२ थेसलोनिकी 1:6 - घले नयाँ करार

⁶ परमेश्‍वर न्याय चेब ख्यङ्, नमयूने छरङ् पीनबयूने ङूदे छरङ् पीन्क्‍य,

२ थेसलोनिकी 1:6 ပူးပေါင်းရင်းမြစ်များ

कलस्सी 3:25

सूदे अन्ज्‍य काम चीक्‍क्‍य हम्‍बजे फल ङूदेने प्रेक्‍क्‍य। अम्‍ब कामने परमेश्‍वरदे सूनेये साक्पूजा अन्‍ची।

हिब्रू 6:10

परमेश्‍वरदे अन्‍न्याय अन्ची, मेस्ये ङूजे लागि नमयूदे चेब काम मेस्‍ये ङूजे मीयूने माया चेब पो परमेश्‍वरदे कलङ्बेये अन्-येल्। येरप्र काम नमयूदे दीनीये चीन्‍न ख्यङ्।

प्रकाश 11:18

जात जातजे मीयू सोरो छी-लङ्दे, तर नैजे छी थमयू फ्‍याने तन्‍दे। सीयेब मीयूजे न्याय चेब बील रदे, नैजे त्वो अगमवक्तायू, परमेश्‍वरजे पवित्र मीयू मेस्‍ये परमेश्‍वरने गेसेन् चेब केन्-चीद मीयूने इनाम पीनब बील, मेस्‍ये पृथ्‍वी नोङबयूने नाश चेब बील रदे।”

प्रकाश 15:4

ओ परमप्रभु नैप्रे मी-क्‍वाने फ ख्यङ्। होर्‌दे नैजे मीन्‍ने मी-क्‍वादेने महिमा चे ख्यङ्। चेनेयलो नत्‍यामे पवित्र ख्यङ्। जात-जातजे मीयू क्‍वाने रदेबे नने पूस्‍तीय, चेनेयलो नैजे ज्‍य न्याय चेब काम टक्कदेने तङ ख्यङ्।”

प्रकाश 18:20

स्वर्गने टूङबयू क्‍वाने सूग्, चेनेयलो परमेश्‍वरदे हम्‍ब सहरजे नाश चे ख्यङ्! परमेश्‍वरजे पवित्र मीयू, मूल स्यूस्स्यायू मेस्‍ये अगमवक्तायू, नमयू फ्‍याने चेब अन्-न्यायजे लागि परमेश्‍वरदे ङूने दण्ड पीन ख्यङ्।”

प्रकाश 18:24

बेबिलोनदे दण्ड प्रे ख्यङ्, चेनेयलो अगमवक्तायू, परमेश्‍वरजे पवित्र मीयू मेस्‍ये पृथ्‍वीने सेक्‍कब मीयू क्‍वाजे का हम्‍ब सहरजे लम्‌यू भरीने ख्य।”

प्रकाश 19:2

चेनेयलो ङूदे चेब न्याय सत्य मेस्‍ये ठीक ख्यङ्। रङ्सेजे वेश्य कामदे पृथ्‍वीजे मीयू क्‍वानेने नोङ्बेब हम्‍ब पात्‍ता केन् वेश्यने परमेश्‍वरदे दण्ड पीन ख्यङ्, मेस्‍ये परमेश्‍वरजे त्वो-त्वोमयू सेबजे खी फाक ख्यङ्।”

प्रकाश 6:10

मेस्‍ये थमयूदे के केन् योन्‍देबे पार पूत्‍दे, “पात्‍ता केन् शक्ति ख्‍यब पवीत्र मेस्‍ये सत्य प्रभु, न कलङ्सेमे पृथ्‍वीने ख्‍यबयूजे न्याय अन्‍चील्‍लाबे टूङ? मेस्‍ये कलङ्सेमे ङीने सेबयूजे खी अम्फालाबे टूङ?”