२ थेसलोनिकी 1:7 - घले नयाँ करार

⁷ मेस्‍ये नम सकस् प्रेबयूने ङीयूप्रे आनन्द क्यूस्‍स्‍ये पीन्क्‍य। अम्‍ब हन्‍छ्वाब क्‍यूक्‍क्‍य, कन्‍छ्वाब प्रभु येशू रङ्सेजे शक्तिशाली स्वर्गदूतयूप्रे प्ल्याङ्नब मीने स्‍वर्गदे रब अम्‍ब टक्कने चीक्‍क्‍य।

२ थेसलोनिकी 1:7 ပူးပေါင်းရင်းမြစ်များ

मत्ती 16:27

चेनेयलो मीजे च रङ्से पजे महिमाने रङ्सेजे स्वर्गदूतयूप्रे रीय, मेस्‍ये हम्‍ब बीलने ङूदे मीयू क्‍वानेने रङ्से रङ्सेजे काम अनुसार इनाम पीन्क्य।

मत्ती 16:28

तम्दम्‍ने, ङ नमयूने यीय, अने ख्‍यब मीयू नङ्ने कोइदे मीजे चने रङ्सेजे राज्‍यने रेनब अन्‍तङ्दासेमे सीबस्‍ये त्‍वो।”

मत्ती 25:31

“कन्‍छ्वाब केन् महिमाने मीजे च रङ्से स्वर्गदूतयूप्रे रीय, हन्‍छ्वाब ङू मूरुम् टूङब सिंहासनने टूङ्क्‍य।

मत्ती 25:41

“होर्‌देङ्‍येदे ङूदे योन्देयोर् टूङब मीयूने यीय, ‘श्राप प्रेब मीयू! ङैट्‌यादे चीन्तङ् प्र, मेस्‍ये शैतान मेस्ये ङूजे दूतयूजे लागि तयर चीतेब कलङ्बेये अन्सीबब मीने प्र।

मत्ती 26:64

येशूदे ङूने यदे, “नदेने येन ख्यङ्, होरनेयली नमयूने ङ यीय, नङ्‍ग नमयूदे मीजे च सर्वशक्तिमान परमेश्‍वरजे स्येत्‍तेयोर् टूङ्देबे स्वर्गदे मूक्‍पने रेनब तङ्क्‍य।”

मर्कूस 14:62

येशूदे यदे, “अ, ङ ख्यङ्। त्‍याफे नमयूदे मीजे चने सर्वशक्तिमान परमेश्‍वरजे स्येत्‍तेयोर्‌ टूनब मेस्‍ये मूने ख्यब मूक्‍पयूप्रे रेनब तङ्‌क्‍य!”

मर्कूस 8:38

अम्‍ब पापी मेस्‍ये वेश्य पुस्ताने सूदे ङ मेस्‍ये ङैजे शिक्षाने त्‍वाय, मीजे चदेये पजे महिमा टेल्‍देबे पवित्र स्‍वर्गदूतयूप्रे रब ङूने रङ्से मी यने त्‍वाय।”

लूका 16:25

“तर अब्राहामदे यदे, ‘च, याद ची, नदे रङ्से जीयाने ज्‍य-ज्‍य पोयू भोक्‍दीदे, होरप्रने लाजरसदे छरङ्जे-छरङ् त्‍या भोक्‍दीदे। ङू जेम्से अने आरामने ख्यङ्, मेस्‍ये नदेब छरङ् प्रेन्‍न ख्यङ्।

लूका 17:30

“मीजे च रब दिनने येरप्रने क्यूक्क्य।

यूहन्‍ना 1:3

वचनदेने परमेश्‍वरदे साप्‍ता थोक‍ने बन्‍दीदे। साप्‍ता थोकने ङूदे बन्‍दीदे।

यूहन्‍ना 1:51

होर्‌दे ङूने यदे, “तम्दम्‍ने, ङ नने यीय, नमयूदे स्वर्ग पूक्‍‍येब मेस्‍ये परमेश्‍वरजे दूतयूने मीजे च ट्‌याने रेनब मेस्‍ये प्रेनब तङ्क्य।”

मूल स्यूस्स्यायूजे कामजे किताब 1:11

थमयूदे यदे, “गालीलजे मीयू, नमयू चेने मेर्‌देबे मूतेले लेन्‍न? अम्‍ब येशू, ङू नमयूजे ट्‌यादे स्वर्गने कूते ख्यङ्, चूजो केर्‌बे नमयूदे ङूने स्वर्गने गीलेब तङ्दे, होरप्रने ङू फेरि रीय।”

मूल स्यूस्स्यायूजे कामजे किताब 3:19

होरेक्‍यूत्‍देबे पश्‍चात्ताप चीत्‍देबे ल्‍वाख, नमयूजे पाप मेर्‌दीमीस्‍य, मेस्‍ये परमप्रभु नमयूप्रे वास चीत्‍देबे आनन्दजे दिन रस्‍य,

रोमी 8:17

कादेये ङीन ङूजे च-चीमी यीय यलो, परमेश्‍वरदे रङ्से मीजे लागि फूङ् चीत्‍देब असीजे हकये प्रेक्‍क्‍य। मेस्ये ख्रीष्‍टप्रेने गोसारी हक प्रेक्क्य। ङूजे दु:खने ङीन सामेल् क्यूक्‍क्य यलो ङूजे महिमानेये ङीनयू सामेल् क्‍यूक्‍क्‍य।

१ कोरिन्थी 3:13

मी क्‍वाजेने ज्‍यप्रे अन्‍ज्‍य काम परमेश्‍वरदे न्याय चेब दिनने जाँच‍दीय, चेनेयलो हम्‍ब दिनने थमयूदे चेब काम कर टूङ् यदेबे जाँच‍तेजे लागि मी-भोप्‍प्रोने पूत्‍देबे लेक्‍क्‍य।

२ कोरिन्थी 4:17

चेनेयलो ङीदे खात्‍या ङ्यूक्‍लीत्‍या प्रेब सकस्दे ङीने कलङ्बेये अन्‍जेनब पात्‍ता केन् महिमा तयार चीन्‍न ख्यङ्, अम्‍ब सकस्‍यली हम्‍ब महिमा केन् ख्यङ्।

एफिसी 1:2

ङीनजे प परमेश्‍वर मेस्‍ये प्रभु येशू ख्रीष्‍टदे नमयूने अनुग्रह मेस्‍ये शान्ति पीन्स्‍य।

कलस्सी 1:16

चेनेयलो ख्रीष्‍टप्रे क्‍यूत्‍देबे परमेश्‍वरदे स्वर्ग मेस्‍ये पृथ्वीने ख्‍यब साप्‍ता थोकयू, म्‍यादे तङ ख्‍वब मेस्ये तङ अङ्ख्‍वब थोकयू, या आत्‍माजे शक्तियू, मालिकयू, हुकुमयू मेस्‍ये हकयू सृष्‍टि चीत्‍दे। अम्‍ब टक्कने परमेश्‍वरदे ख्रीष्‍टप्रे क्‍यूत्‍देबे ख्रीष्‍टजे लागिने सृष्‍टि चीम्‍मीदे।

१ थेसलोनिकी 3:13

अम्बदे चीत्देबे ङूजे पवित्र मीयू क्‍वाप्रे ङीनजे प्रभु येशू ख्रीष्‍ट फेरि ल्‍वारब ङूदे ङीनजे परमेश्‍वर पजे खूम्ने नमयूजे सेम् पवित्र होर्‌दे चैये खोट् त्‍वब चेने बोङ् पीन्स्‍य।

२ तिमोथी 2:12

ङीनदे सैदीदेयलो, ङीनये येशूप्रेने राज्‍य चीक्क्य, ङीनदे ङूने स्वीकार अन्चीत्देयलो, ङूदेये ङीनने स्वीकार अन्ची।

तीतस 2:13

यरप्रने पात्‍ता केन् परमेश्‍वर मेस्‍ये ङीनने मुक्ति पीनब येशू ख्रीष्‍ट महिमाने रब दिनजे ङीन आशा चीन्‍न ख्यङ्।

हिब्रू 10:27

तर सोरो फत्‍या न्याय क्‍यूरब दिन मेस्‍ये ङूजे शत्रुयूने नाश चेब छीप्रे-प्रे प्‍ल्‍याङ्नब मीत्‍यामे रेन्‍नब क्‍यूक्‍क्‍य।

हिब्रू 12:29

चेनेयलो तम्दम्ने ङीनजे परमेश्‍वरब भस्सम् चेब प्ल्याङ्नब मी ख्यङ्।

हिब्रू 4:1

होरेक्‍यूत्‍देबे परमेश्‍वरजे गैन सङब नेने क्‍योब प्रेब कबुल ङीनप्रेये ख्यङ्, मेस्‍ये नमयू नङ्ने सूत्‍याये कबुल अनुसार‌ परमेश्‍वरजे गैन सङब नेने क्‍योब अम्‍प्रेन्‍ने यदेबे ङीन होस्स्यार क्‍यूत्‍देबे टूङे।

हिब्रू 4:11

येरेक्‍यूत्‍देबे ङीन हम्‍ब गैन सङब नेने क्‍योबने बोङ् चीदे, मेस्‍ये आज्ञा अम्मन्देब मीयूप्र सूये नाश अन्‍क्‍यूप्‍पस्‍य।

हिब्रू 4:9

येरेक्‍यूत्‍देबे परमेश्‍वरजे मीयूजे लागि अराम टूङब खास दिनजे गैन सङ पर्‌तेने लम ख्यङ्।

हिब्रू 9:28

होरप्रने ख्रीष्‍ट कूम मीजे पाप प्‍लेकेजे लागि त्याफे बलि क्‍यूत्‍दे। ङू फेरि दोस्रो पोलोने रीय। हन्छ्वाबब पाप प्‍लेने दी, तर ङूजे लम् लेन्‍नब मीयूजे उद्धार चेने ‍रीय।

१ पत्रुस 3:22

ङू स्वर्गने गीलीदेबे परमेश्‍वरजे स्येत्‍तेयोर्‌ देन् छ्‍यान ख्यङ्, होर्‌दे स्वर्गदूतयू, हुकुम चेबयू मेस्‍ये शक्तियू फ्‍याने ङूदे हुकुम चेख्यङ्।

२ पत्रुस 3:7

तर चूजो ख्यब मू मेस्ये पृथ्वीये मीने भस्सम् चीप्पेने परमेश्‍वरजे हम्‍ब वचनदेने जूक्‍तीदे येन्‍न ख्यङ्। परमेश्‍वर अम्‍मन्‍देब मीयूने दोष लैदीदेबे नाश अन्चीत्‍दासेमे मू मेस्ये पृथ्वी टूनेनीय।

यहूदा 1:7

होर्‌प्रने सदोम मेस्ये गमोरा सहरयू मेस्‍ये हम्‍बजे ती-छो ख्‍यब सहरयूजे मीयू वेश्य काम चीत्‍देबे नोङ्बीन ख्यङ्, थमयू कलङ्बेये अन्‍सीबलाबे प्‍ल्‍याङ्नब मीजे दण्ड भोक्‍तीदेबे नमूना क्यूर ख्यङ्।

प्रकाश 1:7

ले, ङू मूक्‍पप्रने रेन ख्यङ्, मेस्‍ये क्‍वाजे म्‍यादे ङूने तङ्क्‍य। सू-सूदे ङूने स्‍यूल्‍दे हम्‍बयूदेये ङूने तङ्क्‍य, मेस्‍ये ङू रब पृथ्‍वीजे मीयू क्‍वाने ङूजे लागि शोक् चीक्‍क्‍य। येरेने क्‍यूस्‍स्‍य। आमेन।

प्रकाश 14:10

ङूदेये परमेश्‍वरजे छीजे पीलने चैये अन्‍च्‍यूम्‍लाबे तयार चीदेबे परमेश्‍वरजे छीजे कडा ची थूङ्क्‍य, होर्‌दे पवित्र स्वर्गदूतयू मेस्‍ये थुमाजे खूम्‍ने प्‍ल्‍याङ्नब मी मेस्‍ये गन्‍धकने सकस् पीन्‍क्‍य।

प्रकाश 14:13

होर्‌दे स्वर्गदे रब येर के त्‍या ङैदे तदे, “अम्‍ब लिख्दी: जेम्सेमेस्‍ये प्रभुने विश्‍वास चीत्‍देबे सीबब मीयूदे असी प्रेक्‍क्‍य।” पवित्र आत्‍मादे य ख्यङ्, “अँ, थमयूदे रङ्से रङ्सेजे छेम्प्रेदे सम्च प्रे‍क्क्य, चेनेयलो थमयूदे चेब काम थमयूप्रे-प्रेने प्रीय।”

प्रकाश 20:11

होर्‌दे कर केन् सिंहासन त्‍या फ्‍याने देन् छ्‌यानबने ङैदे तङ्दे। ङूजे खूम्‍दे पृथ्‍वी मेस्‍ये मो छ्‍योङ्‍‍गी, तर थमयूजे लागि ने केनेये अम्प्रे।

प्रकाश 21:4

होर्‌दे परमेश्‍वरदे थमयूजे म्‍याने ख्‍यब म्‍यामू क्वाने फील्‍मीय, मेस्‍ये हैयाने सीब पर्‌दीस्‍ये त्‍वो, शोक् मेस्‍ये दु:खये क्‍यूस्‍स्ये त्‍वो। चेनेयलो ङीङ् पोयू मले-जेङ्‍क ख्यङ्।”

प्रकाश 22:16

“ङ येशूदे मण्डलीयूजे लागि अम्‍ब गवाही पीनने ङैजे दूत नै-ट्‌याने कूल्‍बे ख्यङ्। ङ दाऊद मूरूम्जे मूल मेस्ये छगूम्-पूर्‌गूम् ख्यङ्, ङ, चकिलो प्‍ल्‍याङब नप्‍मून्‍जे कर्‌चेन् ख्यङ्।”

प्रकाश 22:6

होर्‌दे स्वर्गदूतदे ङैने यदे, “अम्‍ब वचन भर्‌पर्‌तेब मेस्‍ये सत्‍य ख्यङ्। जेम्से अगमवक्तायूने रङ्से आत्‍मा पीनब परम्प्रभु परमेश्‍वरदे छ्‍योट्‍टोने क्यूट्‍टब पोयू रङ्से त्वो-त्वोमयूने तनजे लागि रङ्से स्वर्गदूत कूल्‍बीदे।”

प्रकाश 22:9

तर ङूदे ङैने यदे, “नदे येरे चे अन्‍क्‍यूर्‌। न मेस्‍ये अगमवाणी क्‍यमब नैजे अत-च्योन्‌यू होर्‌दे अम्‍ब किताबजे वचन मन्‍देबयूप्रेप्रेजे ङैये परमेश्‍वरजे त्वो त्‍यामे ख्यङ्। परमेश्‍वरने स्‍यूव पीन्!”

प्रकाश 6:11

थमयू क्‍वानेने कोला कर्‌ त्‍या-त्‍या पीन ख्य, थमयूप्रे-प्रे काम फरबयू मेस्‍ये अत-अची च्योन्‌यूये थमयूप्रने सेक्‍क पर्‌तेब संख्या पूरा अन्‍क्‍यूत्‍दासेमे खात्‍यात्‍या गैन-सङ् यदेबे थमयूने यदे।