२ पत्रुस 1:11 - घले नयाँ करार

¹¹ येर्‌बे ङीनजे प्रभु मेस्‍ये मुक्ति पीनब येशू ख्रीष्‍टजे येतार्‌ने टूनब राज्‍य नङ्ने परमेश्‍वरदे नमयूने बेस्‍से केन् चीत्देबे स्वागत चीक्क्य।

२ पत्रुस 1:11 ပူးပေါင်းရင်းမြစ်များ

मत्ती 25:34

“होर्‌दे मूरुम्दे रङ्सेजे स्येत्‍तेयोर् टूङब मीयूने यीय, ‘ख, ङैजे पजे असी प्रेब मीयू! संसारजे सुरुमेस्‍येने नमयूजे लागि तयार चीत्‍दे हीतेब राज्‍यने रदेबे टूङ्‍ख,

यूहन्‍ना 10:10

“खूमान् ब ख्‍वने, सेने मेस्ये नाश चेने त्‍यामे रीय। ङ ब नमयूदे जीया प्रेस्‍स्‍य, मेस्‍ये हम्‍ब पूरा रुप्ने प्रेस्‍स्‍य यदेबे रदे।

रोमी 2:4

या परमेश्‍वरजे कृपादे नने पश्‍चात्ताप चीत्‍देबे ज्‍य लम्‍ने स्‍योल्‍क्‍य यब पो था अम्‍प्रेत्‍देबे, नदे परमेश्‍वरजे दया, सैदीन ख्‍वब बोङ्ने, अन्-आ‍तीलाबे रेन्‍न ख्‍वाब बोङ्ने चैकम्दे मनऔ?

१ कोरिन्थी 15:24

कन्‍छ्वाब ङूदे हुकुमयू, हकयू मेस्‍ये शक्तियू क्‍वाने नाश चीत्‍देबे प-परमेश्‍वरने राज्‍य सूम्‍दीबीय हन्‍छ्वाब संसारजे अन्‍त क्यूक्‍क्य।

२ कोरिन्थी 5:1

चेनेयलो अने पृथ्वीने टूङब पल्‍जे कीम्प्र ङीजे अम्‍ब नाश क्यूप्पब ङ्व नाश क्‍यूत्‍देबे प्रलीने स्वर्गने कलङ्नेयली टूनब कीम् परमेश्‍वरदे ङीने पीन ख्यङ्, हम्‍बब मीजे लादे थ्‍यायेब कीम् दी यदेबे था ख्यङ्।

एफिसी 3:20

ङीन नङ्ने काम चेब ङूजे शक्तिदे ङीनदे स्‍य यली थेप् मेस्‍ये मन्‍न-यली बेस्‍से थेप् पीन खूइय,

१ तिमोथी 6:17

केन् अन्‍त्‍वोल्‍लाची यदेबे अम्‍ब संसारजे फ्‍योबोयूने आज्ञा पीन्, मेस्‍ये येतार्‌ने अन्‍टूनब सीर-सम्पत्तिने दी तर ङीनने साप्‍ता थोकने बेस्‍से पीनब परमेश्‍वर फ्‍याने थमयूदे आशा चीस्‍स्‍य।

२ तिमोथी 4:18

प्रभुदे ङैने साप्‍ता खराब थोकयू ट्‍यादे जूक्‍दीमीय, ङूजे स्वर्गजे राज्‍यने स्‍योल्‍गेजे लागि ङैने उद्धार चीम्मीय। ङूजे येतार्‌ने महिमा क्‍यूस्स्‍य। आमेन।

२ तिमोथी 4:8

जेम्‍सेमेस्‍ये ङैजे लागि धार्मिक्ताजे मुकुट तयार चीत्‍देबे हीते ख्यङ्। ठीक न्याय चेब प्रभुदे हम्‍ब दिन‍ने ङैने अम्ब मुकुट कूमीय। ङैनेत्‍या दी, तर फेरि ङू रब लम् लेन्‍नब जीती क्‍वानेने पीन्क्य।

हिब्रू 6:17

परमेश्‍वरदे पीनब कबुल प्रेबमीयूने ङू रङ्सेदे चेब कबुल अनुसारने पक्‍क पीन्‍क्‍य यब पो तनब सेम् चीत्‍दे, ङूदे हम्‍ब पोने कसम चदेबेने पक्‍क चीत्‍दे।

२ पत्रुस 1:1

येशू ख्रीष्‍टजे त्वो मेस्‍ये मूल स्‍यू‍स्स्‍या ङ सिमोन पत्रुसदे, ङीनजे परमेश्‍वर मेस्‍ये मुक्ति पीनब येशू ख्रीष्‍टजे धार्मिकतादे ङीनजेप्रने सोरो केन् विश्‍वास चेबयूने:

२ पत्रुस 1:5

येरेक्‍यूत्‍देबे खूदासेमे नमयूजे विश्‍वासने भोलो चेब काम थप्देने बोङ् ची। भलो चेब कामने ज्ञान थप्‍दी,

२ पत्रुस 2:20

कादेये थमयूदे ङीनजे प्रभु मेस्‍ये मुक्ति पीनब येशू ख्रीष्‍टने स्‍येदेबे संसारजे अन्‍ज्‍य कामयू पोङ्यीदे, होर्‌देङ्‍येदे फेरि पापजे लम्ने ल्‍वारदेबे पापजे तो क्‍यून्‍नूदेयलो, थमयूजे हम्‍ब खूम्‍जे जीयायली ङ्‍येजे जीया झन् थेप् अन्‍ज्‍य क्‍यूक्‍क्‍य।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।

प्रकाश 3:21

सूदे ट्‌याय, हम्बने ङैजे सिंहासनने ङैप्रे टूङ्से पीन्क्य, केर्‌बे ङ रङ्सेदेये ट्‍या ख्यङ्, मेस्ये ङैजे पप्रे ङूजे सिंहासनने टुङप्रे ख्यङ्।

प्रकाश 5:10

थमयूने राज्‍यत्‍या पीन्‍देबे ङीन्जे परमेश्‍वरजे सेवा चेब पूस्‍र्‌यायू चीम्‍मे ख्यङ्, मेस्‍ये थमयूदे पृथ्‍वीने राज्य चीक्‍क्य।”