मालाङ्ने तम्दम्जे वचनने, या सूगब खबरने तैक ख्यङ्।

कलस्सी 3:12

होरेक्‍यूत्‍देबे परमेश्‍वरदे सेल मीयूप्र पवित्र मेस्‍ये छेब क्‍यूत्‍देबे नमयूब ङ्येमब सेम्, दया चेब, तोङब सेम्, चीद क्‍यूरब मेस्‍ये अन्-आतीलाबे रेन्‍न ख्‍वब क्‍यून्‍नू।

१ थेसलोनिकी 1:4

अत-अची च्योन्‌यू, परमेश्‍वरदेने नमयूने प्रेम चीत्‍देबे सेलब पो ङीने था ख्यङ्।

१ थेसलोनिकी 2:12

येरेक्‍यूत्‍देबे यी नमयूजे आनिबानि परमेश्‍वरदे छेब लायक‍जे क्‍यूस्‍स्‍य, ङूदे नमयूने ङूजे रङ्सेजे राज्‍य मेस्‍ये महिमाने कोय।

१ थेसलोनिकी 4:7

चेनेयलो परमेश्‍वरदे ङीनने अशुद्धजे लागि क्‍व दी, तर पवित्र जीया चने क्व ख्यङ्।

१ थेसलोनिकी 5:9

चेनेयलो परमेश्‍वरदे ङूजे छी फैनजे लागि ङीनने सेल दी, तर ङीनजे प्रभु येशू ख्रीष्‍टने विश्‍वास चीत्‍देबे मुक्ति प्रेस्‍य यदेबे खूम्देमेस्येने सेल ख्यङ्।

२ थेसलोनिकी 1:3

अत-अची च्योन्‌यू, नमयूजे विश्‍वास कूमने बढ्दीन ख्यङ्। त्‍यादे-सूजोने झन् थेप्थेप् प्रेम चीन्‍न ख्यङ्। अम्‍ब कारणदे नमयूजे बारेने येतार्‌ने ङीदे परमेश्‍वरने धन्‍यवाद पीनने पर्‌देख्यङ्।

२ थेसलोनिकी 2:10

नाश क्‍यूरपर्‌तेब जती क्‍वानेने हम्‍बदे दुष्‍ट किसिमदेने छाक्‍दीय, चेनेयलो थमयूदे मुक्ति पीनब तम्दम्‍जे पोने प्रेम चेने मेस्ये हम्‍बजे रूप्ने जीया चने सेम् अन्ची।

२ थेसलोनिकी 2:12

येर्‌बे तम्दम् पोने विश्‍वास अन्‍चेबयू, तर पापने आनन्‍द मन्देयू टक्कनेने दोषी ठर्‌दीस्‍य।

२ थेसलोनिकी 2:16

होर्‌दे ङ्‍येदे ङीनने प्रेम चेब मेस्ये अनुग्रह चीत्देबे कलङ्बेये अन्जेनब सान्त्वना मेस्ये सोरो ज्य आशा पीनब ङीन्जे प्रभु येशू ख्रीष्‍ट रङ्सेदेने मेस्ये परमेश्‍वर ङीनजे पदे,

२ तिमोथी 1:9

परमेश्‍वरदेने ङीनने उद्धार चीम्‍मीदे, रङ्से मी चेने कोदे। अम्‍बब ङीनदे चेब कामदे दी, तर ङूजे रङ्सेजे उदेश्य मेस्‍ये अनुग्रहदे चे ख्यङ्। हम्‍ब ङूदे ख्रीष्‍ट येशूने जूग्‍दे-जूग्‍मेस्‍येने ङीनजे लागि पीने ख्‍य,

२ तिमोथी 2:15

त्‍वा अम्‍पर्‌देब तम्दम्‍जे वचनने चेलाबे चील्‍लीदेबे काम फरब मीप्र क्‍यूत्‍देबे रङ्सेदेने परमेश्‍वरजे मी क्‍यूर लायकजे क्‍यूरने खूदासेमे बोङ् ची।

२ तिमोथी 3:15

मेस्‍ये नदे चीदमेस्‍येने पवित्र-धर्मशास्‍त्रजे पो स्ये ख्यङ्, अम्‍बदे ख्रीष्‍ट येशूने विश्‍वास चीप्प प्रेब मुक्तिजे लागि नने शिक्षा पीन खूइय।

हिब्रू 1:10

ङूदे फेरि य ख्यङ्, “परमप्रभु, नदेने पात्‍ता खूम् पृथ्वीजे जा पूत्‍दे, मेस्‍ये तो-मूने ख्‍यब साप्‍ताने नैजे लादे बन्‍दीदे।

याकूब 1:18

ङूदे सृष्‍टि चीक्‍कब साप्‍ता थोकयू नङ्ने ङीन पात्‍ता खूम्‍जे फलप्र क्‍यूर खूस्‍य यदेबे परमेश्‍वरदे रङ्से इच्छा अनुसार‌ सत्‍यजे वचन क्‍यम्‍देबे ङीनने सृष्‍टि चीत्‍दे।

१ यूहन्‍ना 4:10

ङीनदे परमेश्‍वरने प्रेम अन्‍ची तर परमेश्‍वरदे ङीनने प्रेम चीत्‍दे, मेस्‍ये ङीनजे पाप मेर्‌देजे लागि बलि क्‍यूरने रङ्सेजे च कूल्‍पीदे, प्रेम यब अम्‍ब ख्यङ्।

१ यूहन्‍ना 4:19

परमेश्‍वरदे ङीनने खूम् प्रेम चीत्‍दे होरेक्‍यूत्‍देबे ङीनदेये ङूने प्रेम चीक्‍क्‍य।