२ पत्रुस 1:4 - घले नयाँ करार

⁴ येरेक्‍यूत्‍देबे ङूदे ङीनने पात्‍ता केन् मेस्‍ये सोरो ज्‍य कबुल पीने ख्यङ्, चेनेयलो अम्‍ब संसारजे अन्ज्य इच्छायूदे चीत्‍देबे योङ्‍रब अन्‍ज्‍य विचारयू क्यापीदेबे नमयू परमेश्‍वरजे स्वभाव टेल्देबे जीया च।

२ पत्रुस 1:4 ပူးပေါင်းရင်းမြစ်များ

रोमी 9:4

थमयू इस्राएलीयू ख्यङ्, मेस्‍ये परमेश्‍वरदे थमयूने रङ्से च-चीमी क्यूस्से पीन्‍दे। ङूदे रङ्से महिमा थमयूने तम्‍मीदे, थमयूप्रेने करार ख्या‍दे, मोशाजे नियम पीन्‍दे, ङूने पूस्तेने लोम्‍मीदे, मेस्ये ङूदे चेब बाजायू थमयूदे प्रेख्यङ्।

२ कोरिन्थी 1:20

चेनेयलो परमेश्‍वरदे चेब कबुलयू क्‍वाने येशू ख्रीष्‍टने पूरा “क्‍यूक्‍क्‍य” यब पो ख्यङ्। येरेक्‍यूत्‍देबे येशू ख्रीष्‍टप्रे क्‍यूत्‍देबे परमेश्‍वरने महिमा पीनजे लागि ङीन “आमेन” यीय।

२ कोरिन्थी 3:18

ङीन क्‍वाजे त्‍वा-उप्येब कोला स्‍यूप्‍पीदेबे ऐनादे ङीनजे त्‍वा तम्‍मेप्र प्रभुजे महिमा ङीनजे त्‍वाने तङ्क्‍य, होरदे हम्‍ब महिमा सोरो कूम थेप् थेप् क्‍यूप्‍पदेबे ङीनये प्रभु प्रने क्‍यूप्‍पीय। अम्‍ब परमप्रभुदे पीन्‍देबेत्‍या क्‍यूक्‍क्‍य, प्रभुब आत्‍मा ख्यङ्।

२ कोरिन्थी 6:17

“येरेक्‍यूत्‍देबे थमयूजे अन्द्रदे योङ्देबे ख, मेस्‍ये थमयू ट्‌यादे नमयू आलाक् क्‍यूर्‌ परमप्रभुदे य ख्यङ्। अशुद्ध थोक चैत्‍याये अन्‍छूल्‍लाची, होरदे ङ नमयूने ग्रहण चीक्‍क्य।

गलाती 3:16

अब्राहाम मेस्‍ये ङूजे छगूम्-पूर्‌गूम्‍ने कबुलयू पीने ख्‍य। धर्मशास्त्रदे “छगूम्-पूर्‌गूम्‍यूने” अन्-य, अम्‍बदे कूम मीयू यब अर्थ लादीय। तर धर्मशास्‍त्रदे “नैजे छगूम्-पूर्‌गूम्‍ने” यीय, अम्‍बदे मी तीत्‍या यब अर्थ लादीय, हम्‍ब ख्रीष्‍ट ख्यङ्।

गलाती 6:8

सूदे रङ्से पाप चेब स्वभावजे बाली लैदीय हम्‍बदे रङ्सेजे पाप चेब स्वभावदेने नाश क्‍यूप्‍पब बली तोल्‍क्‍य। सूदे आत्माजे लागि बली लैदीय हम्‍ब आत्मादेने कलङ्बेये अन्सीबब जीयाजे खेती तोल्‍क्‍य।

एफिसी 4:13

येर्‌बे अम्‍ब बरयूजे कामयूदे ङीनने विश्‍वासजे मेस्ये परमेश्‍वरजे चजे ज्ञानने त्या क्यूर प्रेजे लागि तोङ्मीय, मेस्‍ये तीया ङीन पाको मी क्‍यूत्देबे ख्रीष्‍टजे पूरा नापसेमे फ्योबी‍य।

कलस्सी 3:10

मेस्‍ये सर् स्वभाव प्रेक्‍क ख्यङ्, हम्‍ब स्वभाव सृष्‍टि चेब परमेश्‍वरजे रूप् अनुसार‌ ज्ञानने सर् क्‍यूप्‍पीन ख्यङ्।

हिब्रू 12:10

चेनेयलो संसारने ख्‍यब पयूदे ज्‍य थेदासेमे ते-दिन ङीनने दण्ड पीन्‍दे। तर परमेश्‍वरदे ङीन ङूप्रने पवित्र क्‍यूर खूस्‍य यदेबे ङीनजे फाइदाजे लागि सूधारदीय।

हिब्रू 9:15

येरेक्‍यूत्‍देबे परमेश्‍वरदे सेलबयूने कलङ्बेये नाश अन्‍क्‍यूप्‍पब हक पीनने, पदे चेब कबुल प्रेस्‍स्‍य यदेबे अम्‍ब सर्‌ करारजे लागि चजो-पजो चेब ख्रीष्‍ट क्‍यूर ख्यङ्। चेनेयलो खूम्‍जे करारजे बीलने मीयूदे चीक्‍कब पापदे जेम्से मुक्ति प्रेक्क्य चेनेयलो अम्ब कामजे लागि ख्रीष्‍ट सीयेजन्‍क ख्यङ्।

याकूब 1:27

नदे प-म त्‍वब टा-ट्वेयू मेस्‍ये प्‍ल्‍यङ् सीयेब मदीयूजे सकस्ने दोङ्मी मेस्‍ये संसारने ख्‍यब दुष्‍ट सेयूट्‍‍यादे आलाक् क्‍यूत्‍देबे टूङ्, परमेश्‍वर पदे शुद्ध मेस्‍ये दोष त्‍व ठर्‌तीयेब धर्म अम्‍ब ख्यङ्।

२ पत्रुस 1:1

येशू ख्रीष्‍टजे त्वो मेस्‍ये मूल स्‍यू‍स्स्‍या ङ सिमोन पत्रुसदे, ङीनजे परमेश्‍वर मेस्‍ये मुक्ति पीनब येशू ख्रीष्‍टजे धार्मिकतादे ङीनजेप्रने सोरो केन् विश्‍वास चेबयूने:

२ पत्रुस 3:13

तर ङीनदे परमेश्‍वरजे कबुल अनुसार सर्‌ स्‍वर्ग मेस्‍ये सर्‌ पृथ्वीजे लम् लेक्‍क्‍य, हैयाने परमेश्‍वजे धार्मिक्तादे बास टूङ्क्य।

२ पत्रुस 3:9

रङ्सेदे चेब कबुल पूरा चेने प्रभु ग-ख्यङ् यदेबे कोइ-कोइदे मन्‍लीने प्रभुदे गलाबे अन्‍ची, तर सूत्‍याये नाश अन्क्यूस्स्य, मेस्‍ये मी-क्‍वादेने पश्चात्ताप चीस्‍स्‍य यब सेम् क्‍यूत्‍देबे नमयूजे लागि प्रभु धेरेन् चीत्‍देबे टून ख्यङ्।

१ यूहन्‍ना 2:25

ङूदे ङीनने पीन्‍क्‍य यदेबे कबुल चेब कलङ्बेये अन्सीबब जीया अम्‍ब ख्यङ्।

१ यूहन्‍ना 3:2

ङैजे छेब ख्योन्‌यू, चूजो ङीन परमेश्‍वरजे छगूम्-पूर्‌गूम् क्‍यूर ख्यङ्, मेस्‍ये ङ्येदे ङीनने च क्‍यूक्‍क्‍य यदेबे ङीनने चूजोसेमेने अन्‍तम्‍मे ख्यङ्। कन्‍छ्वाब ङू तङ्‍रीय हन्‍छ्वाब ङीनये ङूप्रने क्‍यूक्‍क्‍य चेनेयलो ङू करप्र ख्‍य ङीनदे ङूने होरप्रने तङ्क्‍य यदेबे स्‍ये ख्यङ्।