२ पत्रुस 3:17 - घले नयाँ करार

¹⁷ येरेक्‍यूत्‍देबे छेब ख्योन्‌यू, अम्‍ब पो खूम्‍ने चेलाबे कोदेबे होस्स्यार क्‍यूरो। दुष्‍ट मीयूजे लूच्‍च पोयूने तीप्‍लीङ्-छोप्‍लीङ् क्‍यूत्‍देबे रङ्सेदे चीन्‍नब बोल्यो विश्‍वासने अन्क्यापीलाची।

२ पत्रुस 3:17 ပူးပေါင်းရင်းမြစ်များ

मत्ती 16:11

ङैदे नमयूने क्‍यङ्जे बारेने येन दी यदेबे नमयूदे चेन क्‍व अङ्ख्‍व? तर फरिसीप्रे सदुकीयूजे क्‍यङ् पूलाबे चेब खमिरप्रे होस्स्यार क्‍यूर्।”

मत्ती 16:6

येशूदे थमयूने “सेम् पीन्‍देबे ले, फरिसी मेस्‍ये सदुकीयूजे खमिरप्रे होस्स्यार क्‍यूर् यदे।”

मत्ती 7:15

“लूच्‍च अगमवक्तायूप्रे होस्स्यार क्‍यूर्, हम्‍ब नमयू ट्‌याने स्वान्‌‍प्र क्‍यूत्‍देबे रीय, तर नङ्ब च्‍यूङ्‍कूप्र फत्‍या क्‍यूक्क्‍य।

यूहन्‍ना 16:4

तर अम्‍ब पो ङैदे नमयूने स्‍य्‍वे ख्यङ्, कन्‍छ्वाब हम्‍ब सेमे रीय, हन्‍छ्वाब नमयूने च येये ख्‍य हम्‍ब नमयूदे ह्‍वेरीय, मीयूङ् खूम्‍ने ङैदे अम्‍ब पो नमयूने अन्‌-य, चेनेयलो ङ नमयूप्रे ख्‍य।

मूल स्यूस्स्यायूजे कामजे किताब 2:42

थमयू मूल स्यूस्स्यायूजे शिक्षा, सङ्गति चेब मेस्‍ये प्रे-क्‍यङ् क्‍योत्‍देबे चब भात्यार्‌जे प्रार्थनाने येतारने लादीन ख्‍य।

रोमी 16:18

चेनेयलो येर मीयूदे ख्रीष्‍ट ङीन प्रभुजे दी, तर रङ्से ख्‍वाजेजे सेवा चीक्‍क्‍य। सोरो खेत्‍दे क्‍यम्‍क्‍य मेस्‍ये च्‍यूप्‍ल्‍या चीत्‍देबे सोझो मीयूने भड्कैदीय।

१ कोरिन्थी 10:12

येरेक्‍यूत्‍देबे सूदे ङ चेलाबे मेर्‌न ख्यङ् यदेबे मन्‍क्‍य, हम्‍ब होस्स्यार क्यूस्स्य, नत्र हम्‍ब क्‍यर्‌बीय।

१ कोरिन्थी 15:58

येरेक्‍यूत्‍देबे ङैजे छेब अत च्योनयू, सेम् केन् चीत्‍देबे ढल्मल् अन्‍क्‍यूल्‍लाबे टूङ्। प्रभुजे कामने येतार्‌ने सेम् पीन्‍देबे फर्‌नू, चेनेयलो प्रभुजे कामने चेब छेम्‍प्रे सीत्‍तीने खेर अम्‍प्र यदेबे नमयूदे स्‍ये ख्यङ्।

२ कोरिन्थी 11:3

तर र्‌वेदे केरे लूच्‍च चीत्‍देबे हव्वाने छेल्‍लीपीदे, होरप्रने नमयूजे चैये छल् त्‍वब सेम् मेस्‍ये चोखो क्‍यूत्‍देबे ख्रीष्‍टने पूस्‍तेब ज्‍य सेम्‍नेये तीप्‍लीङ् छोप्‍लीङ् चीप्‍पीई च यदेबे ङ सोरो फैन ख्यङ्।

गलाती 5:4

नमयू, सू मोशाजे नियम मन्‍दीदेबे धर्मी ठर्‌दे मैय, हम्‍बयू क्‍वाने ख्रीष्‍टप्रे आलाक् क्‍यूरे ख्यङ्। परमेश्‍वरजे अनुग्रहट्‍यादे हम्‍बयू चीन्‍तङ् क्‍यूरे ख्यङ्।

एफिसी 4:14

होर्‌दे छट्‍टू मीजे पीरीपीरीजे शिक्षाजे छल्दे कने प्‍लेके होनेने कूबब चीद-चीद पीचयूप्र ङीन अन्‍क्यूल्‍लाचीदे। थमयूदे योनब ठग शिक्षादे सूजो मीयूने अन्‍ज्‍य लम्‍तेले कूबीय।

फिलिप्पी 3:2

क्‍योयूजेप्र व्यवहार तनब मीयू, अन्‍ज्‍य काम फरब मीयूप्रे मेस्‍ये खतना चेब मीयूप्रे होस्स्यार क्‍यूत्‍देबे टूङ्।

कलस्सी 2:5

चेनेयलो नमयूप्रे ङैजे ङ्व चीन्‍तङ् ख्यङ्लीने ङैजे आत्माब नमयूप्रेने ख्यङ्, नमयू क्‍वाने थून्‍देबे टूनब मेस्‍ये नमयूदे ख्रीष्‍टने चेब विश्‍वास सोरो बोल्यो क्‍यून्‍नब पो तदेबे ङ सूग ख्यङ्।

कलस्सी 2:8

नमयू चङ्‍ख क्‍यूत्‍देबे टूङ्, नत्रलो मीयूजे ज्ञान बुद्धि मेस्‍ये चैये अर्थ त्‍वब लूच्‍च पोदे नमयू होम्‍कने। येर पोयू ख्रीष्‍टजे दी, तर मीयूदे चेब पेयूदे मेस्ये संसारजे शिक्षायूदे रब ख्यङ्।

२ तिमोथी 4:15

ङीनदे स्‍य्‍वेब पोने ङूदे सोरो विरोध चेख्यङ्, होरेक्‍यूत्‍देबे नमयूये ङूप्रे चङ्‍ख क्‍यूत्‍देबे टूङ्।

हिब्रू 3:14

कादेये ङीनदे चेब हम्‍ब खूम्जे विश्‍‍वास आखिरीसेमे बोङ्बे चूङ्नूदेयलो, ख्रीष्‍टदे प्रेब हकने ङीनये सामेल् क्‍यूर प्रेक्‍क्‍य।

१ पत्रुस 5:9

विश्‍वासने बोल्यो क्‍यूत्‍देबे शैतानजे विरुद्ध ची चेनेयलो संसारभरीने नमयूजे अत-अची च्योन्‌यूदेये येरप्र सकस् भोक्‍तीदे प्रेन ख्यङ्।

२ पत्रुस 2:7

दुष्‍टयूदे चेब अन्‍ज्‍य काम तङ्देबे सोरो सेम् ठ्व धर्मी लोतने परमेश्‍वरदे जूक्‍दीमीदे।

२ पत्रुस 3:1

ङैजे छेब ख्योन्‌यू, अम्‍ब दोस्रो चिट्ठी ङैदे नमयूने लिख्दीन ख्यङ्, मेस्‍ये अम्‍ब चिट्ठी ह्ङीने थेप्प्र पोयूजे ह्‍वेरलाबे चीत्देबे नमयूजे ज्‍य सेम्‍ने बोल्यो चीम्‍मे ख्यङ्,

प्रकाश 2:5

येरेक्‍यूत्‍देबे कोलासेमे नमयू खेर गीले ख्यङ्, हम्‍ब ह्‍वे ची, मेस्‍ये पश्‍चात्ताप चीत्‍देबे ल्‍वाख, होर्‌दे नदे खूम चेप्रने हम्‍ब काम फेरि ची। कादेये नदे पश्‍चात्ताप अन्‍चीत्‍देयलो ङ ने-ट्‌याने रदेबे नैजे सामदान हम्‍ब नेदे योम्‍बीय।