२ यूहन्‍ना 1:5 - घले नयाँ करार

⁵ परमेश्‍वरदे छेब मदीचीमी, ङैदे नने आज्ञा सर् लिख्दे दी, तर कम्ब आज्ञा सुरुमेस्‍येने ङीनप्रे ख्‍य हम्बने लिख्दीन ख्यङ्– ङीन त्‍यादे त्‍याने प्रेम चेपर्‌तीय यदेबे ङ नने बिन्‍ती चीक्‍क्‍य।

२ यूहन्‍ना 1:5 ပူးပေါင်းရင်းမြစ်များ

यूहन्‍ना 15:12

“अम्‍ब ङैजे आज्ञा ख्यङ्, ङैदे नमयूने केर्‌बे प्रेम चीत्‍दे, होरप्रने नमयूदेये त्‍यादेत्‍याने प्रेम ची।

यूहन्‍ना 15:17

नमयू त्‍यादेत्‍याने प्रेम ची, यदेबे ङ नमयूने आज्ञा पीन्क्‍य।

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

एफिसी 5:2

नमयू त्‍यादे त्‍याने प्रेम ची, केर्‌बे ख्रीष्‍टदेये ङीनयूने प्रेम चीत्‍दे, मेस्‍ये परमेश्‍वरने सेम् पर्‌तेब लेम बस्‍न रब भेटी मेस्ये बलिजे रुप्ने ङीनजे लागि रङ्सेजे जीया बलि पीन्‍दे।

१ थेसलोनिकी 4:9

तर अत-अची च्योन्‌यूजे प्रेमजे बारेने सूदेये नमयूने लिख्दे पर्‌देब हर्‌जो त्‍वो, चेनेयलो त्‍यादे सूजोने प्रेम ची यब परमेश्‍वरजे शिक्षा नमयूदे प्रे ख्यङ्।

हिब्रू 13:1

नमयू अत-अची च्योन्‌यूप्र क्‍यूत्‍देबे त्‍यादे त्‍याप्रे प्रेम चीन्‍नू।

१ पत्रुस 4:8

पात्‍ता नङ्ने केन् पोब त्‍यादे त्‍याने सेम् नङ्देमेस्‍येने प्रेम चीन्‍नू। चेनेयलो प्रेमदेने बेस्‍से कूम पापयूने उप्‍क्‍य।

२ पत्रुस 1:7

परमेश्‍वरजे डर येनब पोने अत-अची च्योन्‌यू अन्द्रजे माया, अत-अची च्‍योन्‍जे अन्द्रजे मायाने प्रेम थप्दी।

१ यूहन्‍ना 3:11

नमयूदे खूम्‍मेस्‍येने तब खबर अम्‍ब ख्यङ्, “ङीनदे त्‍यादे त्‍याने प्रेम चे पर्‌दीय।”

१ यूहन्‍ना 3:23

ङीनदे ङूजे च येशू ख्रीष्‍टजे मीन्‍ने विश्‍वास चे पर्‌तीय, मेस्‍ये ख्रीष्‍टदे ङीनने आज्ञा पीन अनुसार‌ त्‍यादे त्‍याने प्रेम चे पर्‌तीय यब अम्‍ब परमेश्‍वरजे आज्ञा ख्यङ्।

१ यूहन्‍ना 4:20

सूदे परमेश्‍वरने प्रेम चीक्‍क्‍य यीय, तर रङ्से अत-अची च्‍योन्‍ने ह्‍यल चीक्‍क्‍य यलो हम्‍ब लूच्‍च क्‍यूक्‍क्‍य, चेनेयलो रङ्सेदे तङब रङ्सेजे अत-अची च्‍योन्‍ने प्रेम अन्‍चेबदे अन्‍तङब परमेश्‍वरने प्रेम चे अङ्‍खू।

२ यूहन्‍ना 1:1

ङ एल्‍डरदे, परमेश्‍वरदे सेलेब मदीचीमी मेस्‍ये ङूजे च-चीमीयूने, नमयूने तम्दम्‍ने माया चीक्‍क्‍य, तर ङैदेत्‍याये दी, सत्‍यने स्‍येब क्‍वादेने प्रेम चीक्‍क्‍य।