२ पत्रुस 2:18 - घले नयाँ करार

¹⁸ थमयू मूर्‌ख क्‍यूत्‍देबे केन् त्‍वेब पोयू चीक्‍क्‍य, होर्‌दे अन्‍ज्‍य लम् पोङ्‍गीदेबे ख्रीष्‍टने विश्‍वास चेब सर्‌ मीयूने ङ्वजे अन्‍ज्‍य इच्‍छा अनुसार लोभ तन्‍देबे फेरि अन्‍ज्‍य लम्तेले होम्‍देबे कूबीय।

२ पत्रुस 2:18 ပူးပေါင်းရင်းမြစ်များ

मूल स्यूस्स्यायूजे कामजे किताब 2:40

सूजो कूम पोयूदे ङूदे थमयूने गवाही पीन्‍दे, मेस्‍ये येरे यदेबे अर्ती पीन्‍दे, “अम्‍ब दुष्‍ट पुस्ताप्रे नमयू रङ्सेने बच्‍दी।”

मूल स्यूस्स्यायूजे कामजे किताब 8:9

सिमोन मीन् ख्यब मी त्‍या होने ख्‍य। ङूदे खूम्‍मेस्‍येने हम्‍ब सहरने जादू तन्‍देबे सामरियाजे मीयूने हार्‌मन्दीलाबे चीक्‍क ख्‍य, “मेस्‍ये ङू रङ्सेदेने रङ्से मी केन् ख्यङ् यदेबे मन ख्‍य।

रोमी 13:13

ङीन नोदे म्‍या तङ्ब चेप्र ज्‍य काम चीदे। मोज-मज्‍जा चेब, च्‍यी-नादू थूङब, वेश्य काम चेब, छाडा काम चेब, च्‍य-जीङब, ठेनब काम क्‍यापी।

एफिसी 4:17

जेम्से ङ नमयूने बोङ् चीत्‍देबे प्रभुजे मीन्‍ने यीय मेस्‍ये गवाही पीन्‍क्‍य, नमयू जेम्से यहूदी तेबयूप्र क्‍यूत्‍देबे चे-कामये अन्‍लादेब सीत्‍तीजे पोयूने लादीदेबे जीया अन्‍च‍लाची।

२ थेसलोनिकी 2:4

ङूदे ईश्‍वर‌ यब क्वानेने या मीदे पूज्‍दीनब सेयूजे विरोध चीक्‍क्‍य, मेस्‍ये हम्‍ब यली रङ्सेने केन् मन्क्‍य, अन्‍छ्वासेमे यी परमेश्‍वरजे मन्दिर नङने टूङ्देबे रङ्सेने परमेश्‍वर यदेबे यीय।

याकूब 5:5

नमयू अम्‍ब पृथ्वीने सोरो आनन्दजे जीया चदेबे बेस्‍से मजा चीत्‍देबे टूङ ख्यङ्। बलि चेर्‌तेब दिनजे लागि नमयूदे रङ्सेने चूलाबे चीन्‍न ख्यङ्।

२ पत्रुस 1:4

येरेक्‍यूत्‍देबे ङूदे ङीनने पात्‍ता केन् मेस्‍ये सोरो ज्‍य कबुल पीने ख्यङ्, चेनेयलो अम्‍ब संसारजे अन्ज्य इच्छायूदे चीत्‍देबे योङ्‍रब अन्‍ज्‍य विचारयू क्यापीदेबे नमयू परमेश्‍वरजे स्वभाव टेल्देबे जीया च।

२ पत्रुस 2:14

थमयूजे म्‍यादे कलङ्नेयली वेश्य काम चेब लम्त्‍यामे लेन्‍नीय, पापजे काम अन्‍चीत्‍दासेमे थमयूजे सेम् सूग्‍स्‍ये त्‍वो। थमयूदे कमजोर मीयूने पाप चेने फस्तीपीय। लोभ चीत्‍देबे चत्‍यासे प्रेजे लागि थमयू ख्‍यक्‍कू ख्यङ्, थमयू फ्याने परमेश्‍वरदजे श्राप पीन्‍क्‍य।

२ पत्रुस 2:2

कूम मीयूदे थमयूजे अन्‍ज्‍य व्यवहारयू तङ्देबे होरप्रने चीक्‍क्‍य, मेस्‍ये थमयूजे व्यवहारयू तङ्देबे तम्दम् लम्जे बदनाम क्‍यूक्‍क्‍य।

२ पत्रुस 2:20

कादेये थमयूदे ङीनजे प्रभु मेस्‍ये मुक्ति पीनब येशू ख्रीष्‍टने स्‍येदेबे संसारजे अन्‍ज्‍य कामयू पोङ्यीदे, होर्‌देङ्‍येदे फेरि पापजे लम्ने ल्‍वारदेबे पापजे तो क्‍यून्‍नूदेयलो, थमयूजे हम्‍ब खूम्‍जे जीयायली ङ्‍येजे जीया झन् थेप् अन्‍ज्‍य क्‍यूक्‍क्‍य।

२ पत्रुस 2:7

दुष्‍टयूदे चेब अन्‍ज्‍य काम तङ्देबे सोरो सेम् ठ्व धर्मी लोतने परमेश्‍वरदे जूक्‍दीमीदे।

२ पत्रुस 3:17

येरेक्‍यूत्‍देबे छेब ख्योन्‌यू, अम्‍ब पो खूम्‍ने चेलाबे कोदेबे होस्स्यार क्‍यूरो। दुष्‍ट मीयूजे लूच्‍च पोयूने तीप्‍लीङ्-छोप्‍लीङ् क्‍यूत्‍देबे रङ्सेदे चीन्‍नब बोल्यो विश्‍वासने अन्क्यापीलाची।

यहूदा 1:13

थमयू सोरो फत्‍या समुद्रजे छालयूप्र ख्यङ्, हम्‍बदे रङ्सेजे त्‍वा पर्‌देब अन्‍ज्‍य पोयू समुद्र क्‍यूजे पोज्‍याप्र योन्‍क्‍य। थमयू ट्वानब कर्‌चेन्‌यूप्र ख्यङ्, हम्‍बजे लागि पातालजे येतार्‌ने टूनब सोरो कूम मून्‍दूङ् ने साच्‍दीये ख्यङ्।

प्रकाश 13:11

होर्‌दे पृथ्‍वीदे योङ्‍रीनब सूजो रोला त्‍या ङैदे तङ्दे। हम्‍ब रोलाजेये थुमाजेप्र रूक् ङ्‍ही ख्‍य, होर्‌दे अजिङ्गरदे क्‍यमप्र हम्बदे क्‍यम ख्‍य।