२ थेसलोनिकी 1:5 - घले नयाँ करार

⁵ परमेश्‍वरजे धार्मिक न्यायजे साक्षी अम्‍बने ख्यङ्, यी नमयू परमेश्‍वरजे राज्‍यजे लागि लायक‍जे क्यूर खूस्‍य हम्‍बजे लागि नमयू छरङ् भोक्‍तीन ख्यङ्।

२ थेसलोनिकी 1:5 ပူးပေါင်းရင်းမြစ်များ

लूका 20:35

तर हम्‍ब जूग्‍सेमे फ्‍योब लायकजे मीयूदे, मेस्‍ये सीबदे सोम्‍बो क्यूत्देबे लङ्‍रब लायक क्‍यूरबयूदे ङ्येन्‌ये अन्‍ची, चीस्‍सेये अम्पीन्।

लूका 21:36

तर रमैब अम्‍ब पोयू क्वाप्रेने बच्‍दीदे छ्‌योङ्बजे लागि मेस्‍ये मीजे चजे खूम्‍दे मेर खूस्‍य यदेबे येतार्‌ने प्रार्थना चीत्‍देबे चङ्‍ख क्‍यूर्‌।”

मूल स्यूस्स्यायूजे कामजे किताब 13:46

तर पावल मेस्‍ये बारनाबासदे सेम् केन् चीत्‍देबे यदे, “परमेश्‍वरजे वचन पात्‍ता खूम् नमयूने स्‍य्‍वे पर्‌दे ख्‍य। तर नमयू अम्‍ब पो ङ्यीन्तीङ् अन्‍र। नमयूदे अम्बने अम्मेन्दीदेबे रङ्सेदेने कलङ्बेये अन्सीबब जीयाजे लागि लायकजे त्वब ठर्‌दीपीदे। होरेक्यूत्देबे जेम्से ङी यहूदी तेब मीयूट्‌याने प्रीय।

मूल स्यूस्स्यायूजे कामजे किताब 14:22

स्यूस्स्यायूजे विश्‍वासने बोल्यो क्‍यूस्‍स्‍य यदेबे अर्ती पीन्‍दे, मेस्‍ये कूम सकस् सैदीदेबे ङीन परमेश्‍वरजे राज्‍यने क्‍योब पर्‌दीय यदेबे थमयूने लोम्‍मीदे।

रोमी 2:5

तर नमयूजे सेम्ने कोङ मेस्ये पश्‍चात्ताप अन्चील्लाबे ज्‍य लम्‍ने प्रतीङ् अन्ड ख्यङ्। येरेक्यूत्देबे नमयूदे छीजे दिनने झन् केन् दण्ड प्रेक्क्य, हम्ब दिनने परमेश्‍वर ठीक न्याय चेने रीय।

रोमी 8:17

कादेये ङीन ङूजे च-चीमी यीय यलो, परमेश्‍वरदे रङ्से मीजे लागि फूङ् चीत्‍देब असीजे हकये प्रेक्‍क्‍य। मेस्ये ख्रीष्‍टप्रेने गोसारी हक प्रेक्क्य। ङूजे दु:खने ङीन सामेल् क्यूक्‍क्य यलो ङूजे महिमानेये ङीनयू सामेल् क्‍यूक्‍क्‍य।

एफिसी 4:1

ङ प्रभुजे लागि झ्यालखान‍ने टूङब कैदी त्‍या ख्यङ्, नमयूने बिन्ती चीक्‍क्‍य, यी प्रभुदे चेकामजे लागि नमयूने क्‍व ख्यङ् हम्‍ब मफीजे जीया च।

फिलिप्पी 1:28

नमयूजे विरोध चेबयूप्रे चैपोनेये अम्‍फलाची। थमयूजे लागि अम्‍ब नाश क्यूप्पब च्‍यूनू ख्यङ्, तर नमयूजे लागि अम्‍ब उद्धार प्रेबजे च्‍यूनू ख्यङ् हम्‍ब मुक्ति ब परमेश्‍वरदे पीन्‍क्‍य।

कलस्सी 1:12

ओथ्याङ्जे राज्‍यने परमेश्‍वरजे पवित्र मीयूदे प्रेब हक ङीनयूनेये प्रे ख्‍व चीम्‍मेब पने सूग्‍देबे धन्‍यवाद पीने।

१ थेसलोनिकी 2:14

अत-अची च्योन्‌यू, ख्रीष्‍ट येशूने यहूदियाने ख्‍यब परमेश्‍वरजे मण्‍डलीयूजे केथाब नमयू क्‍यूत्‍दे, चेनेयलो रङ्से देशजे अत-च्योन्‌यूदे नमयूने केर्‌बे छरङ् पीन्‍दे, होरप्रने छरङ् थमयूने यहूदीयूदे भोक्‍तीसे पीन्दे।

२ थेसलोनिकी 1:11

अम्‍बकारणदे ङीन्जे परमेश्‍वरदे नमयूने ङूदे क्व अनुसारजे लायकजे जीया चस्‍य, होर्‌दे ङूजे शक्तिदे साप्‍ता ज्य उदेश्य मेस्ये विश्‍वासजे काम पूरा चीम्‍मीस्‍य यदेबे ङी नमयू क्‍वाजे लागि येतार्‌ने प्रार्थना चीन्‍न ख्यङ्।

२ तिमोथी 2:12

ङीनदे सैदीदेयलो, ङीनये येशूप्रेने राज्‍य चीक्क्य, ङीनदे ङूने स्वीकार अन्चीत्देयलो, ङूदेये ङीनने स्वीकार अन्ची।

प्रकाश 15:4

ओ परमप्रभु नैप्रे मी-क्‍वाने फ ख्यङ्। होर्‌दे नैजे मीन्‍ने मी-क्‍वादेने महिमा चे ख्यङ्। चेनेयलो नत्‍यामे पवित्र ख्यङ्। जात-जातजे मीयू क्‍वाने रदेबे नने पूस्‍तीय, चेनेयलो नैजे ज्‍य न्याय चेब काम टक्कदेने तङ ख्यङ्।”

प्रकाश 16:7

होर्‌दे “परमप्रभु परमेश्‍वर पात्‍ता केन् ख्यङ्, नदे चेब न्याय ठीक, मेस्‍ये सत्य ख्यङ्।” यब के त्‍या चाक्‍क्‍यादे योङ्‍रब ङैदे तदे।

प्रकाश 19:2

चेनेयलो ङूदे चेब न्याय सत्य मेस्‍ये ठीक ख्यङ्। रङ्सेजे वेश्य कामदे पृथ्‍वीजे मीयू क्‍वानेने नोङ्बेब हम्‍ब पात्‍ता केन् वेश्यने परमेश्‍वरदे दण्ड पीन ख्यङ्, मेस्‍ये परमेश्‍वरजे त्वो-त्वोमयू सेबजे खी फाक ख्यङ्।”

प्रकाश 3:4

तर सार्डिसने कोइ मीयू ख्यङ्, हम्‍ब मीयूदे रङ्से कोलाने चैये दाग क्‍यूस्‍स्ये अम्‍पीन ख्यङ्। थमयू ङैप्रे कोला कर होत्‍देबे प्रीय, चेनेयलो थमयू अम्‍ब येरे चेब लायकजे ख्यङ्।