२ पत्रुस 1:7 - घले नयाँ करार

⁷ परमेश्‍वरजे डर येनब पोने अत-अची च्योन्‌यू अन्द्रजे माया, अत-अची च्‍योन्‍जे अन्द्रजे मायाने प्रेम थप्दी।

२ पत्रुस 1:7 ပူးပေါင်းရင်းမြစ်များ

रोमी 12:10

रङ्से अत च्‍योनने चेब प्रेमप्र त्‍यादे त्‍याने प्रेम ची। रङ्सेने यली सूजोजे गेसेन् ची।

गलाती 6:10

येरेक्‍यूत्‍देबे मौका प्रेप्‍पने ङीनदे मी क्‍वाजेने भलो चीक्‍के परदीय, थेप्‍प्र येशूने विश्‍वास चेब ङीनजे म्‍हीत्‍तीयूने भलो चेपर्‌दीय।

कलस्सी 3:14

अम्‍बयू यली पात्‍ता थेप् ब प्रेमने कोला ह्‍वेप्र ह्‍वे, हम्‍बदे साप्‍ता सेयूने त्‍या चीत्देबे येक्‍क्‍य।

१ थेसलोनिकी 3:12

ङीदे केर्‌बे नमयूने प्रेम चीत्‍दे, होर्‌प्रेने प्रभुदे नमयूने त्‍यादे त्‍याप्रे मेस्‍ये मीयू क्‍वाप्रेने बेस्‍से प्रेम चे ख्‍वब बन्‍दीस्‍य,

१ थेसलोनिकी 5:15

सूमीदेये अन्ज्‍य चेब मीने खी फाने अन्ज्‍य अन्‍चीस्‍स्‍य, तर येतार्‌ने त्‍यादे सूजोने मेस्‍ये क्‍वाप्रेने भलो चेपर्‌दीय यदेबे ह्‍वेची।

हिब्रू 13:1

नमयू अत-अची च्योन्‌यूप्र क्‍यूत्‍देबे त्‍यादे त्‍याप्रे प्रेम चीन्‍नू।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ पत्रुस 2:17

मीयू क्‍वानेने गेसेन् ची। रङ्से अत-अजी-च्योन्‌यूने प्रेम ची। परमेश्‍वरप्रे फ पर्‌तीय। मूरुम्ने गेसेन् ची।

१ पत्रुस 3:8

आखिरीने, नमयू क्‍वाने सेम् त्‍या क्‍यूत्‍देबे दु:ख पर्‌तीब त्‍यादे त्‍याने सान्त्वना पीन्, अत-अजी-च्‍योनने चेप्र माया त्‍यादे त्‍याने ची, दया चेब सेम्, मेस्‍ये चीद स्यूलूक्कै क्‍यूरो।

१ यूहन्‍ना 3:14

ङीन रङ्सेजे अत-अची च्‍योन्‍ने प्रेम चीक्‍क्‍य, होरेक्‍यूत्‍देबे ङीन सीबब जीयाने ट्‌यादेबे कलङ्बेये अन्जेनब जीयाने क्‍योर ख्यङ् यदेबे ङीनदे स्‍ये ख्यङ्। सूदे प्रेम अन्‍ची, हम्‍ब सीबब जीयानेने टूनीय।

१ यूहन्‍ना 3:16

ख्रीष्‍टदे ङीनजे लागि रङ्से प्राण पीन्‍दे, अम्‍बदेने प्रेम यब च यदेबे ङीनदे कोय। ङीनदेये रङ्से अत-अची च्योन्‌यूजे लागि रङ्से प्राण पीन पर्‌तीय।

१ यूहन्‍ना 4:21

परमेश्‍वरदे पीन्‍देबे ङीनदे अम्‍ब आज्ञा प्रे ख्यङ्, सूदे परमेश्‍वरने प्रेम चीक्‍क्‍य हम्‍बदे रङ्सेजे अत-अची च्‍योन्‍नेये प्रेम चे पर्‌तीय।