२ कोरिन्थी 8:7 - घले नयाँ करार

⁷ तर नमयू विश्‍वासने, शिक्षा पीनब कामने, ज्ञान‍ने, साप्‍ता काम फरब जङ्‍कर्‌ने, मेस्‍ये ङीने चेब प्रेमने होरदे साप्‍ताकूरूने केरे सोरो ज्‍य क्‍यूप्‍पीन ख्यङ्, होरप्रने अम्‍ब दान पीनब कामनेये नमयू थेप् पीनब क्‍यूप्‍पीनूस्‍य यदेबे ङी सेम् चीन्‍न ख्यङ्।

२ कोरिन्थी 8:7 ပူးပေါင်းရင်းမြစ်များ

मत्ती 25:22

“मन्‍द्रमूली ङ्‌ही प्रेब त्‍वो-त्‍वोम रदेबे यरे यरदे, ‘मालिक, नदे ङैने मन्‍द्रमूली ङ्‍ही पीनख्‍य। ले, ङैदे सूजो थेप् मन्‍द्रमूली ङ्‍ही कम्दीदे।’

रोमी 15:14

अत-अची च्योन्‌यू, नमयू रङ्सेये मीजे भलो मे-ख्यङ्, होर्‌दे साप्‍ता पोजे ज्ञान नमयूदे पूरा रुप्दे प्रेत्देबे त्‍यादे-त्‍याने लोम्‍मे खूइय यदेबे ङ ढूक्‍क ख्यङ्।

१ कोरिन्थी 1:5

चेनेयलो नमयू ख्रीष्‍ट येशूप्रे क्‍यूत्देबे साप्‍ता तर्‌तीप्दे, साप्‍ता बोलीने, मेस्‍ये साप्‍ता ज्ञानने फ्‍योबो क्‍यूर ख्यङ्-

१ कोरिन्थी 12:13

चेनेयलो यहूदी क्‍यूल्‍लीने, ग्रीक क्‍यूल्‍लीने, त्वो-त्वोम क्‍यूल्‍लीने, त्वो-त्वोमदे स्वतन्त्र क्यूल्लीने तीत्यात्या पवित्र आत्मादे ङीन क्‍वाने बप्तिस्मा क्‍यूर प्रेत्‍देबे ङ्वत्‍या क्‍यूर ख्यङ्, मेस्ये परमेश्‍वरदे त्याप्र पवित्र आत्मा ङीन क्‍वानेने पीन्‍दे।

१ कोरिन्थी 12:8

कोइने पवित्र आत्मादे बुद्धिजे पो क्‍यमब, कोइने पवित्र आत्मादे य अनुसार ज्ञानजे पो क्‍यमब,

१ कोरिन्थी 13:2

ङैप्रे अगमवाणी क्‍यम ख्‍वब शक्ति ख्यङ्स्ये, मेस्‍ये क्‍व अङ्ख्‍वब नङ्सू पोयू, साप्‍ता थर्‌जे ज्ञानयूये क्‍व खूस्ये, होर्‌दे केन् गङ्यूने हर्‍दे ख्‍वबसेमेजे पूरा विश्‍वास ङैप्रे ख्यङ्लीने, ङैजे सेम्ने प्रेम त्‍वोदेयलो ङ चैत्‍याये दी।

१ कोरिन्थी 13:8

अगमवाणीयू मल्‍बीय, सूजो-केयू अन्क्यम क्यूप्पीय, ज्ञानजे पोयू क्‍वाने मल्‍बीय, तर प्रेम कलङ्बेये मल्‍बस्‍ये त्‍वो।

१ कोरिन्थी 14:12

येर्‌बेने नमयूये पवित्र आत्माजे बरयू प्रेने सोरो सेम् चेब क्‍यूत्‍देबे मण्डलीजे विश्‍वासने सोरो ज्‍य बोल्यो चे खूस्‍य यदेबे छेम्‍प्रे ची।

१ कोरिन्थी 4:7

सूदे नमयूने सूजो मीयू यली केन्-मी चीम्‍मीदे? नमयूप्रे च ख्‍य हम्ब साप्‍ताने परमेश्‍वरदे पीनब तेया? होर्‌दे नमयूदे हम्‍ब प्रेक्‍क ख्यङ् यलो परमेश्‍वरदे पीनब हम्‍ब बर तेप्र चीत्‍देबे नमयू चेने केन् त्‍वे?

२ कोरिन्थी 7:7

मेस्‍ये तितस फ्‍योरदेत्‍या दी, तर नमयूदे ङूजे सेम्‍ने पीनब सान्त्वनादेये ङैजे सेम्‍दे सान्त्वना प्रे ख्‍य। नमयूदे ङैने सोरो तूतीङ्‍रेनब पो, ङैजे लागि सोरो सूर्‌त चीन्‍नब मेस्‍ये सोरो कूम चीन्‍ता चीन्‍नब पोये ङूदे ङीने स्‍योत्‍दे, होरेक्‍यूत्‍देबे ङैजे सेम् सोरो थेप् सूग्‍दे।

२ कोरिन्थी 8:6

येरेक्‍यूत्‍देबे खूम्मेस्‍येने तीतसदे नमयूने दान पीनने आँट पीन ख्य, मेस्ये चूजो नमयू ट्‍याने रदेबे हम्ब दान पीनब काम पूरा चीस्स्य यदेबे ङीदे ङूने बिन्ती चीत्दे।

२ कोरिन्थी 9:14

परमेश्‍वरजे सोरो कूम अनुग्रह नमयूदे प्रेत्‍दे, होरेक्‍यूत्‍देबे थमयूदे नमयूने सोरो कूम माया चे‍ ख्यङ्, मेस्‍ये नमयूजे लागि प्रार्थना चे ख्यङ्।

२ कोरिन्थी 9:8

परमेश्‍वरदे नमयूने थर्‌-थर्‌जे असीयू बेस्‍से कूम पीन खूइय, येरेक्‍यूत्‍देबे येतार्‌ने नमयूप्रे थर्‌-थर्‌जे सेयू बेस्‍से कूम क्‍यूस्‍स्‍य, मेस्‍ये सोरो ज्‍य थर्‌-थर्‌जे कामयूजे लागि नमयूदे बेस्‍से कूम पीन खूस्‍य।

एफिसी 4:29

नमयूजे ङूर्‌दे अन्ज्‍य बोली अन्-योन्स्य, तर चैदेब ज्‍य मेस्‍ये सूधारदीदेबे ज्‍य स्यूलूक्कै बूलीत्‍या क्‍यमब ची, मेस्‍ये ङ्यीनब मीयूदे अनुग्रह प्रेस्‍स्‍य।

फिलिप्पी 1:11

परमेश्‍वरजे महिमा मेस्‍ये सार्‌याजे लागि नमयूजे जीया येशू ख्रीष्‍टदे फल लोस्ये पीनब सोरो ज्‍य स्वभावयूदे फ्यानब क्‍यूस्‍स्‍य।

फिलिप्पी 1:9

ज्ञान मेस्‍ये ज्‍य अन्‍ज्‍य चेलाबे सेल ख्‍वब बुद्धिने नमयूजे प्रेम थेप् थेप् क्‍यूप्‍पीनूस्‍य यदेबे ङ प्रार्थना चीन्‍न ख्यङ्,

२ थेसलोनिकी 1:3

अत-अची च्योन्‌यू, नमयूजे विश्‍वास कूमने बढ्दीन ख्यङ्। त्‍यादे-सूजोने झन् थेप्थेप् प्रेम चीन्‍न ख्यङ्। अम्‍ब कारणदे नमयूजे बारेने येतार्‌ने ङीदे परमेश्‍वरने धन्‍यवाद पीनने पर्‌देख्यङ्।

२ तिमोथी 2:1

येरेक्‍यूत्‍देबे, ङैजे च तिमोथी, ख्रीष्‍ट येशूने ख्यब अनुग्रहने बोल्‍यो क्‍यूरो।

हिब्रू 12:28

येरेक्‍यूत्‍देबे लीङने अङ्ख्‍वब राज्‍य प्रेब क्यूत्देबे ङीन परमेश्‍वरने धन्‍यवाद पीने। येर्‌बे परमेश्‍वरने मन्‍देब, गेसेन् चेब मेस्‍ये फब क्यूत्देबे ङूने पूस्‍तीदे।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।

प्रकाश 3:17

“ङ फ्‍योबो ख्यङ्, ङैप्रे कोलानेयली सम्पत्ति ख्यङ्, मेस्‍ये ङैने चैये हर्‌जो त्‍वो” यदेबे नदे य ख्यङ्, तर न दूख्‍या, ङ्‍येमत्‍या, दूख्‍प्रेब, म्‍या अन्‍तङब मेस्‍ये च्‍यङ्ली ख्‍यब पो नने था त्‍वो।