२ थेसलोनिकी 2:10 - घले नयाँ करार

¹⁰ नाश क्‍यूरपर्‌तेब जती क्‍वानेने हम्‍बदे दुष्‍ट किसिमदेने छाक्‍दीय, चेनेयलो थमयूदे मुक्ति पीनब तम्दम्‍जे पोने प्रेम चेने मेस्ये हम्‍बजे रूप्ने जीया चने सेम् अन्ची।

२ थेसलोनिकी 2:10 ပူးပေါင်းရင်းမြစ်များ

मत्ती 13:11

येशूदे जवाफ पीन्‍दे, “स्वर्ग-राज्यजे नङ्सू पोयूजे ज्ञान नमयूने स्‍येसे पीन्‍दे, तर थमयूने ब अम्‍पीन ख्यङ्।

यूहन्‍ना 3:17

परमेश्‍वरदे रङ्से तीत्‍या चने संसारजे मीयूने दोष लैदेने दी, तर थमयूने बच्‍दीमेने कूल्‍बे ख्यङ्।

यूहन्‍ना 5:34

ङैजे लागि मीजे गवाही क्‍यूरने पर्‌दीय यदेबे दी, तर नमयूने बच्‍दीमेने ङैदे अम्‍ब पो य ख्यङ्।

रोमी 10:1

अत-अची च्योन्‌यू, ङैजे मीयूदेये उद्धार प्रेस्‍स्‍य यदेबे ङ मन्‍न ख्यङ्। होरेक्‍यूत्‍देबे ङैदे थमयूजे लागि प्रार्थना चीन्‍न ख्यङ्।

रोमी 16:18

चेनेयलो येर मीयूदे ख्रीष्‍ट ङीन प्रभुजे दी, तर रङ्से ख्‍वाजेजे सेवा चीक्‍क्‍य। सोरो खेत्‍दे क्‍यम्‍क्‍य मेस्‍ये च्‍यूप्‍ल्‍या चीत्‍देबे सोझो मीयूने भड्कैदीय।

रोमी 6:17

खूम नमयू पापजे त्वो-त्वोम क्‍यूर ख्‍य, तर चूजो परमेश्‍वरदे लोम्‍मेब शिक्षाने नमयूदे सेम् नङ्देमेस्‍येने मन्‍दे ख्यङ्। अम्‍बजे लागि परमेश्‍वरने धन्‍यवाद ख्यङ्।

१ कोरिन्थी 1:18

चेनेयलो क्रूसजे खबर नाश क्‍यूप्‍पीनबजे लागि मूर्ख ख्यङ्, तर ङीन उद्धार प्रेन्‍नबयूजे लागि, परमेश्‍वरजे शक्ति ख्यङ्।

१ कोरिन्थी 16:22

कोइदे प्रभुने प्रेम अन्‍चील्‍लो हम्‍ब मीने श्राप टस्‍य। ओ ङीन्‍जे प्रभु, ख!

२ कोरिन्थी 11:13

चेनेयलो होर मीयू लूच्‍च मूल स्यूस्स्या, मेस्‍ये छल् चेबयू ख्यङ्, मेस्‍ये ख्रीष्‍टजे मूल स्यूस्स्यायूप्र क्‍यूत्‍देबे प्रेनबयू ख्यङ्।

२ कोरिन्थी 11:15

येरेक्‍यूत्‍देबे धर्म चे-सेम् ख्‍यब त्वोयूजे रुप्‍प्र हम्‍बजे त्वोयूदेये कीनब पो नौङ्ल्‍या दी, थमयूजे नाश थमयूदे चेब काम अनुसार क्‍यूक्‍क्‍य।

२ कोरिन्थी 2:15

चेनेयलो उद्धार प्रेन्‍नबयू मेस्‍ये नाश क्‍यूप्‍पीनयूजे अन्द्रनेये परमेश्‍वरजे लागि ख्रीष्‍टदे चैर्‌तीयेब ज्‍य बस्‍न रब धूपप्र ङी ख्यङ्।

२ कोरिन्थी 2:17

चेनेयलो परमेश्‍वरजे वचनजे छोङ् चेब कूम मीयूप्र ङी दी, तर परमेश्‍वरदे कूल्‍बेब चैये छल् त्‍वब मीप्र परमेश्‍वरजे खूम्‍ने ख्रीष्‍टप्रे क्‍यूत्‍देबे ङी क्‍यम्‍क्‍य।

एफिसी 4:14

होर्‌दे छट्‍टू मीजे पीरीपीरीजे शिक्षाजे छल्दे कने प्‍लेके होनेने कूबब चीद-चीद पीचयूप्र ङीन अन्‍क्यूल्‍लाचीदे। थमयूदे योनब ठग शिक्षादे सूजो मीयूने अन्‍ज्‍य लम्‍तेले कूबीय।

१ थेसलोनिकी 2:16

यहूदी तेब मीयूजे उद्धार क्‍यूस्‍स्‍य यदेबे थमयूप्रे क्‍यमने ङीने बाधा पीन्दे। येर्‌बे येतार्‌ने थमयू रङ्सेजे पापने थेप्थेप् नप्‍ते अङ्ख्‍ब चीक्‍कीदे, तर आखिरीने परमेश्‍वरजे छी थमयू फ्‍याने पर्‌तीरदे।

२ थेसलोनिकी 2:12

येर्‌बे तम्दम् पोने विश्‍वास अन्‍चेबयू, तर पापने आनन्‍द मन्देयू टक्कनेने दोषी ठर्‌दीस्‍य।

२ थेसलोनिकी 2:13

तर प्रभुदे प्रेम चेब अत-अची च्योन्‌यू नमयूजे लागि ङीयूदे परमेश्‍वरने येतार्‌ने धन्‍यवाद पीनने परदे ख्यङ्, चेनेयलो खूम्‍देमेस्‍येने पवित्र आत्मादे पवित्र चीत्‍देबे मेस्‍ये तम्दम् पोने विश्‍वास चीत्‍देबे मुक्ति प्रेने परमेश्‍वरदे नमयूने सेल ख्यङ्।

१ तिमोथी 2:4

मीयू क्‍वादेने मुक्ति प्रेस्‍स्‍य मेस्‍ये थमयूदे तम्दम्‍जे ज्ञान क्‍व खूस्‍य यदेबे परमेश्‍वरदे सेम् चे ख्यङ्।

हिब्रू 3:13

तर कन्‍छ्वासेमे, “दीनीजे दिन” यब पो ख्यङ् हन्‍छ्वासेमे त्‍यादे-त्‍याने लोम-तन ची, मेस्‍ये पापजे छल्‍दे चीत्‍देबे नमयू सूजेये सेम् कोङ अन्‍क्‍यूस्‍स्‍य।

२ पत्रुस 2:12

तर अम्‍ब मीयू रङ्सेदे क्‍व-अङ्ख्‍वब पोयूजे न-पूक्‍क्‍य। अम्‍ब मीयू विवेक त्‍वब रोलायूप्र ख्यङ्, अन्‍ज्‍य इच्‍छादे थमयू कबूने येक्‍क्‍य। थमयू, ङ्‍येप्‍देबे सेजे लागि जन्मीदेयूप्र ख्यङ्, मेस्‍ये रोलायूप्र थमयू नाश क्‍यूक्‍क्‍य।

२ पत्रुस 2:18

थमयू मूर्‌ख क्‍यूत्‍देबे केन् त्‍वेब पोयू चीक्‍क्‍य, होर्‌दे अन्‍ज्‍य लम् पोङ्‍गीदेबे ख्रीष्‍टने विश्‍वास चेब सर्‌ मीयूने ङ्वजे अन्‍ज्‍य इच्‍छा अनुसार लोभ तन्‍देबे फेरि अन्‍ज्‍य लम्तेले होम्‍देबे कूबीय।