२ कोरिन्थी 6:8 - घले नयाँ करार

⁸ ङीदे गेसेन् प्रेप्‍प मेस्‍ये गेसेन् अम्‍प्रे क्‍यूप्‍प, न पूप्‍प मेस्‍ये न-मीन् चील्‍लीब। ङीने ठग्‍देबयूप्र मन्‍क्‍य, तर ङी तम्दम् ख्यङ्।

२ कोरिन्थी 6:8 ပူးပေါင်းရင်းမြစ်များ

मत्ती 10:25

स्यूस्स्या रङ्से गुरुप्र मेस्‍ये त्‍वो रङ्से नोबोप्र क्‍यूर प्रेप्प सून्ताकी क्यूस्स्‍य, कादेये थमयूदे कीम्जे नोबोने बालजिबुल यदेयलो ङूजे कीम्-म्हीतीने झन् कोला थेप् यीय?

मत्ती 22:16

होर्‌दे थमयूदे रङ्सेजे स्यूस्स्यायूने मूरुम्जे मीयूप्रे येशू ट्‌याने कूल्‍बीदे। थमयूदे यदे, “गुरुज्‍यू, नदे तम्दम् पो क्‍यम्क्‍य यदेबे ङीने था ख्यङ्। नदे परमेश्‍वरजे तम्दम् लम् तम्‍मीय, मेस्‍ये न सूप्रेये अम्फ, चेनेयलो न मीयूजे त्‍वा लेत्‍देबे काम अन्ची।

मत्ती 27:63

मेस्‍ये थमयूदे यदे, ‘‘गुरु, हम्‍ब ठग्देबदे सोम्‍बो ख्यङ्ब ‘ङ सोम्म्‍या ङ्‍येदे फेरि सोम्‍बो क्‍यूत्‍देबे लङ्‍रीय’ यदेबे यब पो ङीने याद ख्यङ्।

मर्कूस 12:14

थमयू रदेबे ङूने यदे, “गुरुज्‍यू, ङीने था ख्यङ्, न चै पोने यली तम्दम् य ख्यङ्, मेस्‍ये मीयूदे च य हम्‍बजे मतलब अन्‍चेख्यङ्। चेनेयलो नदे मीजे त्‍वा लेत्‍देबे काम अन्चेख्यङ्, मेस्‍ये परमेश्‍वरजे लम् तनने पोयू चेलाबे लोम्‍मे ख्यङ्। कैसरने स्‍यर्‌म फाब न्याय अनुसार‌ ख्यङ् यी त्‍वो?

यूहन्‍ना 7:12

मीहुलजे नङ्ने येशूजे पो चीन्‍न ख्‍य। कोइदे यदे, “ङू सोरो ज्‍य ख्यङ्।” कोइदे य ख्‍य, “दी, अम्‍बदे मीयूजे म्‍यात्‍या छाक्‍दीन ख्यङ्।”

मूल स्यूस्स्यायूजे कामजे किताब 10:22

थमयूदे यदे, “ङीने अँने कर्नेलियस मीन् ख्यब कप्‍तान त्‍यादे कूल्‍बे ख्यङ्, ङू सोर्‌तो, मेस्ये परमेश्‍वरजे डर येब मी ख्यङ्। यहूदीयू क्वादेने गेसेन् चेब मी ख्‍यङ्, पवित्र स्वर्गदूत त्‍या ङूटयाने रदेबे नने ङूजे कीम्‍ने कोदेबे नैजे अर्ती ङ्यीनब आज्ञा ङूदे प्रे ख्यङ्।”

मूल स्यूस्स्यायूजे कामजे किताब 16:39

थमयूदे रदेबे पावल मेस्‍ये सिलासने क्षमा स्‍यदे, मेस्‍ये थमयूने फीने कूदीदेबे सहर क्‍यादेबे प्र यदेबे बिन्ती चीत्‍दे।

मूल स्यूस्स्यायूजे कामजे किताब 22:12

“हननिया यब मी त्‍या ख्‍य। ङू मोशादे पीनब नियम अनुसार फरब परमेश्वर मन्‍देब मी ख्‍य, मेस्‍ये दमस्‍कसने टूङब मीयू क्वादेने ङूने गेसेन् चे ख्‍य।

मूल स्यूस्स्यायूजे कामजे किताब 24:5

“चेनेयलो ङीदे अम्‍ब मीने केनेनेयली छरङ् पीनब, संसारभरीजे यहूदीयूजे अन्‍द्रने हुल‍दङ्‍गा मच्‍देब, मेस्‍ये नासरी यब हुल‍जे मूख्‍य अगुवाजे रूप्ने त्‍व ख्यङ्।

मूल स्यूस्स्यायूजे कामजे किताब 28:22

तर नैजे विचार च ख्यङ्, अम्‍ब नदेने स्‍योल्‍लो क्‍यूर ख्यङ्दे। चेनेयलो अम्‍ब हुलजे बारेने ङीने अन्‍छूत्‍या था ख्यङ्, यी केनेनेयली मीयूदे अम्‍बजे विरुद्धनेत्‍या क्‍यम्न ख्यङ्।”

मूल स्यूस्स्यायूजे कामजे किताब 4:21

थमयूदे सजाइ पीनब ङ्‍यू चैत्‍याये अम्‍प्रेत्‍देबे थमयूने थेप् धम्‍की तन्‍देबे क्यापीदे, चेनेयलो कम्‍ब घटना घट्ते ख्‍य, हम्‍बजे लागि मीयू क्वादेने परमेश्‍वरजे जै-जै चीन्‍न ख्‍य।

मूल स्यूस्स्यायूजे कामजे किताब 5:13

तर सूजो मीयू नङ्जे सूये थमयूप्रे मील्लेने रब आँट त्वो, होरनेयली मीयूदे थमयूने गेसेन् चे ख्‍य।

मूल स्यूस्स्यायूजे कामजे किताब 6:3

होरेक्‍यूत्‍देबे च्योन्‌यू, नमयूजे अन्‍द्रदे पवित्र आत्मा, मेस्‍ये कूम बुद्धि ख्‍यब मेस्‍ये क्वाजे गेसेन् प्रेब मी ङ्यी सेल् थमयू अम्‍ब काम‍ने भर्न चीदे।

रोमी 3:8

होरेयलो, ज्‍य क्यूस्स्य यदेबे चेने अन्‍ज्‍य कामयू अन्‍चे स्व? कोइ कोइ मीयूदे ङीदे होरने य ख्यङ् यदेबे ङीने अन्‍ज्‍य दोष लैदे ख्यङ्। थमयूदे दण्ड प्रेब पो ठीक‍ने ख्यङ्।

२ कोरिन्थी 1:18

कलङ्बेये धोका अम्‍पीनब परमेश्‍वर क्‍यूरप्र ङैजे पोये खात्‍याने “क्‍यूक्‍क्‍य” होरदे खात्‍याने “अन्‍क्‍यूर्‌” यप्र त्‍वो।

२ कोरिन्थी 11:21

येर पोयू यने ङ सोरो त्‍वा ख्यङ्, चेनेयलो येर पोयू ङीदे सैदीन अङ्‍खू। तर कोइमीदे चत्‍या पोने केन् त्‍वोक्‍क्‍य यलो, ङैये हम्‍ब पोयूने केन् त्‍वोक्‍क्‍य, मूर्ख मीदे क्‍यमप्रने ङ क्‍यम्‍न ख्यङ्।

२ कोरिन्थी 12:16

ङैजे हर्‌जो टर्‌तेजे लागि नमयूने छरङ् अम्‍पीन्, अम्‍ब ज्‍य पो ख्यङ्, तर ङ छट्‍टू क्‍यूत्‍देबे नमयूने फस्तीबे मन्‍न औं।

२ कोरिन्थी 4:2

त्‍वा पर्‌तेब काम मेस्‍ये छ्‌यूप्‍देबे चेब अन्‍ज्‍य कामयू क्‍वाने ङीदे क्यापीक ख्यङ्। ङी तीप्‍लीङ्-छोप्‍लीङ् चेब काम अन्‍ची, परमेश्‍वरजे वचनने अदल-बदल अन्‍ची। तर परमेश्‍वरजे खूम्ने तम्दम् पो क्‍यम्‍क्‍य, मेस्ये भरपर्‌ते खल्‍जे मीयू क्वादेने अम्ब पो स्येय।

१ थेसलोनिकी 2:3

चेनेयलो ङीजे अर्ती-बुद्धि भूल या अशुद्धदे योङ्‍रब दी, या अम्‍ब तीप्‍लीङ् छोप्‍लीङ् चीत्‍देबे क्‍यूर दी;

१ तिमोथी 3:7

फेरि, फी मीयूजे खूम्‍नेये ङू ज्‍य ठर्‌देपर्‌दीय, नत्र ङूब बदनाम क्‍यूत्‍देबे शैतानजे यूयूने पर्‌दी प्रीय।

१ तिमोथी 4:10

अम्‍ब उदेश्यदे ङी धम चीत्‍देबे काम फर ख्यङ्। चेनेयलो ङीनजे आशा सोम्‍बो परमेश्‍वर फ्‍याने ये-ख्यङ्, ङू मीयू क्‍वाजे लागि मेस्‍ये खास रूप्‍ने ङू फ्‍याने विश्‍वास चेयूजे मुक्ति पीनब ख्यङ्।

हिब्रू 13:13

येर्‌बे जेम्‍से ङीनये सहरजे फीने येशू ख्‍यब नेने प्रे, मेस्‍ये ङूदे सैदेब बदनाम ङीनदेये सैदीदे।

१ पत्रुस 4:14

कादेये ख्रीष्‍टजे मीन्‍ने नमयूदे विश्‍वास चेब क्‍यूत्‍देबे मीयूदे न-पूक्‍ययलो नमयूदे असी प्रेक्‍क्‍य, चेनेयलो महिमा ख्‍यब परमेश्‍वरजे आत्‍मा नमयूप्रे टूङ्क्‍य।

३ यूहन्‍ना 1:12

डेमेत्रियसजे बारेने मीयू क्वादेने ज्य य ख्यङ्, सत्‍यदेये होरप्रने गवाही पीन ख्यङ्। ङीदेये गवाही पीन्‍क्‍य, ङीयूजे गवाही तम्दम् ख्यङ् यदेबे नमयूदे स्‍ये ख्यङ्।

प्रकाश 3:9

ले, शैतानने पूस्‍तेब सभा-कीम्जे यहूदी दीलीने, ङी यहूदी न यदेबे लूच्‍च क्‍यमब मीयूने ङ रदेबे नैजे तोप्ने स्‍यूव पीन्‍से पीन्‍क्‍य मेस्‍ये ङैदे नने प्रेम चे ख्यङ् यब पो थमयूने तम्‍मीय।