२ पत्रुस 1:6 - घले नयाँ करार

⁶ ज्ञानने रङ्सेदे रङ्सेने कबूने येनब, रङ्सेदे रङ्सेने कबूने येनब पोने धेरेन्, धेरेन्‍ने परमेश्‍वरजे डर येब पो,

२ पत्रुस 1:6 ပူးပေါင်းရင်းမြစ်များ

लूका 21:19

नमयूदे कूम धेरेन् क्यूत्देबे रेन्लो जीया प्रेक्‍क्‍य।

लूका 8:15

तर ज्‍य मलीलो सने पर्‌दीयेब येर मीयू ख्यङ्, सूदे वचन ङ्‍यीन्‍देबे हम्‍ब वचनदे य अनुसार इमान्दार सोर्‌तो क्‍यूत्‍देबे सेम्‍ने येन्‍नीय, मेस्‍ये धेरेन्बे फल लोसे पीङ्क्‍य।

मूल स्यूस्स्यायूजे कामजे किताब 24:25

पावलदे धार्मिकता, सैदेख्‍वब, मेस्‍ये ङ्‍येदे क्यूरब न्यायजे बारेने सवाल-जवाफ चीप्‍प फेलिक्स आतीकदे, मेस्‍ये येर्‌बे यदे, “चूजोब प्र, मौका पर्‌देब बीलने ङैदे नने क्वस्ये।”

रोमी 15:4

धर्मशास्त्रने लिख्दीयेब पोयूदे ङीनने शिक्षा पीन्‍क्‍य। येर्‌बे धर्मशास्त्रदे रब धेरेन् मेस्ये आँट प्रेब पोदे ङीनने थेप् आशा पीन्क्य।

रोमी 2:7

धेरेन् क्यूत्देबे मीने ज्‍य चीम्मेब कामने ला-दीनूदेबे सूदे महिमा, इज्जत मेस्‍ये कलङ्बेये अन्सीबब जीया मल्‍क्‍य, परमेश्‍वरदे हम्‍बने कलङ्बेये अन्जेनब जीया पीन्‍क्‍य।

रोमी 8:25

तर कादेये ङीनदे अन्तङब सेजे आशा चीक्‍क्‍य यलो, ङीन धेरेन् चीत्‍देबे हम्‍ब रेन्‍नीय।

१ कोरिन्थी 9:25

खेल क्‍याने सामेल् क्‍यूरबयू क्‍वादेने साप्‍ताकूरूने होस्स्यार क्‍यूत्‍देबे नियम नङ्ने टूङ-पर्‌तीय। थमयू नाश क्‍यूत्‍देबे प्रब मुकुट प्रेने येरे चीक्क्य, तर ङीनब कलङ्बेये नाश अन्‍क्‍यूप्‍पब मुकुट प्रेने येरे चीक्क्य।

२ कोरिन्थी 6:4

तर साप्‍ता काम‍ने ङी रङ्सेदे परमेश्‍वरजे सेवा चेबयू ख्यङ् यदेबे तन्‍क्‍य-सोरो सैदे ख्‍वब क्‍यूत्‍देबे, सकस् रब, मूस्‍कील क्‍यूप्‍प, आपद्-विपद् पर्‌ती रब,

गलाती 5:23

चीद क्यूरब, रङ्सेदे रङ्सेने कबूने येन ख्‍वब ख्यङ्। येर पोयूजे विरुद्ध चेब कम्‍ब नियमये त्‍वो।

कलस्सी 1:11

नमयू आनन्द क्यूत्देबे कूम सैदीन ख्‍वब मेस्ये रेन्‍न ख्‍वब क्यूरने परमेश्‍वरदे पीनब महिमाजे शक्ति अनुसार‌ बोल्यो क्यूर यबने ङीजे प्रार्थना ख्यङ्।

१ थेसलोनिकी 1:3

ङीनजे परमेश्‍वर पजे खूम्‍ने प्रभु येशू ख्रीष्‍टने क्‍यूत्‍देबे विश्‍वासने नमयूदे चेब काम, प्रेमदे चेब छेम्‍प्रे होर्‌दे आशा चीत्‍देबे धेरेन् क्‍यून्‍नब येतार्‌ने ह्‍वेचीन्‍न ख्यङ्।

२ थेसलोनिकी 1:4

येरप्रने नमयूजे सतनम् मेस्‍ये छरङ् सैदे ख्‍वब बोङ् मेस्‍ये विश्‍वासजे बारेने ङी परमेश्‍वर ख्रीष्‍टजे मण्डलीयू नङ्ने केन् क्‍यूत्‍देबे क्‍यम खूइय।

२ थेसलोनिकी 3:5

परमेश्‍वरजे प्रेम मेस्ये ख्रीष्‍ट ट्‍यादे रब सैदीन ख्वब शक्ति क्व खूस्य यदेबे प्रभुदे नमयूने लम् तम्‍मीस्‍य।

१ तिमोथी 2:10

तर सोरो ज्‍य काम चीत्‍देबे ज्य तङब क्यूरो, हम्‍ब परमेश्‍वरने मन्‍देब मदीयूने पोय।

१ तिमोथी 2:2

मूरुम्‌यू मेस्ये केन् पदने टूङब मीयूजे लागिये प्रार्थना ची, मेस्‍ये येरक्‍यूस्‍स्‍य यी ङीन सेम् ढूक्‍क मेस्‍ये शान्ति क्‍यूत्‍देबे साप्‍ता तर्‌तीप्देने धर्मी मेस्ये मीदे ज्‍य गेसेन् चेब जीया च खूस्‍य।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

१ तिमोथी 6:11

तर परमेश्‍वरने मन्‍देब मी, नदे येर कामयू क्‍वाने क्यापी, मेस्‍ये धर्मी, परमेश्‍वरने मन्देब, विश्‍वास, प्रेम, अङ्-आ‍तीलाबे रेन ख्‍वब सेम् मेस्‍ये चीद क्‍यूरब सेम्जे उदेश्य कीन्।

१ तिमोथी 6:3

कादेये सूजो मीदे सूजो शिक्षा लोम्‍मीदे यलो ङीनजे प्रभु येशू ख्रीष्‍टजे तम्दम्‍जे वचन मेस्ये ङीनदे चेपर्‌देब परमेश्‍वरने मन्देब खाल्जे शिक्षाप्रे अम्‍मील्‍लीदे यलो,

१ तिमोथी 6:6

सून्ताकी क्‍यूत्‍देबे परमेश्‍वरने मन्‍दीलो थेप् फाइदा ख्यङ्।

२ तिमोथी 3:5

थमयू परमेश्‍वर मन्‍दे यदेबे ङूर्‌देत्‍या यीय, तर परमेश्‍वरजे शक्तिने अम्‍मन्‍देब क्‍यूक्क्‍य। यर मीयूप्रे आलाक् क्‍यूरो।

तीतस 1:1

परमेश्‍वरजे त्वो मेस्ये येशू ख्रीष्‍टजे मूल स्यूस्स्या पावलदे, परमेश्‍वरदे सेलबयूजे विश्‍वास मेस्ये ङूने सेम् पर्‌तेब जीया अनुसार थमयूजे तम्दम्जे ज्ञान थेप् चेने,

तीतस 1:8

तर ङ्योव रब गेसेन् चेब, मीने भलो चेब, रङ्सेने काबूने येन, इमान्-जेमेन् ख्‍यब, पवित्र मेस्ये नियम नङ्ने टूङब क्यूर पर्‌दीय।

तीतस 2:2

कम्‍बयू रङ्सेने काबूने येनब, गेसेन् प्रेब लायकजे, पो क्‍व, विश्‍वास ज्‍य चेब, प्रेम चेब मेस्‍ये मीसा ठ्वा क्यूत्देबे सैदे ख्‍व क्यूरब शिक्षा लोम्‍मी।

हिब्रू 10:36

परमेश्‍वरजे इच्‍छा पूरा चेने मेस्‍ये ङूदे चीक्‍कब कबुल अनुसारजे इनाम प्रेजे लागि नमयू धेरेन् क्‍यूत्‍देबे टूङ पर्‌ते ख्यङ्।

हिब्रू 12:1

येरेक्‍यूत्‍देबे विश्‍वासजे यर साक्षी पीनब कूम मीयूजे हुल‍दे ङीनने घेर्‌तीन ख्यङ् होरेक्‍यूत्‍देबे साप्‍ता थर्‌जे अप्‍ठर्‌ चेब ले-क्‍वीयू मेस्‍ये ङीनने बाधा पीनब पापने छाबीदेबे ङीनजे खूम्‍ने हीतेब परमेश्‍वरजे लागि ग्‍यब काम धेरेन् क्‍यूत्‍देबे पूरा चीते।

हिब्रू 6:12

नमयू सोरो म्‍यास्‍सी क्‍यून्‍नब ङीने सेम् अम्‍पर्‌ती, तर सूदे विश्‍वास चीत्‍दे मेस्‍ये धेरेन् क्‍यूत्‍देबे कबुल चीतेब सेयू प्रेत्‍दे, हम्‍ब मीयूदे चेप्रने नमयूदेये चीदो।

हिब्रू 6:15

येरे धेरेन् क्‍यूत्‍देबे अब्राहामदे रेन्‍दे मेस्ये परमेश्‍वरदे चेब कबुल अनुसार ङूदे प्रेत्‍दे।

२ पत्रुस 1:3

परमेश्‍वरने सेम् पर्‌तेब जीया चजे लागि चेतेब साप्‍ता पो ङूजे शक्तिट्‍यादे ङीनदे प्रे ख्यङ्, चेनेयलो रङ्से महिमा मेस्‍ये भलो चेब कामदे क्‍वब परमेश्‍वरने ङीदे स्ये ख्यङ्।

२ पत्रुस 3:11

अम्‍ब साप्‍ता सेयू येर्‌बे ङ्योल्‍बीय यब पो स्‍येदेबे नमयू कर खल्‍जे मी क्‍यूर पर्‌दे? पवित्र क्‍यूरब मेस्‍ये परमेश्‍वरने मन्‍देब जीया च-पर्‌तीय।

प्रकाश 1:9

ङ यूहन्‍ना, नमयूजे अत, नमयूदे प्रने येशूने विश्‍वास चीत्‍देबे सकस् भोक्‍तीब धेरेन् टूङ्दे मेस्‍ये परमेश्‍वरजे राज्‍यने सामेल् क्‍यूर ख्यङ्। परमेश्‍वरजे वचन मेस्‍ये येशू ख्रीष्‍टजे गवाही मीयूने स्‍य्‍वेब क्‍यूत्‍देबे ङैने पत्‍मोस यब टापूने हीते ख्‍य।

प्रकाश 13:10

कादेये कोइ कैदने प्रपर्‌दे ख्यङ्‍यलो हम्ब कैदने प्रीय, तरवारदे सेक्‍क पर्‌देख्यङ्‍यलो हम्बने तरवारदेने सेक्‍कीय। परमेश्‍वरजे पवित्र मीयूदे येर सतनम् रब धेरेन् क्‍यूत्‍देबे विश्‍वास चीन्‍न पर्‌तीय।

प्रकाश 14:12

परमेश्‍वरजे आज्ञायू मन्‍देब मेस्‍ये येशूने विश्‍वास चेब परमेश्‍वरजे पवित्र मीयूदे धेरेन् क्‍यूत्‍देबे टूङ पर्‌दीय यब पो अम्‍ब ख्यङ्।

प्रकाश 2:2

नैजे कामयू, नदे चेब छेम्‍प्रे मेस्‍ये न-धेरेन् क्‍यून्‍नब ङैने था ख्यङ्, मेस्‍ये नदे दुष्‍ट मीयूजे विरोध चे ख्यङ् तर थमयू रङ्सेदेब ङी मूल स्यूस्स्या ख्यङ् यीय, तर मूल स्यूस्स्या दी, होर मीयूने जाँचदीदेबे थमयू लूच्‍च ख्यङ् यदेबे नमयूदे पत्‍त प्रेक्‍क ख्यङ् यब पो ङैने था ख्यङ्।