२ पत्रुस 2:4 - घले नयाँ करार

⁴ परमेश्‍वरदे पाप चेब स्‍वर्गदूतयूनेये अन्‍क्यापी, तर थमयू नरकने छाबीदे, मेस्‍ये न्याय चेब दिनसेमेजे लागि सङ्लोदे ख्‍यादेबे नरकजे मून्‍दूङ्ने हीदे ख्यङ्।

२ पत्रुस 2:4 ပူးပေါင်းရင်းမြစ်များ

मत्ती 25:41

“होर्‌देङ्‍येदे ङूदे योन्देयोर् टूङब मीयूने यीय, ‘श्राप प्रेब मीयू! ङैट्‌यादे चीन्तङ् प्र, मेस्‍ये शैतान मेस्ये ङूजे दूतयूजे लागि तयर चीतेब कलङ्बेये अन्सीबब मीने प्र।

मत्ती 8:29

थमयूदे येरे यदेबे पारा पूत्‍दे, “ओ परमेश्‍वरजे च, ङीयूप्रे नैजे चेकाम? ङीजे न्याय चेब बील अन्‍क्‍यूट्‍टबने न ङीयूने छरङ् पीनने अयाने रऔ?”

मर्कूस 5:7

होर्‌दे ङूदे के योन्देबे यदे, “ओ पात्‍ता केन् परमेश्‍वरजे च येशू, ङैने नदे च चे मे? ङ परमेश्‍वरने कसम चदेबे नने बिन्‍ती चीक्‍क्‍य ङैने छरङ् अम्‍पीन्‍लाची।”

लूका 10:18

ङूदे थमयूने यदे, “ङैदे शैतान‍ने स्‍वर्गदे बिजूलीप्र तल्‍लीनब तङ्दे।

लूका 8:31

थमयूदे येशूने बिन्‍ती चीत्दे यदे, ङीने अतल-कुण्डने अन्‍कूल्‍बीलाची।

यूहन्‍ना 8:44

नमयूजे रङ्से प शैतान ख्यङ्, मेस्‍ये नमयूजे रङ्सेजे पजे इच्छा पूरा चेब सेम् चे ख्यङ्। हम्‍ब सुरुमेस्‍येने मी सेब ख्‍य, मेस्‍ये तम्दम् पो ङ्‍यीन्तीङ् अन्‍र, चेनेयलो ङूने चैत्याये सत्य त्‍वो। ङू ङूजे बनी अनुसारजे लूच्‍च पो क्‍यम ख्यङ्, चेनेयलो ङू लूच्‍च ख्यङ्, मेस्‍ये लूच्‍च चेबजे प ख्यङ्।

रोमी 11:21

चेनेयलो कादेये परमेश्‍वरदे ज्‍य हाँगायूने बाँकी अन्‌-येन् यलो नमयूनेये क्यापीसे त्‍वो।

रोमी 8:32

ङूदे रङ्से चनेये जूक्‍तीदेबे अन्‍ही, तर ङीन्जे लागि पीन्‍दे। ङीनयूजे लागि रङ्से चये पीनबदे झन् ङूप्रे सूजो साप्‍ता पोने ङीनने अम्‍पीनया?

२ पत्रुस 2:11

तर हम्‍ब लूच्‍च पो लोम्‍मेयूजे यली स्‍वर्गदूतयूजे शक्ति मेस्‍ये बोङ् थेप् केन् ख्यङ्, होरेक्‍यूल्‍ली स्‍वर्गदूतयूदे स्वर्गने ख्यब सूजोयूने प्रभुजे खूम्‍ने न-प्वेब दोष अन्लैदी।

२ पत्रुस 2:5

परमेश्‍वरदे मीयूङ्जे संसारनेये अन्‍क्यापी, तर परमेश्‍वरजे पो अन्‍ङ्‍यीनबयू फ्‍याने क्‍यूदे नाश चीप्‍प धार्मिकताजे पो स्‍य्‍वेब नोआ मेस्‍ये सूजो मी-ङ्यीने जूक्‍तीमीदे।

२ पत्रुस 2:9

परमेश्‍वर मन्‍देब मीयूने सकस्यू रब केरे जूक्‍तीमे, मेस्‍ये परमेश्‍वर अम्मन्‍देब मीयूने न्याय चेब दिनसेमे दण्ड पीनजे लागि केरे हीन्‍न पर्‌ते हम्‍ब प्रभुदे स्‍ये ख्यङ्,

१ यूहन्‍ना 3:8

सूदे पाप चीक्‍क्‍य हम्‍ब शैतानजे मी क्‍यूक्‍क्‍य। चेनेयलो शैतानदेब अम्ब सं‍सार सुरुक्‍यूरमेस्‍येने पाप चीन्‍नने ख्यङ्। शैतानजे कामयू नाश चेने परमेश्‍वरजे च रदे।

यहूदा 1:13

थमयू सोरो फत्‍या समुद्रजे छालयूप्र ख्यङ्, हम्‍बदे रङ्सेजे त्‍वा पर्‌देब अन्‍ज्‍य पोयू समुद्र क्‍यूजे पोज्‍याप्र योन्‍क्‍य। थमयू ट्वानब कर्‌चेन्‌यूप्र ख्यङ्, हम्‍बजे लागि पातालजे येतार्‌ने टूनब सोरो कूम मून्‍दूङ् ने साच्‍दीये ख्यङ्।

यहूदा 1:6

रङ्सेने कन्‍छ्वा हक पीने ख्‍य हम्‍बयली फीने टूङ्देबे रङ्से टूङब ने पोङ्देबे प्रब स्वर्गदूतयूनेये ङूदे न्यायजे दिनने दण्ड पीनने कलङ्बेये प्‍लीम्ब अम्‍प्रेल्‍लाबे ख्‍यादेबे मून्‍दूङ्ने स्योप्के ख्यङ्।

प्रकाश 20:10

थमयूने धोका पीनब हम्‍ब शैतानने प्‍ल्‍याङ्नब गन्‍धकजे मीजे भोप्‍प्रोने छाबीदे, हम्‍ब रोला मेस्‍ये लूच्‍च अगमवक्ताये हम्‍ब नेने ख्‍य। थमयूदे हम्‍ब नेने नोमून् येतार्‌ने सकस् भोक्‍तीनीय।