२ कोरिन्थी 6:9 - घले नयाँ करार

⁹ कोइदे ङीने अन्‍स्‍येप्र क्‍यूल्‍लीने कूम मीयूदेने स्‍ये ख्यङ्। सीब मेल्‍नप्र क्‍यून्‍नूलीने ङी सोम्‍बो क्‍यून्‍न ख्यङ्, ङी सजाइ प्रेन्‍नूलीने च्‍योक्-अन्‍सेक्‍क ख्यङ्।

२ कोरिन्थी 6:9 ပူးပေါင်းရင်းမြစ်များ

मूल स्यूस्स्यायूजे कामजे किताब 17:18

इपिक्यूरी मेस्‍ये स्‍तोइकीजे यब दार्शनिकयू नङ्जेये कोइदे ङूप्रे सवाल-जवाफ चीत्दे। थमयू कोइदे यदे, “अम्‍ब ल-काब मी च य यी? सूजो फी देशजे देवी-देवतायूजे प्रचार चेप्र तङ्‍को।” चेनेयलो ङूदे येशू मेस्‍ये सीयेबदे सोम्‍बो क्‍यूरब पोजे प्रचार चेख्‍य।

मूल स्यूस्स्यायूजे कामजे किताब 19:26

नमयूदे तङ्न ख्यङ्, मेस्‍ये तैन ख्यङ्, अम्‍ब एफिससने त्‍या दीलाबे एशियाजे का-मुलुक‍ने लादे बन्‍देब देवदेवता चैये दी यदेबे पावलदे कूम मीयूजे हुल‍ने होम्‍देबे रङ्सेतेले कूते ख्यङ्।

मूल स्यूस्स्यायूजे कामजे किताब 25:19

तर थमयूजे सेम् लो अम्मील्‍ले क्‍यूरब पोब थमयूजे धर्म मेस्‍ये सीयेब येशूजे बारेने टोङ्, पावलदे अझ येशू सोम्‍बो ख्यङ् यदेबे पक्क चेख्यङ्।

मूल स्यूस्स्यायूजे कामजे किताब 25:26

अम्‍बजे बारेने ङैदे ङैजे मूरुम्ने लिख्‍देने पर्‌देब पोयू चैत्‍याये अन्तङ्। होरेक्‍यूत्‍देबे ङैदे ङूने नमयूजे खूम्ने, मेस्‍ये खास रूप्‍ने, ओ मूरूम् अग्रिपास, नैजे खूम्ने रे ख्यङ्, ङीदे अम्‍बजे जाँच चीक्कमेस्येब ङैदे चत्‍या लिख्देब पो प्रेक्‍की यब आशा चेख्यङ्।

रोमी 15:19

अम्‍ब काम ङैदे च्यूनूयू मेस्‍ये हार्‌मन्‍देब कामयूजे मेस्‍ये पवित्र आत्माजे शक्तिदे चेख्यङ्। येर्‌बे यरूशलेमदेमेस्‍ये इल्लुरिकनसेमे ङैदे ख्रीष्‍टजे सूगब खबर बेस्से चेलाबे स्‍योक्‍क ख्यङ्।

रोमी 8:36

धर्मशास्त्रने येरे लिख्दीये ख्यङ्, “नैजे लागि ङी येतार्‌ने सेक्‍कीय। ङी तूपने-मेब स्वान्‌प्र क्‍यून्‍न ख्यङ्।”

१ कोरिन्थी 11:32

तर कन्‍छ्वाब प्रभुदे ङीनने न्याय चीक्‍क्‍य, हन्‍छ्वाब संसारजे मीयूप्रे ङीनये दोषी अन्‍ठर्‌दीस्‍य यदेबे ङीनने सकस् पीन्‍क्‍य।

१ कोरिन्थी 15:31

अत-अची च्योन्‌यू नमयूदे चीत्‍देबे ङ प्रभु येशूजे मीन्‍ने केन् त्‍वोक्‍क्‍य, मेस्‍ये ङ दिन‍जे पीछीने सीबने तयार ख्यङ् यदेबे य खूइय।

१ कोरिन्थी 4:9

ङैदे येरे थेको सेक्‍क पर्‌दीय यदेबे दण्ड प्रेक्‍कबयूने जूलूसजे पात्‍ता ङ्‍येजे नेने येनप्रने परमेश्‍वरदे ङी मूल स्यूस्स्यायूने मीयू खूम्‍ने तनजे लागि येन ख्यङ्, चेनेयलो अम्‍ब संसार, स्वर्गदूतयू, होरदे मीयूजे खूम्‍ने ङी तमसा क्‍यूर ख्यङ्।

२ कोरिन्थी 11:6

ङ सोरो ज्‍य क्‍यम्‍से रब मी दी, तर ङैप्रे ज्ञान ख्यङ्। अम्‍ब पो ङीदे नमयूने साप्‍ता तर्‌तीप्‍दे चेला तम्‍मीक ख्यङ्।

२ कोरिन्थी 4:2

त्‍वा पर्‌तेब काम मेस्‍ये छ्‌यूप्‍देबे चेब अन्‍ज्‍य कामयू क्‍वाने ङीदे क्यापीक ख्यङ्। ङी तीप्‍लीङ्-छोप्‍लीङ् चेब काम अन्‍ची, परमेश्‍वरजे वचनने अदल-बदल अन्‍ची। तर परमेश्‍वरजे खूम्ने तम्दम् पो क्‍यम्‍क्‍य, मेस्ये भरपर्‌ते खल्‍जे मीयू क्वादेने अम्ब पो स्येय।

२ कोरिन्थी 5:11

येरेक्‍यूत्‍देबे प्रभुप्रे फ पर्‌दे ख्यङ् यब पो स्‍येदेबे ङीदे मीयूने प्रभुतेले ल्‍वाख यीय। तर ङीन कर ख्यङ् यब पो परमेश्‍वरदे स्‍येख्यङ्, मेस्‍ये अम्‍ब पो नमयूजे विवेकदेये चेलाबेने स्‍ये ख्यङ् यदेबे ङ आशा चीक्‍क्‍य।