२ पत्रुस 3:12 - घले नयाँ करार

¹² परमेश्‍वर न्याय चेब दिनजे लम् नमयूदे लेन्‍न ख्यङ्, अम्‍ब दिन छ्‍योटो रस्‍य यदेबे नमयूदे चेपर्‌देब काम बेस्‍से ज्‍य ची। प्‍ल्‍याङ्नब मीदे हम्‍ब दिनने स्‍वर्गयू नाश क्‍यूक्‍क्‍य, मेस्‍ये साप्‍ताकूरूने प्‍ल्‍याङ्नब मीजे रप्दे ङ्योल्‍बीय।

२ पत्रुस 3:12 ပူးပေါင်းရင်းမြစ်များ

मत्ती 16:27

चेनेयलो मीजे च रङ्से पजे महिमाने रङ्सेजे स्वर्गदूतयूप्रे रीय, मेस्‍ये हम्‍ब बीलने ङूदे मीयू क्‍वानेने रङ्से रङ्सेजे काम अनुसार इनाम पीन्क्य।

मत्ती 16:28

तम्दम्‍ने, ङ नमयूने यीय, अने ख्‍यब मीयू नङ्ने कोइदे मीजे चने रङ्सेजे राज्‍यने रेनब अन्‍तङ्दासेमे सीबस्‍ये त्‍वो।”

फिलिप्पी 1:6

नमयूजे अन्‍द्रने ज्‍य काम सुरू चेब परमेश्‍वर‍देने येशू ख्रीष्‍ट रब दिन‍ने हम्‍ब पूरा चीक्‍क्‍य यदेबे ङैने पक्‍क ख्यङ्।

तीतस 2:13

यरप्रने पात्‍ता केन् परमेश्‍वर मेस्‍ये ङीनने मुक्ति पीनब येशू ख्रीष्‍ट महिमाने रब दिनजे ङीन आशा चीन्‍न ख्यङ्।

२ पत्रुस 3:10

तर फेरि प्रभु रब दिन, थाने अम्‍प्रेल्‍लाबे खूमान् रप्र रीय, मूब केन् गर्‌जेदेब केप्रे सू-मल्‍बीय, मूने ख्‍यब सेयू क्‍वाने मीजे रप्दे ङ्योल्‍बीय, मेस्‍ये पृथ्वी होर्‌दे पृथ्वीने ख्‍यब साप्‍ताकूरूने भस्सम् चीक्‍कीय।

२ पत्रुस 3:11

अम्‍ब साप्‍ता सेयू येर्‌बे ङ्योल्‍बीय यब पो स्‍येदेबे नमयू कर खल्‍जे मी क्‍यूर पर्‌दे? पवित्र क्‍यूरब मेस्‍ये परमेश्‍वरने मन्‍देब जीया च-पर्‌तीय।

२ पत्रुस 3:4

“येशू ख्रीष्‍ट रीय यदेबे चेब कबुल खोइ कने गीली? चेनेयलो ङीनजे मेमेयू सीइदेबे गीली तर संसार सृष्‍टि क्‍यूरमेस्‍ये साप्‍ता सेयू खूम् कर ख्‍य होरप्रने दीनीये ख्यने ख्यङ्।”

२ पत्रुस 3:7

तर चूजो ख्यब मू मेस्ये पृथ्वीये मीने भस्सम् चीप्पेने परमेश्‍वरजे हम्‍ब वचनदेने जूक्‍तीदे येन्‍न ख्यङ्। परमेश्‍वर अम्‍मन्‍देब मीयूने दोष लैदीदेबे नाश अन्चीत्‍दासेमे मू मेस्ये पृथ्वी टूनेनीय।

यहूदा 1:21

परमेश्‍वरदे येतार्‌ने प्रेम चीन्‍न ख्यङ् मन् मेस्‍ये कलङ्बेये अन्सीबब जीया प्रेजे लागि ङीनजे प्रभु येशूजे कृपाजे आशा चीत्देबे रेन्‍नू।