२ पत्रुस 1:12 - घले नयाँ करार

¹² येरेक्‍यूत्‍देबे अम्‍ब पोयू क्‍वाने नमयूदे स्‍येली मेस्‍ये नमयूदे लोम्‍कब तम्दम् पो सेम्ने बोल्यो चीत्‍देबे येन्‍नूलीने ङ नमयूने अम्‍ब पोयू येतार्‌ने ह्‍वेरलाबे चीम्‍मीय।

२ पत्रुस 1:12 ပူးပေါင်းရင်းမြစ်များ

मूल स्यूस्स्यायूजे कामजे किताब 16:5

येर्‌बे मण्डलीयू विश्‍वासने बोल्यो क्यूत्देबे दिनजेने विश्‍वासीयू कूम फ्यारदे।

फिलिप्पी 3:1

आखिरीने अत-अची च्योन्‌यू, प्रभुप्रे क्‍यूत्‍देबे सेम् सूग्नू। मालाङ् नमयूने लिख्दीकब पोयू फेरि लिख्‍देने ङ अन्‍छर्‌, चेनेयलो अम्‍ब पोदे नमयूने ज्‍य चीक्‍क्‍य।

कलस्सी 1:5

अम्‍ब विश्‍वास मेस्‍ये प्रेम नमयूजे लागि स्‍वर्गने जूक्‍तीदेबे हीतेब आशाजे कारणदे क्‍यूर ख्यङ्। हम्‍ब पोयू नमयूदे मालाङ्ने तम्दम्जे वचनने, या सूगब खबरने तैक ख्यङ्।

कलस्सी 2:7

नमयूने लोम्येब पो अनुसार‌ येशूने चेलाबे छ-च्‍वोदेबे ङू-फ्याने रङ्सेजे जीया चब क्यूरो। होर्‌दे विश्‍वासने सोरो बोल्यो क्‍यूत्‍देबे कलङ्नेयली ङूने धन्‍यवाद पीन्‍नब क्‍यूरो।

१ तिमोथी 4:6

कादेये नदे अत-अची च्योन्‌यूजे खूम्‍ने येर पो लोम्‍मीदे यलो नदे मन्‍दीनब ज्‍य शिक्षा मेस्ये विश्‍वासजे वचनने बोल्यो क्‍यूत्‍देबे न ख्रीष्‍ट येशूजे लागि ज्‍य सेवा चेब क्‍यूक्‍क्‍य।

२ तिमोथी 1:6

होरेक्‍यूत्‍देबे ङ नने ह्‍वे चीम्‍मीय, ङैदे नैफ्‍याने ला हीप्प नदे प्रेब परमेश्‍वरजे बर अम्‍मल्‍कालाबे काम चीन्‍नू।

हिब्रू 10:32

हम्‍ब खूम्‍जे दिनयूने ह्‍वे ची। परमेश्‍वरजे ओथ्याङ् प्रेक्‍कङ्‍येदे नमयू फ्याने अन्ज्य सकस्यू पर्‌तीरलीने कूम धेरेन् क्यूत्देबे टूङ्दे।

हिब्रू 13:9

थर्‌-थर्‌जे मेस्‍ये नोङ्ल्‍या पोयू लोम्‍मीदेबे नमयू होम्‍कीने। चेनेयलो च-थूङब पोजे छ्‌यप्दे दी, तर परमेश्‍वरजे अनुग्रहदे सेम् बोल्यो क्‍यूरब सोरो ज्‍य ख्यङ्, होर छ्‌याप्यूदे हम्‍ब मन्‍देबयूने चैये फाइदा अन्‍ची।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।

१ पत्रुस 5:12

ङैजे भर्‌पर्‌तेब च्‍योन् सिलासदे अम्‍ब ठून्‍यात्‍या चिट्ठी लिख्‍देने साक्‍तीमे ख्यङ्। अम्‍बने परमेश्‍वरजे तम्दम् अनुग्रह ख्यङ् यदेबे आँट पीनने मेस्‍ये गवाही पीनने अम्‍ब पो यीय। अम्‍ब अनुग्रहने नमयू बोल्यो क्‍यूत्‍देबे टूनू।

२ पत्रुस 1:13

ङ अन्‍सीबदासेमे नमयूदे अम्‍ब पोयू अन्-येल्‍गस्‍य यदेबे ह्‍वे चीम्‍मीनब ङैदे ठीक थेको।

२ पत्रुस 1:15

नमयूदे ङ सीब ङ्‍येदेये अम्‍ब पोयू येतार्‌ने ह्‍वेरीनूस्‍य यदेबे खूदासेमे ङ बोङ् चीन्‍नीय।

२ पत्रुस 3:1

ङैजे छेब ख्योन्‌यू, अम्‍ब दोस्रो चिट्ठी ङैदे नमयूने लिख्दीन ख्यङ्, मेस्‍ये अम्‍ब चिट्ठी ह्ङीने थेप्प्र पोयूजे ह्‍वेरलाबे चीत्देबे नमयूजे ज्‍य सेम्‍ने बोल्यो चीम्‍मे ख्यङ्,

२ पत्रुस 3:17

येरेक्‍यूत्‍देबे छेब ख्योन्‌यू, अम्‍ब पो खूम्‍ने चेलाबे कोदेबे होस्स्यार क्‍यूरो। दुष्‍ट मीयूजे लूच्‍च पोयूने तीप्‍लीङ्-छोप्‍लीङ् क्‍यूत्‍देबे रङ्सेदे चीन्‍नब बोल्यो विश्‍वासने अन्क्यापीलाची।

१ यूहन्‍ना 2:21

नमयूदे सत्य अन्‍स्‍ये ख्यङ् यदेबे ङैदे अम्‍ब लिख्दे दी, तर सत्यदे लूच्‍च चैत्‍याये योङ्‍रस्‍ये त्‍वो यब पो नमयूदे स्‍येक ख्यङ् यदेबे ङैदे नमयूने लिख्दे ख्यङ्।

२ यूहन्‍ना 1:2

चेनेयलो सत्‍य ङीनप्रे ख्यङ् मेस्‍ये हम्‍ब येतार्‌ने ङीनप्रे क्‍यूक्‍क्‍य। हम्‍बजे लागि नमयूने प्रेम चीक्‍क्‍य।

यहूदा 1:17

तर ङैजे छेब ख्योन्‌यू, नमयूब ङीनजे प्रभू येशू ख्रीष्‍टजे मूल स्यूस्स्यायूदे खूम्‍ने येयेब पोयू ह्‍वे ची।

यहूदा 1:3

ङैजे छेब ख्योन्‌यू, ङीन क्‍वादेने प्रेब मुक्तिजे बारेने ङ सोरो लिख्दीतीङ् रथेको, होरेक्‍यूत्‍देबे रङ्सेजे पवित्र मीयूने परमेश्‍वरदे येतार्‌ने पूग्‍दीलाबे त्‍याफेने पीनब विश्‍वासजे लागि नमयूने बोङ् पीनने पर्‌दीय यप्र थेको।

यहूदा 1:5

अम्‍ब साप्‍ता पो नमयूदे त्‍याफे स्‍ये ख्यङ्लीने, चूजो ङैदे फेरि त्‍याफे नमयूने ह्‍वेरलाबे चीम्‍मीतीङ् रख्यङ्, मीश्र देशदे योन्‍देबे रेब मीयू नङ्ने विश्‍वास अन्‍चेबयूने ङ्येदे परमप्रभूदे नाश चीत्‍दे।