२ थेसलोनिकी 1:8 - घले नयाँ करार

⁸ परमेश्‍वरने अन्स्येबयूने मेस्‍ये ङीनजे प्रभु येशूजे सूगब खबर अम्‍मन्‍देबयूने ङूदे दण्ड पीन्क्‍य।

२ थेसलोनिकी 1:8 ပူးပေါင်းရင်းမြစ်များ

मत्ती 25:41

“होर्‌देङ्‍येदे ङूदे योन्देयोर् टूङब मीयूने यीय, ‘श्राप प्रेब मीयू! ङैट्‌यादे चीन्तङ् प्र, मेस्‍ये शैतान मेस्ये ङूजे दूतयूजे लागि तयर चीतेब कलङ्बेये अन्सीबब मीने प्र।

मत्ती 25:46

“होर्‌दे थमयूदे कलङ्बेये अन्‍जेनब सजाइ प्रेक्क्य, तर धर्मीयूब कलङ्बेये अन्सीबब जीयाने क्योबीय।”

यूहन्‍ना 3:19

दोष येर लादीय: ओथ्याङ् संसारने फ्‍योर जङ्‍क ख्यङ् होर्‌दे मीयूजे काम अन्‍ज्‍य क्‍यूरबदे थमयूदे ओथ्याङ् यली बूरू मून्‍दूङ् छेय।

यूहन्‍ना 8:19

थमयूदे ङूने लोत्‍दे, “नैजे प कने ख्यङ्?” येशूदे जवाफ पीन्‍दे, “नमयूदे ङैनेये अन्‍स्‍ये, पनेये अन्‍स्‍ये। नमयूदे ङैने स्‍ये यलो ङैजे पनेये स्‍ये ख्यङ्दे।”

मूल स्यूस्स्यायूजे कामजे किताब 6:7

परमेश्‍वरजे वचन थेप्थेप् फ्याइ, मेस्‍ये यरूशलेमने स्यूस्स्यायूजे संख्या सोरो कूम क्यूट्‍टदे। पूस्‍र्‌यायू नङ्जे कूमदे अम्ब विश्‍वासने ग्रहण चीत्‍दे।

रोमी 1:28

येर्‌बे थमयूदे परमेश्‍वरने तम्दम् पोने ठीक अन्‍थेदेबे परमेश्‍वरदे थमयूने चे अन्‍क्‍यूरब काम चेने अन्‍ज्‍य भस्‍त्व चेब सेम् क्‍यून्‍नूस्‍य यदेबे क्‍यापीदे।

रोमी 1:5

ङूजे मीन्‍जे लागि यहूदी तेब मीयू क्‍वादेने विश्‍वास चीत्‍देबे आज्ञा मन्‍देब चेजे लागि येशू ख्रीष्‍टने परमेश्‍वरदे ङीने मूल स्यूस्स्याजे काम चेब अनुग्रह पीन ख्यङ्।

रोमी 10:16

तर थमयू क्‍वादेने सूगब खबरने अम्मन्दे ख्यङ्। चेनेयलो अगमवक्ता यशैयादे यीय, “प्रभू, ङीदे स्‍य्‍वेब पोने सूदे विश्‍वास चेख्यङ्?”

रोमी 15:18

चेनेयलो, ङैदे यब पो मेस्‍ये चेब कामदे यहूदी देब मीयूने परमेश्‍वरजे आज्ञा मन्‍दीस्‍ये पीनने ख्रीष्‍ट येशूप्रे क्‍यूत्‍देबे ङैदे जती काम चीत्‍दे, हम्‍ब पोने क्यादेबे ङ सूजो पो क्‍यमने आँट अन्‍ची।

रोमी 16:26

तर जेम्‍से येतार्‌ने क्यून्‍नब परमेश्‍वरजे आज्ञा अनुसार अगमवक्तायूदे चेलाबे अम्बजे बारेने स्‍योम्मीक ख्यङ्। का-मुलुक नेयूजे यहूदी तेब मीयूदे प्रभुने विश्‍वास चीस्‍स्‍य मेस्‍ये ङूजे आज्ञा मन्‍दीस्य यदेबे अम्ब नङ्सूजे खबर का-मुलुकने प्रचार क्यूर ख्यङ्।

रोमी 6:16

नमयूने था त्‍वा? सूजे पो ङ्‍यीन्‍देबे काम फर्‌तीङ्‍रीय, ङूजेने नमयू त्वो-त्वोम क्‍यूक्‍क्‍य। पापजे त्वो-त्वोम क्‍यूत्‍देबे ङूजेने आज्ञा मन्‍दीय यलो नमयू सीबीय, तर परमेश्‍वरजे आज्ञा मन्‍दीदेयलो नमयू ङूजे खूम्ने धर्मी ठर्‌दीय।

१ कोरिन्थी 15:34

होस्ने ख, जेम्‍सेमेस्‍ये पाप अन्‍चील्‍लाची। चेनेयलो नमयू नङ्ने कोइदे परमेश्‍वरजे पोने अन्‍स्‍ये ख्यङ्, नमयूने त्‍वालाबे चेने ङैदे अम्‍ब पो य ख्यङ्।

२ कोरिन्थी 10:5

परमेश्‍वरजे ज्ञानजे विरुद्ध लङब च्‍य-फा क्‍यूस्‍से पीनब, मेस्‍ये त्वोत्देबे बाधा पीनब साप्‍ता पोयूने ङी नाश चीक्‍क्‍य, मेस्‍ये साप्‍ता थर्‌जे विचारयूने ख्रीष्‍टजे आज्ञा मन्‍दीस्ये पीनजे लागि काबूने रेक्‍क्य।

गलाती 3:1

मूर्ख गलातीयू, नमयूने सूदे होम्‍कदे? नमयूजे म्‍यादे तङ्लाबेने येशू ख्रीष्‍ट क्रूसने खील् ठोक्‍दीदेबे पील्‍कब पो चेलाबे स्‍योदे ख्‍य।

गलाती 4:8

खूम् कन्‍छ्वाब नमयूदे परमेश्‍वर‌ने अन्स्‍ये ख्‍य, हन्‍छ्वाब नमयू तम्दम्ने पूस्ते अन्क्यूरब सेयूजे त्वो-त्वोम ख्‍य।

१ थेसलोनिकी 4:5

तर परमेश्‍वरने अन्‍स्‍येब विश्‍वास अन्‍चेयूप्र वेश्य काम अन्‍चील्‍लाची।

हिब्रू 10:27

तर सोरो फत्‍या न्याय क्‍यूरब दिन मेस्‍ये ङूजे शत्रुयूने नाश चेब छीप्रे-प्रे प्‍ल्‍याङ्नब मीत्‍यामे रेन्‍नब क्‍यूक्‍क्‍य।

हिब्रू 10:30

चेनेयलो, “खी फाब काम ङैजे ख्यङ्, खी ङैदे फाय।” येरे यबने ङीनदे स्‍येख्यङ्, फेरि येरेये य ख्यङ् “परमप्रभुदे रङ्से मीयूजे न्याय चीक्‍क्‍य।”

हिब्रू 11:8

अब्राहामदे विश्‍वास चीत्‍देबे परमेश्‍वरजे आज्ञा मन्‍दीदे, मेस्‍ये परमेश्‍वरदे प्र यब नेतेले गीलीदे, हम्‍ब नेजे हक परमेश्‍वरदे ङूने ङ्‍येदे पीन्‍स्‍ये ख्‍य, होरेक्‍यूल्‍ली ङू कर्‌तेयोर्‌ प्रेन ख्‍य यब पो ङूने था त्‍वो।

हिब्रू 12:29

चेनेयलो तम्दम्ने ङीनजे परमेश्‍वरब भस्सम् चेब प्ल्याङ्नब मी ख्यङ्।

हिब्रू 2:3

येर सोरो केन् मूक्ति प्रेब पोने मतलब अन्‍चीत्‍देयलो ङीन केरे प्‍लीम्‍ब प्रेक्क्य स्‍व? अम्‍ब मुक्तिजे पो प्रभूदे खूम्‍ने स्‍योक्‍क ख्‍य। प्रभूजे वचन ङ्‍यीन्‍कबयूदे अम्‍ब तम्दम् ख्यङ् यदेबे ङीने पक्‍क चीम्‍मीदे।

हिब्रू 5:9

मेस्‍ये परमेश्‍वरदे ङूने सिद्ध चीम्‍मे ङ्‍येदे ङूजे आज्ञा मन्‍देब मीयू क्‍वाजे लागि येतार्‌ने क्यून्‍नब मुक्तिजे मूल ङू क्‍यूत्‍दे।

१ पत्रुस 1:2

येशू ख्रीष्‍टजे आज्ञा मन्‍देब मेस्‍ये ङूजे कादे शुद्ध क्‍यूरजे लागि पवित्र आत्‍मादे शुद्ध क्‍यूत्‍देबे परमेश्‍वर पदे रङ्सेजे इच्‍छा अनुसार रङ्से मी चेने सेलब मीयूने: अनुग्रह मेस्‍ये शान्ति बेस्से क्‍यूप्‍पीनूस्‍य।

१ पत्रुस 3:6

होरप्रने अब्राहामजे मज सारादेये चे ख्‍य। ङूदे अब्राहामने ङैजे नोबो यदेबे ङूजे आज्ञा मन्‍दे ख्‍य। कादेये नमयूदे चैपोनेये अम्‍फलाबे ज्‍य काम चीत्‍देयलो नमयू साराजे चीमीयू ठर्‌तीय।

१ पत्रुस 4:17

चेनेयलो परमेश्‍वरजे रङ्से मीयूदेमेस्‍ये न्याय शुरु क्‍यूरब बील फ्‍योर ख्यङ्, कादेये अम्‍ब न्याय ङीनदेमेस्‍ये सुरु क्‍यूक्‍क्‍य यलो परमेश्‍वरजे सूगब खबरने विश्‍वास अन्‍चेबयूजे झन् कर न्याय क्‍यूक्‍क्‍य?

२ पत्रुस 3:7

तर चूजो ख्यब मू मेस्ये पृथ्वीये मीने भस्सम् चीप्पेने परमेश्‍वरजे हम्‍ब वचनदेने जूक्‍तीदे येन्‍न ख्यङ्। परमेश्‍वर अम्‍मन्‍देब मीयूने दोष लैदीदेबे नाश अन्चीत्‍दासेमे मू मेस्ये पृथ्वी टूनेनीय।

यहूदा 1:7

होर्‌प्रने सदोम मेस्ये गमोरा सहरयू मेस्‍ये हम्‍बजे ती-छो ख्‍यब सहरयूजे मीयू वेश्य काम चीत्‍देबे नोङ्बीन ख्यङ्, थमयू कलङ्बेये अन्‍सीबलाबे प्‍ल्‍याङ्नब मीजे दण्ड भोक्‍तीदेबे नमूना क्यूर ख्यङ्।

प्रकाश 20:10

थमयूने धोका पीनब हम्‍ब शैतानने प्‍ल्‍याङ्नब गन्‍धकजे मीजे भोप्‍प्रोने छाबीदे, हम्‍ब रोला मेस्‍ये लूच्‍च अगमवक्ताये हम्‍ब नेने ख्‍य। थमयूदे हम्‍ब नेने नोमून् येतार्‌ने सकस् भोक्‍तीनीय।

प्रकाश 21:8

तर फैजङ्यू, विश्‍वास अन्‍चेबयू, ङ्येत्‍या क्‍यूरबयू, मी सेबयू, वेश्य काम चेबयू, ङा-थूक् चेबयू, मूर्ति पूजा चेबयू, मेस्‍ये लूच्‍च क्‍यमबयू क्‍वाने प्ल्याङ्नब मी प्रे गन्‍धकजे भोप्‍प्रोने छाबीय। अम्‍ब दोस्रो मृत्‍यू ख्यङ्।

प्रकाश 6:10

मेस्‍ये थमयूदे के केन् योन्‍देबे पार पूत्‍दे, “पात्‍ता केन् शक्ति ख्‍यब पवीत्र मेस्‍ये सत्य प्रभु, न कलङ्सेमे पृथ्‍वीने ख्‍यबयूजे न्याय अन्‍चील्‍लाबे टूङ? मेस्‍ये कलङ्सेमे ङीने सेबयूजे खी अम्फालाबे टूङ?”