२ पत्रुस 3:9 - घले नयाँ करार

⁹ रङ्सेदे चेब कबुल पूरा चेने प्रभु ग-ख्यङ् यदेबे कोइ-कोइदे मन्‍लीने प्रभुदे गलाबे अन्‍ची, तर सूत्‍याये नाश अन्क्यूस्स्य, मेस्‍ये मी-क्‍वादेने पश्चात्ताप चीस्‍स्‍य यब सेम् क्‍यूत्‍देबे नमयूजे लागि प्रभु धेरेन् चीत्‍देबे टून ख्यङ्।

२ पत्रुस 3:9 ပူးပေါင်းရင်းမြစ်များ

रोमी 13:11

अम्‍ब यली दिन्‍नजेसेमे कर ख्यङ् यब पो नमयूने था ख्यङ्, जेम्से ङ्यूम्-‍म्‍यादे थेल्‍लब ठीक बील फ्‍योर ख्यङ्, चेनेयलो ङीनदे खूम विश्‍वास चेयली झन् ङीन्‍जे मुक्तिजे दिन ट्‌याने फ्‍योर ख्यङ्।

रोमी 13:12

मून् कूम गीली, जेम्‍से म्‍या तङ्‍र ख्यङ्। येरेक्‍यूत्‍देबे मून्दूङ्ने चेब अन्‍ज्‍य काम क्‍यापीदेबे ङीन ओथ्याङ्जे लास्या टेले।

रोमी 2:4

या परमेश्‍वरजे कृपादे नने पश्‍चात्ताप चीत्‍देबे ज्‍य लम्‍ने स्‍योल्‍क्‍य यब पो था अम्‍प्रेत्‍देबे, नदे परमेश्‍वरजे दया, सैदीन ख्‍वब बोङ्ने, अन्-आ‍तीलाबे रेन्‍न ख्‍वाब बोङ्ने चैकम्दे मनऔ?

रोमी 9:22

कादेये होरप्रने परमेश्‍वरदे रङ्से छी फैनने मेस्‍ये रङ्से बोङ् तेन्‍देबे नाश चेने तयार चीतेब दुष्‍ट मीयूजे लागि सोरो धेरेन् क्‍यूत्‍देबे सैदीन ख्यङ् यलो, च क्‍यूत्‍दे स्‍व?

१ तिमोथी 1:16

तर अम्‍ब कारणदेने ङूदे ङैने कृपा चीत्‍दे। ङप्र पात्‍ता मूख्या पापीनेये येशू ख्रीष्‍टदे पूरा धेरेन् तनने ङूदे ङैने नमूना बन्‍तीदे। ङैदे येशू ख्रीष्‍ट फ्याने विश्‍वास चीत्‍देबे कलङ्बेये अन्सीबब जीया प्रेयूजे लागि ङ नमूना त्याक्‍यूर खूस्‍य।

१ तिमोथी 2:4

मीयू क्‍वादेने मुक्ति प्रेस्‍स्‍य मेस्‍ये थमयूदे तम्दम्‍जे ज्ञान क्‍व खूस्‍य यदेबे परमेश्‍वरदे सेम् चे ख्यङ्।

हिब्रू 10:37

चेनेयलो धर्मशास्‍त्रने लिख्दीये ख्यङ्, “जेम्से खात्याने रपर्‌तेब रने रीय, मेस्‍ये ङू गस्‍ये त्‍वो।

१ पत्रुस 3:20

हम्‍ब आत्‍मायूब तोङ्बोजूग्‍ने परमेश्‍वरजे आज्ञा अम्‍मन्‍देबयू ख्य। नोआदे क्‍यू जहाज बन्‍देब बीलने परमेश्‍वर हम्ब आत्मायूप्रे धेरेन् क्‍यूत्‍देबे रेन्‍न ख्‍य। हम्‍ब क्यू जहाजने मी-येत्-त्‍यामे परमेश्‍वरदे क्‍यूदे बच्‍दीमीदे।

२ पत्रुस 1:4

येरेक्‍यूत्‍देबे ङूदे ङीनने पात्‍ता केन् मेस्‍ये सोरो ज्‍य कबुल पीने ख्यङ्, चेनेयलो अम्‍ब संसारजे अन्ज्य इच्छायूदे चीत्‍देबे योङ्‍रब अन्‍ज्‍य विचारयू क्यापीदेबे नमयू परमेश्‍वरजे स्वभाव टेल्देबे जीया च।

२ पत्रुस 3:15

ङीन प्रभुजे धीरेनदे मुक्तिजे लागि मीयूने मौका पीन ख्यङ् मन्। ङीनजे छेब च्‍योन् पावलदेये परमेश्‍वरदे ङूने पीनेब बुद्धि अनुसार अम्‍ब पो नमयूने लिख्दीदे।

प्रकाश 2:21

ङैदे हम्‍ब मदीने पश्चात्ताप चेब मौका पीन्‍दे, तर हम्‍ब मदीदे वेश्य काम क्‍यादेबे पश्चात्ताप चे अन्ङ्‍यीन्।