२ पत्रुस 1:3 - घले नयाँ करार

³ परमेश्‍वरने सेम् पर्‌तेब जीया चजे लागि चेतेब साप्‍ता पो ङूजे शक्तिट्‍यादे ङीनदे प्रे ख्यङ्, चेनेयलो रङ्से महिमा मेस्‍ये भलो चेब कामदे क्‍वब परमेश्‍वरने ङीदे स्ये ख्यङ्।

२ पत्रुस 1:3 ပူးပေါင်းရင်းမြစ်များ

मत्ती 28:18

होर्‌दे येशू थमयू ट्‌याने रदेबे यदे, “स्वर्ग प्रे पृथ्वीजे साप्‍ता हक ङैने पीने ख्यङ्।

रोमी 8:32

ङूदे रङ्से चनेये जूक्‍तीदेबे अन्‍ही, तर ङीन्जे लागि पीन्‍दे। ङीनयूजे लागि रङ्से चये पीनबदे झन् ङूप्रे सूजो साप्‍ता पोने ङीनने अम्‍पीनया?

रोमी 9:24

चेनेयलो ङूदे ङीनयूने यहूदी मीयू नङ्देत्‍या अङ्‍को, तर यहूदी तेब मीयू नङ्देये कोदे।

१ कोरिन्थी 1:9

परमेश्‍वर भरपर्‌ते ख्‍वब ख्यङ्, ङूदे रङ्से च ङीनजे प्रभु येशू ख्रीष्‍टजे सङ्गतिने नमयू कोदे।

२ कोरिन्थी 12:9

तर प्रभुदे ङैने यदे, “ङैजे अनुग्रह नैजे लागि सोरो कूम ख्यङ्, चेनेयलो न कमजोर क्‍यूप्‍प ङैजे बोङ्दे पूरा रुप्ने काम चीक्‍क्‍य।” येरेक्‍यूत्‍देबे ख्रीष्‍टजे शक्ति ङै फ्‍याने क्‍यूस्‍स्‍य यदेबे ङ कमजोर क्‍यून्‍नूली थेप् सूग्‍देबे केन् त्‍वोक्‍क्‍य।

एफिसी 4:1

ङ प्रभुजे लागि झ्यालखान‍ने टूङब कैदी त्‍या ख्यङ्, नमयूने बिन्ती चीक्‍क्‍य, यी प्रभुदे चेकामजे लागि नमयूने क्‍व ख्यङ् हम्‍ब मफीजे जीया च।

एफिसी 4:4

ङ्व तीत्‍यात्‍या ख्यङ्, मेस्‍ये पवित्र आत्माये तीत्‍यात्‍याने ख्यङ्-केर्‌बे नमयू कोब आशा त्‍या तन्‍देबे क्‍व ख्‍य, नेये हम्‍ब आशाने क्‍वब ख्यङ्।

फिलिप्पी 3:8

अन्छूत्यात्या दी, ख्रीष्‍ट येशू ङैजे प्रभुने स्‍ये प्रेब सोरो फत्‍या केन् पोप्रे कर्‌देयलो सूजो पोयू क्‍वाने हानी क्‍यूर टोङ् यदेबे ङ मन्‍क्‍य। ङैदे येशू ख्रीष्‍टने प्रेखूस्‍य यदेबे साप्‍ताकूरूने पोङ्ये ख्यङ् मेस्‍ये अम्‍बयू क्‍वाने छाबेब फोहोर-मैलाप्रत्‍या ख्यङ् यदेबे मन्‍क्‍य,

फिलिप्पी 4:8

आखिरीने, अत अची च्‍योन्‌यू, चै से तम्दम् ख्यङ्, चै से गेसेन् चे लायकजे ख्यङ्, चै से ठीक ख्यङ्, चै से शुद्ध ख्यङ्, चै से प्रेम चेब लायकजे ख्यङ्, चै से सोरो छेब ख्यङ्, सोरो हार्‌मन्‍देत्‍या ज्‍य से मेस्ये चत्‍यासे सार्‌या चेब लायकजे ख्यङ्लो होर सेयूने सेम् पीनो।

कलस्सी 1:16

चेनेयलो ख्रीष्‍टप्रे क्‍यूत्‍देबे परमेश्‍वरदे स्वर्ग मेस्‍ये पृथ्वीने ख्‍यब साप्‍ता थोकयू, म्‍यादे तङ ख्‍वब मेस्ये तङ अङ्ख्‍वब थोकयू, या आत्‍माजे शक्तियू, मालिकयू, हुकुमयू मेस्‍ये हकयू सृष्‍टि चीत्‍दे। अम्‍ब टक्कने परमेश्‍वरदे ख्रीष्‍टप्रे क्‍यूत्‍देबे ख्रीष्‍टजे लागिने सृष्‍टि चीम्‍मीदे।

१ थेसलोनिकी 2:12

येरेक्‍यूत्‍देबे यी नमयूजे आनिबानि परमेश्‍वरदे छेब लायक‍जे क्‍यूस्‍स्‍य, ङूदे नमयूने ङूजे रङ्सेजे राज्‍य मेस्‍ये महिमाने कोय।

१ थेसलोनिकी 4:7

चेनेयलो परमेश्‍वरदे ङीनने अशुद्धजे लागि क्‍व दी, तर पवित्र जीया चने क्व ख्यङ्।

२ थेसलोनिकी 2:14

अम्‍बजे लागिने ङीयूदे स्‍य्‍वेब सूगब खबरजे लम् क्‍यूत्‍देबे नमयूदे ङीन्जे प्रभु येशू ख्रीष्‍टजे महिमा प्रेस्‍स्‍य यदेबे परमेश्‍वरदे नमयूने कोदे।

१ तिमोथी 4:8

चेनेयलो ङीन ङ्वजे तालिम तेदिनजे लागित्‍या फाइदा क्‍यूक्‍क्‍य, तर परमेश्‍वरने मन्‍दीलो कलङ्ने यली फाइदा क्‍यूक्‍क्‍य, चेनेयलो अम्‍बदे जूचोजे जीया मेस्ये ङ्येजे जीया ङ्‍हीजेने फाइदाजे लागि कबुल चे ख्यङ्।

२ तिमोथी 1:9

परमेश्‍वरदेने ङीनने उद्धार चीम्‍मीदे, रङ्से मी चेने कोदे। अम्‍बब ङीनदे चेब कामदे दी, तर ङूजे रङ्सेजे उदेश्य मेस्‍ये अनुग्रहदे चे ख्यङ्। हम्‍ब ङूदे ख्रीष्‍ट येशूने जूग्‍दे-जूग्‍मेस्‍येने ङीनजे लागि पीने ख्‍य,

हिब्रू 1:3

परमेश्‍वरने ख्‍यब महिमाजे रूप् चने तङ्क्‍य मेस्‍ये परमेश्‍वरजे स्‍वभावयू क्‍वाने ङूप्रे ख्यङ्, होर्‌दे अम्‍ब संसारने ख्‍यब साप्‍ता सेयू रङ्से शक्‍तिजे वचनदे रङ्से रङ्से नेने छ्‌यान ख्यङ्। मीयूजे पापने क्षमा पीन जेन ङ्येदे महिमाने ख्‍यब परमेश्‍वरजे स्येत्‍देयोर्‌ देन् छ्‍यादे।

१ पत्रुस 1:15

तर नमयूने क्‍वब परमेश्‍वर पवित्र ख्‍यप्रने नमयू रङ्सेजे आनि-बानीयू क्‍वाने पवित्र चीदो।

१ पत्रुस 1:5

नमयूदे चेब विश्‍वासदे मूक्ति अम्‍प्रेत्‍दासेमे परमेश्‍वरजे शक्तिदे नमयूने जूक्‍तीमीय, हम्‍ब मुक्ति नमयूजे लागि पीनने छ्‌योदे ख्यङ्, अम्‍ब पात्‍ता ङ्येजे दिन म्‍याजे खूम्‍ने तङ्‍रमल्‍न ख्यङ्।

१ पत्रुस 2:21

चेनेयलो अम्‍ब काम फरने परमेश्‍वरदे नमयूने क्‍व ख्यङ्। ख्रीष्‍टदेये नमयूजे लागि सकस् भोक्‍तीदे, होर्‌दे नमयूजे लागि नमूनात्‍या पीने ख्यङ्, मेस्‍ये नमयू ङूदे तनब लम्‍ने प्र पर्‌दीय।

१ पत्रुस 2:9

तर नमयूब सेल्‍देबे हीतेब वंश, मूरुम्जे पूस्‍र्‌या, पवित्र मीयू, मेस्‍ये परमेश्‍वरजे रङ्से मीयू ख्यङ्। ङूजे हार्‌मन्‍देब कामयूजे पो नमयूदे बोङ्बे स्‍य्‍वे खूस्‍य यदेबे ङूदे नमयूने मून्‍दूङ् ख्‍यनेदे सोरो हार्‌मन्‍देब ज्‍य ओथ्याङ् ख्‍यनेने रेत्‍दे।

१ पत्रुस 3:9

कोइ मीदे अन्‍ज्‍य चीत्‍देयलो ङूने अन्‍ज्‍य अन्‍चील्‍लाची, या ह्‍यल चीत्‍देयलो ङूने ह्‍यल अन्‍चील्‍लाची, तर हम्‍बजे सट्‍टने असी पीनब क्‍यूरो, चेनेयलो नमयूदे असी प्रेखूस्‍य यदेबे अम्‍ब कामजे लागिने परमेश्‍वरदे नमयूने क्‍व ख्यङ्।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।

२ पत्रुस 1:10

येरेक्‍यूत्‍देबे अत-अजी च्योन्‌यू, परमेश्‍वरदे नमयूने क्‍व ख्यङ् मेस्‍ये सेल ख्यङ् यब पो पक्‍क चेने बेस्‍से बोङ् ची। अम्‍ब पोयू चीत्‍देयलो नमयूदे रङ्से विश्‍वास कलङ्बेये क्यापीसे त्वो।

२ पत्रुस 1:2

परमेश्‍वरजे मेस्‍ये येशू ङीन प्रभुजे ज्ञानने अनुग्रह मेस्‍ये शान्ति नमयू फ्‍याने बेस्से कूम क्‍यूप्‍पस्‍य।

२ पत्रुस 1:5

येरेक्‍यूत्‍देबे खूदासेमे नमयूजे विश्‍वासने भोलो चेब काम थप्देने बोङ् ची। भलो चेब कामने ज्ञान थप्‍दी,

२ पत्रुस 1:6

ज्ञानने रङ्सेदे रङ्सेने कबूने येनब, रङ्सेदे रङ्सेने कबूने येनब पोने धेरेन्, धेरेन्‍ने परमेश्‍वरजे डर येब पो,

२ पत्रुस 1:8

चेनेयलो अम्‍ब गुणयू नमयूप्रे बेस्‍से कूम म्‍यूर्‌न ख्यङ् यलो ङीन्जे प्रभु येशू ख्रीष्‍टजे ज्ञानने अम्‍ब गुणयूदे नमयूने चैकम्‍ते मेस्‍ये फल पीन अङ्ख्‍व क्‍यूस्‍स्ये अम्‍पीन्।

२ पत्रुस 2:20

कादेये थमयूदे ङीनजे प्रभु मेस्‍ये मुक्ति पीनब येशू ख्रीष्‍टने स्‍येदेबे संसारजे अन्‍ज्‍य कामयू पोङ्यीदे, होर्‌देङ्‍येदे फेरि पापजे लम्ने ल्‍वारदेबे पापजे तो क्‍यून्‍नूदेयलो, थमयूजे हम्‍ब खूम्‍जे जीयायली ङ्‍येजे जीया झन् थेप् अन्‍ज्‍य क्‍यूक्‍क्‍य।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।