२ पत्रुस 3:15 - घले नयाँ करार

¹⁵ ङीन प्रभुजे धीरेनदे मुक्तिजे लागि मीयूने मौका पीन ख्यङ् मन्। ङीनजे छेब च्‍योन् पावलदेये परमेश्‍वरदे ङूने पीनेब बुद्धि अनुसार अम्‍ब पो नमयूने लिख्दीदे।

२ पत्रुस 3:15 ပူးပေါင်းရင်းမြစ်များ

लूका 21:15

चेनेयलो नमयूने ङैदे यर क्‍यमब पो मेस्ये बुद्धि पीन्क्‍य, अम्‍ब पोजे लागि नैजे शत्रुयूदेये चैत्‍याये य अन्‍खू होर्‌दे पो च अन्‍ख्व क्यूक्‍क्य।

मूल स्यूस्स्यायूजे कामजे किताब 15:25

होरेक्‍यूत्‍देबे ङीदे सभाने क्वाजे मोतो क्यूर अनुसार कोइ मीयूने चून्‍दीदेबे थमयूने ङीनजे छेब बारनाबास मेस्‍ये पावलप्रेप्रेने नमयू ट्‌याने कूल्‍बेब ङीने ज्‍य थेको।

मूल स्यूस्स्यायूजे कामजे किताब 7:10

परमेश्‍वरदे ङूजे साप्‍ता दु:ख-सकस्दे छूर्‌दीदे मिश्र देशजे मूरूम् फारोजे खूम्ने ङूने कृपा चीत्‍दे मेस्‍ये बुद्धि पीन्‍दे, मेस्‍ये फारोदे ङूने मिश्र देश, होर्‌दे ङूजे कीम् म्हीती क्वा फ्याजेने हाकिम चीम्‍मीदे।

मूल स्यूस्स्यायूजे कामजे किताब 9:17

होर्‌दे हननियादे गीलीदेबे कीम् नङ्ने क्योइदे मेस्ये शाऊल फ्याने रङ्सेजे ला येत्‍देबे यदे, “च्योन् शाऊल, न अने रेनूब लम्‍ने कम्ब प्रभु येशूदे तूदे, ङूदेने नदे म्‍या तङ खूस्य मेस्‍ये पवित्र आत्मादे पुरा फ्या‍स्‍य यदेबे ङैने कूल्‍बे ख्यङ्।”

रोमी 2:4

या परमेश्‍वरजे कृपादे नने पश्‍चात्ताप चीत्‍देबे ज्‍य लम्‍ने स्‍योल्‍क्‍य यब पो था अम्‍प्रेत्‍देबे, नदे परमेश्‍वरजे दया, सैदीन ख्‍वब बोङ्ने, अन्-आ‍तीलाबे रेन्‍न ख्‍वाब बोङ्ने चैकम्दे मनऔ?

१ कोरिन्थी 12:8

कोइने पवित्र आत्मादे बुद्धिजे पो क्‍यमब, कोइने पवित्र आत्मादे य अनुसार ज्ञानजे पो क्‍यमब,

१ कोरिन्थी 2:13

कम्‍ब पो ङी प्रचार चीक्क्य, हम्‍ब पो मीयूजे बुद्धिदे लोम्‍मेब पो दी, तर आत्मादे लोम्‍मेब अनुसार परमेश्‍वरजे आत्मा ख्‍ययूबने आत्माने तम्दम् पोयू ङीदे स्‍येलाबे येमीय।

१ कोरिन्थी 3:10

ङैने पीनेब परमेश्‍वरजे अनुग्रह अनुसार, सोरो ज्‍य कीम् थ्‍या स्येब मीदेप्र ङैदे जा पूत्‍दे, मेस्‍ये सूजोदे हम्‍ब फ्‍याने कीम् थ्‍याकीय। हम्‍ब फ्‍याने थ्‍याकेब मी क्‍वादेने केर्‌बे थ्‍यानख्यङ् यदेबे हम्‍बदे चेलाबे ध्‍यान् पीन्स्‍य।

एफिसी 3:3

परमेश्‍वरदे रङ्सेजे नङ्सू योजना पूक्‍देबे ङैने तम्‍मीदे। अम्‍बजे बारेने ङैदे नमयूने खूम्‍ने चिट्ठी ठून्‍यात्‍या लिख्दीक ख्यङ्।

१ तिमोथी 1:16

तर अम्‍ब कारणदेने ङूदे ङैने कृपा चीत्‍दे। ङप्र पात्‍ता मूख्या पापीनेये येशू ख्रीष्‍टदे पूरा धेरेन् तनने ङूदे ङैने नमूना बन्‍तीदे। ङैदे येशू ख्रीष्‍ट फ्याने विश्‍वास चीत्‍देबे कलङ्बेये अन्सीबब जीया प्रेयूजे लागि ङ नमूना त्याक्‍यूर खूस्‍य।

याकूब 1:5

तर कादेये नमयू कोइने बुद्धिजे हर्‌जो ख्यङ्लो हम्‍बदे प्रो-अन्‍लङ्लाबे मेस्‍ये सेम्-यङ्ला पीनब परमेश्‍वरने स्‍यस्‍य, मेस्‍ये हम्‍ब ङूने पीन्‍क्‍य।

याकूब 3:17

तर कम्‍ब बुद्धि स्वर्गदे रीय हम्‍ब खूम्ने शुद्ध ख्यङ्, होर्‌दे हम्‍बदे शान्ति पीन्‍क्‍य, स्यूलूक्कै, मील्‍लीदे टूङब क्यूक्‍क्य। येर बुद्धि दयादे फ्यानब क्यूक्‍क्य मेस्ये सोरो ज्य कामजे फल पीन्क्य। अम्ब बुद्धि साक्पूजा मेस्ये कप्‍टी अन्क्यूर्।

१ पत्रुस 3:20

हम्‍ब आत्‍मायूब तोङ्बोजूग्‍ने परमेश्‍वरजे आज्ञा अम्‍मन्‍देबयू ख्य। नोआदे क्‍यू जहाज बन्‍देब बीलने परमेश्‍वर हम्ब आत्मायूप्रे धेरेन् क्‍यूत्‍देबे रेन्‍न ख्‍य। हम्‍ब क्यू जहाजने मी-येत्-त्‍यामे परमेश्‍वरदे क्‍यूदे बच्‍दीमीदे।

२ पत्रुस 3:2

पवित्र अगमवक्तायूदे क्यमब अगमवाणीजे पो मेस्‍ये नमयूजे मूल स्यूस्स्यायूदे लोम्‍मेब ङीनजे प्रभु मेस्‍ये मुक्तिदाताजे आज्ञाने नमयूदे ह्‍वे चे पर्‌दीय।

२ पत्रुस 3:9

रङ्सेदे चेब कबुल पूरा चेने प्रभु ग-ख्यङ् यदेबे कोइ-कोइदे मन्‍लीने प्रभुदे गलाबे अन्‍ची, तर सूत्‍याये नाश अन्क्यूस्स्य, मेस्‍ये मी-क्‍वादेने पश्चात्ताप चीस्‍स्‍य यब सेम् क्‍यूत्‍देबे नमयूजे लागि प्रभु धेरेन् चीत्‍देबे टून ख्यङ्।