२ पत्रुस 2:14 - घले नयाँ करार

¹⁴ थमयूजे म्‍यादे कलङ्नेयली वेश्य काम चेब लम्त्‍यामे लेन्‍नीय, पापजे काम अन्‍चीत्‍दासेमे थमयूजे सेम् सूग्‍स्‍ये त्‍वो। थमयूदे कमजोर मीयूने पाप चेने फस्तीपीय। लोभ चीत्‍देबे चत्‍यासे प्रेजे लागि थमयू ख्‍यक्‍कू ख्यङ्, थमयू फ्याने परमेश्‍वरदजे श्राप पीन्‍क्‍य।

२ पत्रुस 2:14 ပူးပေါင်းရင်းမြစ်များ

मत्ती 12:34

ओ र्‌वेजे पीचयू! नमयू अन्ज्‍य ख्यङ्यलो सोरो ज्‍य पो केर्‌बे क्‍यम खूइय? चेनेयलो सेम्ने च ख्‍य हम्‍ब पोयूने ङूर्‌दे योङ्‍रीय।

मत्ती 23:14

[“धिक्‍कार पन्‍डे मेस्ये फरिसीयू, नमयू, कप्‍टी ख्यङ्! चेनेयलो नमयूदे प्‍ल्‍यङ् सीयेब मदीयूजे कीम् लेङ्‍गे ख्यङ्, मेस्‍ये मीयूने तनने रेङ-रेङ प्रार्थना चेख्यङ्। येरेक्‍यूत्‍देबे सूजो मीयूदे यली नमयूदे कूम सजाइ प्रेक्क्‍य।]

मत्ती 25:41

“होर्‌देङ्‍येदे ङूदे योन्देयोर् टूङब मीयूने यीय, ‘श्राप प्रेब मीयू! ङैट्‌यादे चीन्तङ् प्र, मेस्‍ये शैतान मेस्ये ङूजे दूतयूजे लागि तयर चीतेब कलङ्बेये अन्सीबब मीने प्र।

मत्ती 5:28

तर ङ नमयूने यीय, सूदे प्रे ङ्‍यूमब सेम्दे मदीयूने लेक्‍क्‍य, ङूदे रङ्से सेम्ने हम्‍बप्रे खूम्‍ने वेश्य चीक्‍कब क्‍यूक्‍क्‍य।

मर्कूस 13:22

चेनेयलो लूच्‍च ख्रीष्‍ट‌यू मेस्‍ये लूच्‍च अगमवक्तायू रीय। थमयूदे खूदासेमे परमेश्‍वरदे सेलब मीयूने छाक्‍देने च्‍यूनूयू मेस्‍ये हार्‌मन्‍देब कामयू चीक्‍क्‍य।

यूहन्‍ना 5:44

नमयू केरे विश्‍वास चे खूइय, नमयू त्‍यादे त्‍याप्रे गेसेन् मे ख्यङ्, होर्‌दे हम्‍ब गेसेन् प्रेब अम्मेल, हम्‍ब गेसेन् तीत्‍यात्‍या परमेश्‍वर ट्‌यादे रीय?

रोमी 16:18

चेनेयलो येर मीयूदे ख्रीष्‍ट ङीन प्रभुजे दी, तर रङ्से ख्‍वाजेजे सेवा चीक्‍क्‍य। सोरो खेत्‍दे क्‍यम्‍क्‍य मेस्‍ये च्‍यूप्‍ल्‍या चीत्‍देबे सोझो मीयूने भड्कैदीय।

१ कोरिन्थी 11:19

नमयूजे अन्‍द्रने परमेश्‍वरजे खूम्‍ने सेम् ज्‍य ख्‍यब मीयू चीन्तेने अन्‍थूनये क्‍यूर पर्‌ते ख्यङ्।

एफिसी 2:3

ङीनये त्‍याफे थमयूदे चेप्र चे ख्‍य, ङीनजे ङ्वदे च चीत्‍तीङ् रीको सेम्जे इच्‍छा पूरा चीत्‍देबे रङ्सेजे पापी स्‍वभावने प्रख्‍य, मेस्‍ये सूजो लम ख्यब मीयूप्रने ङीनजे स्‍वभावदेने छी चेब छगूम्-पूर्‌गूम् यदेबे य ख्‍य।

एफिसी 4:14

होर्‌दे छट्‍टू मीजे पीरीपीरीजे शिक्षाजे छल्दे कने प्‍लेके होनेने कूबब चीद-चीद पीचयूप्र ङीन अन्‍क्यूल्‍लाचीदे। थमयूदे योनब ठग शिक्षादे सूजो मीयूने अन्‍ज्‍य लम्‍तेले कूबीय।

कलस्सी 2:18

रङ्सेजे ङ्वने सकस् पीनब पोनेत्‍या ट्‌यादेबे, स्‍वर्गदूतने पूस्‍तीस्ये पीन्‍देबे, रङ्सेजे ज्ञानदे तङब पोनेत्‍या क्‍यूत्‍देबे, रङ्सेजे सेम्दे च चीतीङ्‍र हम्‍ब पोने केन् त्‍वोत्‍देबे प्रब सूमीदेये नमयूजे प्रेपर्‌तेब इनाम मल्बेब काम चे अङ्‍खूस्य।

याकूब 1:8

चेनेयलो येर सेम् ङ्‍ही क्यूरब मी ङूजे साप्‍ता कामने धेरेन् क्‍यूस्‍स्ये त्‍वो।

२ पत्रुस 2:18

थमयू मूर्‌ख क्‍यूत्‍देबे केन् त्‍वेब पोयू चीक्‍क्‍य, होर्‌दे अन्‍ज्‍य लम् पोङ्‍गीदेबे ख्रीष्‍टने विश्‍वास चेब सर्‌ मीयूने ङ्वजे अन्‍ज्‍य इच्‍छा अनुसार लोभ तन्‍देबे फेरि अन्‍ज्‍य लम्तेले होम्‍देबे कूबीय।

२ पत्रुस 2:3

थमयूदे लूच्‍च पोयू यदेब लोभ तन्‍क्‍य, होर्‌दे नमयूप्रे फाइद कीन्‍क्‍य। थमयूदे प्रेब दण्डजे पो खूम्‍ने पक्‍क क्‍यूक्‍क ख्यङ् मेस्‍ये थमयूजे नाश क्‍यूरब पो पक्‍क ख्यङ्।

२ पत्रुस 3:16

पावलदे रङ्से चिट्ठीयू क्वानेनेये अम्‍ब पोयू लिख्दीये ख्यङ्। हम्‍ब पोयूजे कोइ पोब ते-क्व-अङ्‍ख्व ख्यङ्, अन्-छ्‌य्‍वेब मीयूदे, मेस्‍ये धेरेन् त्‍वब मीयूदे धर्मशास्त्रजे सूजो पोयूने पार्‌त्‍या अर्थ लैदेप्र अम्‍ब पोयूनेये पार्‌त्‍या अर्थ लैदीय, मेस्‍ये रङ्से फ्‍याने नाश रेक्‍क्‍य।

१ यूहन्‍ना 2:16

चेनेयलो संसार‌ने ख्‍यब साप्‍ता सेयू, या ङ्वजे इच्छायू, म्‍याजे लोभ, अम्‍ब जीयाने रङ्से केन् त्‍वेब सेम् प परमेश्‍वर ट्‌यादे रब दी, तर संसारदे रब ख्यङ्।

यहूदा 1:11

थमयूने धिक्‍कार ख्यङ्! चेनेयलो थमयू कयिनदे चेप्र चे ख्यङ्, मेस्‍ये फाइदाजे लागि बालामदे चेप्र गल्‍ती चीत्‍देबे लूच्‍च लम्‍ने प्रीय होर्‌दे कोरहदे विरोध चेप्र थमयूदे चीत्‍दे मेस्‍ये थमयू हम्‍बप्रने नाश क्‍यूक्‍क्‍य।

प्रकाश 12:9

हम्‍ब अजिङ्गर केन् मो पृथ्वीने छाबीदे- हम्‍ब मीयूङ् मेस्येजे डम् ख्‍य, का-मुलुक संसार‌जे मीयूने छल् चेब दीयाबलस यब शैतान ङूने ख्‍य। ङूप्रे-प्रे ङूजे दूतयूनेये पृथ्‍वीने छापीदे।