२ थेसलोनिकी 1:4 - घले नयाँ करार

⁴ येरप्रने नमयूजे सतनम् मेस्‍ये छरङ् सैदे ख्‍वब बोङ् मेस्‍ये विश्‍वासजे बारेने ङी परमेश्‍वर ख्रीष्‍टजे मण्डलीयू नङ्ने केन् क्‍यूत्‍देबे क्‍यम खूइय।

२ थेसलोनिकी 1:4 ပူးပေါင်းရင်းမြစ်များ

रोमी 12:12

नमयूदे आशा चीन्‍नब सेने सूग, सकस् पर्‌दीरब सैदी, मेस्‍ये येतार्‌ने प्रार्थना चीन्‍नू।

रोमी 2:7

धेरेन् क्यूत्देबे मीने ज्‍य चीम्मेब कामने ला-दीनूदेबे सूदे महिमा, इज्जत मेस्‍ये कलङ्बेये अन्सीबब जीया मल्‍क्‍य, परमेश्‍वरदे हम्‍बने कलङ्बेये अन्जेनब जीया पीन्‍क्‍य।

रोमी 8:25

तर कादेये ङीनदे अन्तङब सेजे आशा चीक्‍क्‍य यलो, ङीन धेरेन् चीत्‍देबे हम्‍ब रेन्‍नीय।

१ कोरिन्थी 7:17

प्रभुदे क्‍वानेने कर खल्‍जे जीया चजे लागि खेर्‌तीयेख्‍य हम्‍ब जीयाने टूनू मेस्‍ये कर खल्‍जे जीया चेन बीलने कोदे, हम्‍ब अनुसारने हम्‍ब मीदे जीया चस्‍य। मण्डलीयू क्‍वाजे लागि ङैदे लोम्‍मेब पो अम्‍बने ख्यङ्।

२ कोरिन्थी 12:10

येरेक्‍यूत्‍देबे ख्रीष्‍टजे लागि बोङ् त्‍व क्‍यूप्‍प, मीयूदे न पूप्‍प, सकस्यू पर्‌तीब, सतनम्‌यूने पर्‌तीब, आपद्‍यूने पर्‌तीब ङ सूग्‍क्‍य। चेनेयलो कन्‍छ्वाब ङ बोङ् त्‍वब क्‍यूक्‍क्‍य, हन्‍छ्वाब ङ थेप् बोल्यो क्‍यूक्‍क्‍य।

२ कोरिन्थी 7:14

चेनेयलो नमयूजे पो स्‍योत्‍देबे तीतसजे खूम्‍ने ङ केन् त्‍वोक्‍कलीने, हम्‍ब पोने नमयूदे चीत्‍देबे ङ त्‍वा अम्‍पर्‌ती। तर ङीयूदे नमयूने यब साप्‍ता पो केर्‌बे तम्दम् ख्‍य, होर्‌बेने तीतसजे खूम्‍ने ङीदे केन् त्‍वेब पोये तम्दम् ठर्‌तीक ख्यङ्।

२ कोरिन्थी 7:4

ङैदे नमयू फ्‍याने सोरो भर्‌परते ख्यङ्। नमयूदे चीत्‍देबे ङ केन् त्‍वे प्रेख्यङ्। नमयूदे ङैजे सेम्‍ने कूम सान्त्वना पीन ख्यङ्। ङीदे कूम सकस्यू प्रेप्‍प ङैजे सेम् सोरो सूग ख्यङ्।

२ कोरिन्थी 9:2

चेनेयलो पीनजे लागि नमयू जोसीलो क्‍यून्‍नब पो ङैने था ख्यङ्। वर्षत्‍या खूम्मेस्‍ये अखैयाने ख्‍यबयूदे पीनने छ्‌योन्‍न ख्यङ् यदेबे ङैदे नमयूजे पो माकेडोनियाजे मीयू खूम्‍ने केन् त्‍वोत्‍देबे य ख्‍य, नमयूजे पीन्‍तीङ्‍रेनब जोस्‍दे थमयू नङ्ने कूम मीयूने पीनजे लागि जोसीलो चीम्‍मे ख्यङ्।

२ कोरिन्थी 9:4

कादेये माकेडोनियाजे कोइ मीयू ङैप्रे रब, पीनजे लागि नमयू तयार त्‍व तङ्देयलो ङी त्‍वा पर्‌तेत्‍या क्‍यूक्‍क्‍य, मेस्‍ये नमयूनेये त्‍वा पर्‌तेत्‍या क्‍यूक्‍क्‍य, चेनेयलो ङीदे नमयू फ्‍याने सोरो कूम भर्‌चे ख्‍य।

१ थेसलोनिकी 1:3

ङीनजे परमेश्‍वर पजे खूम्‍ने प्रभु येशू ख्रीष्‍टने क्‍यूत्‍देबे विश्‍वासने नमयूदे चेब काम, प्रेमदे चेब छेम्‍प्रे होर्‌दे आशा चीत्‍देबे धेरेन् क्‍यून्‍नब येतार्‌ने ह्‍वेचीन्‍न ख्यङ्।

१ थेसलोनिकी 2:14

अत-अची च्योन्‌यू, ख्रीष्‍ट येशूने यहूदियाने ख्‍यब परमेश्‍वरजे मण्‍डलीयूजे केथाब नमयू क्‍यूत्‍दे, चेनेयलो रङ्से देशजे अत-च्योन्‌यूदे नमयूने केर्‌बे छरङ् पीन्‍दे, होरप्रने छरङ् थमयूने यहूदीयूदे भोक्‍तीसे पीन्दे।

१ थेसलोनिकी 2:19

कन्‍छ्वाब ङीनजे प्रभु येशू रीय, हन्‍छ्वाब ङूजे खूम्‍ने ङीनजे आशा या सूगब या गेसेन्जे मुकुट चने यली नमयूने ते स्व?

२ थेसलोनिकी 3:5

परमेश्‍वरजे प्रेम मेस्ये ख्रीष्‍ट ट्‍यादे रब सैदीन ख्वब शक्ति क्व खूस्य यदेबे प्रभुदे नमयूने लम् तम्‍मीस्‍य।

हिब्रू 10:36

परमेश्‍वरजे इच्‍छा पूरा चेने मेस्‍ये ङूदे चीक्‍कब कबुल अनुसारजे इनाम प्रेजे लागि नमयू धेरेन् क्‍यूत्‍देबे टूङ पर्‌ते ख्यङ्।

हिब्रू 6:12

नमयू सोरो म्‍यास्‍सी क्‍यून्‍नब ङीने सेम् अम्‍पर्‌ती, तर सूदे विश्‍वास चीत्‍दे मेस्‍ये धेरेन् क्‍यूत्‍देबे कबुल चीतेब सेयू प्रेत्‍दे, हम्‍ब मीयूदे चेप्रने नमयूदेये चीदो।

हिब्रू 6:15

येरे धेरेन् क्‍यूत्‍देबे अब्राहामदे रेन्‍दे मेस्ये परमेश्‍वरदे चेब कबुल अनुसार ङूदे प्रेत्‍दे।

याकूब 5:11

ले, धेरेन् क्‍यून्‍नब मीयूने ङी असी प्रेबयू यीय। अय्‍यूबदे केरे धेरेन् टूङ खूदे यब पो नमयूदे त ख्यङ्, मेस्‍ये सोरो दया चेब होर्‌दे सोरो माया चेब प्रभू ख्यङ् यदेबे नमयूदे प्रभूजे इच्‍छाये तङ ख्यङ्।

२ पत्रुस 1:6

ज्ञानने रङ्सेदे रङ्सेने कबूने येनब, रङ्सेदे रङ्सेने कबूने येनब पोने धेरेन्, धेरेन्‍ने परमेश्‍वरजे डर येब पो,

प्रकाश 14:12

परमेश्‍वरजे आज्ञायू मन्‍देब मेस्‍ये येशूने विश्‍वास चेब परमेश्‍वरजे पवित्र मीयूदे धेरेन् क्‍यूत्‍देबे टूङ पर्‌दीय यब पो अम्‍ब ख्यङ्।