२ कोरिन्थी 8:10 - घले नयाँ करार

¹⁰ अम्‍ब पोने ङैजे मोतो येर ख्यङ्- वर्षत्‍या खूम् दान पीनब काम नमयूदे सुरुत्‍यामे चे दी, तर हम्‍ब काम चेब सोरो सेम्‍ये चीन्‍न ख्‍य, जेम्‍से हम्‍ब काम पूरा चील्‍लो नमयूने सोरो ज्‍य क्‍यूक्‍क्‍य।

२ कोरिन्थी 8:10 ပူးပေါင်းရင်းမြစ်များ

मत्ती 10:42

अम्‍ब चीदमीयू नङ्ने सूदे चीदत्‍याने ङैजे स्यूस्स्या मन्‍देबे कप्‍त्या क्‍यू सीम्नेयली थूङ्स्ये पीन्‍क्‍य, तम्दम्‍ने ङ नमयूने यीय, ङूदे रङ्से इनाम केरेनेक्यूल्ली प्रेक्‍क्‍य।”

यूहन्‍ना 11:50

पूरा देश नाश क्‍यूप्‍प यली मीयूजे लागि मी तीत्‍यात्‍या सीबब ज्‍य ख्यङ् यदेबे नमयूदे अन्‍स्‍ये।”

यूहन्‍ना 16:7

होर्‌दे ङ नम‍यूने तम्दम् पो यीय, नमयूजे फाइदाजे लागि ङ प्रेन ख्यङ्। ङ अम्‍प्रलो, मोतो पीनब नमयू ट्‌याने रस्‍ये त्‍वो तर ङ प्रलो ङू नमयू ट्‌याने कूल्‍बीय।

यूहन्‍ना 18:14

‘मीयूजे लागि मीत्‍यात्या सीबब ज्‍य ख्यङ्’ यदेबे यहूदीयूने मोतो पीनब अम्‍ब कैयाफा ख्‍य।

१ कोरिन्थी 10:23

“साप्‍ता थोकने चेक्यूक्क्य”, तर साप्‍ता थोकदे भलो अन्‍ची। “साप्‍ता थोकने चेक्यूक्क्य”, यदेबे यीय तर साप्‍ता पोदे ङीनने सूधार चेब काम अन्‍ची।

१ कोरिन्थी 16:2

सतजे पीछीने पात्‍ता खूम्जे दिनने नमयू खोत्‍तादेने रङ्से रङ्सेदे केमेदे अनुसार नोर्‌ छीत्‍या छूर्‌दीदेबे फूङ् पून्‍नू, चेनेयलो ङ होने रब भेटी लङ्न अम्‍पर्‌तीस्‍य।

१ कोरिन्थी 6:12

कोइदे यीस्‍ये, “ङैदे चने चील्‍लीने क्‍यूक्क्‍य।” तर अम्ब साप्‍ता पोदे नमयूजे फाइदा अन्‍ची। ङैदेये य ख्‍व ख्यङ्दे, “ङैदेये चने चील्‍लीने क्‍यूक्‍क्‍य”, तर ङ कम्ब पोजेये त्वो क्‍यूत्‍देबे अन्‍टोङ्।

१ कोरिन्थी 7:25

जेम्‍से कन्‍यायूजे बारेने प्रभुजे आज्ञा ङैप्रे चैत्‍याये त्‍वो। तर प्रभुजे कृपादे भर्‌पर्‌देब मी क्‍यूत्‍देबे नमयूने रङ्से मोतो पीन्‍क्‍य।

१ कोरिन्थी 7:40

तर ङैजे विचारने ङू ङ्येन् अन्‍चील्‍लाबे होरेने टूङ्लो झन् आनन्द क्यूक्क्य, होर्‌दे ङैप्रेये परमेश्‍वरजे आत्मा ख्यङ् यदेबे ङ ह्‍वे चीक्क्य।

२ कोरिन्थी 12:1

अम्‍बदे चैये फाइदा अन्‍क्‍यूल्‍लीने ङ त्‍वोन्‍न पर्‌ते ख्यङ्। प्रभुदे पीन्‍देबे प्रेब दर्शनयू मेस्‍ये ङूदे तम्‍मेब नङ्सू पोयू ङैदे येन ख्यङ्।

२ कोरिन्थी 8:6

येरेक्‍यूत्‍देबे खूम्मेस्‍येने तीतसदे नमयूने दान पीनने आँट पीन ख्य, मेस्ये चूजो नमयू ट्‍याने रदेबे हम्ब दान पीनब काम पूरा चीस्स्य यदेबे ङीदे ङूने बिन्ती चीत्दे।

२ कोरिन्थी 8:8

ङैदे अम्‍ब आज्ञा पीन दी, तर सूजो मीयूप्रे नमयूजे जोस् कर्‌देबे लेप्प नमयूजे प्रेमये तम्दम् ख्यङ् यदेबे प्रमाण पीनने ङैदे अम्‍ब य ख्यङ्।

२ कोरिन्थी 9:2

चेनेयलो पीनजे लागि नमयू जोसीलो क्‍यून्‍नब पो ङैने था ख्यङ्। वर्षत्‍या खूम्मेस्‍ये अखैयाने ख्‍यबयूदे पीनने छ्‌योन्‍न ख्यङ् यदेबे ङैदे नमयूजे पो माकेडोनियाजे मीयू खूम्‍ने केन् त्‍वोत्‍देबे य ख्‍य, नमयूजे पीन्‍तीङ्‍रेनब जोस्‍दे थमयू नङ्ने कूम मीयूने पीनजे लागि जोसीलो चीम्‍मे ख्यङ्।

फिलिप्पी 4:17

ङैदे नमयूट्‍यादे सूजो दान प्रेने दी, तर नमयूदे पीनब दानजे कारणदे परमेश्‍वरदे नमयूने इनाम पीन्स्य मन ख्यङ्।

हिब्रू 13:16

भलो काम फरने, मेस्‍ये रङ्सेप्रे ख्‍यब सेयू सूजोयूप्रे क्‍वेने येल अन्‍क्‍यूर्‌, चेनेयलो परमेश्‍वरने सेम् पर्‌तेब बलि अम्बने ख्यङ्।