२ कोरिन्थी 6:6 - घले नयाँ करार

⁶ चैये दोष त्‍वब क्‍यूप्‍प, ज्ञान‍ने, धेरेन् क्‍यूत्‍देबे टूङ्ब, दयाने, पवित्र आत्‍माने, छल् त्‍वब प्रेमने,

२ कोरिन्थी 6:6 ပူးပေါင်းရင်းမြစ်များ

रोमी 12:9

नमयूदे ज्‍य सेम्‍दे प्रेम ची। कम्‍ब पो अन्‍ज्‍य ख्यङ्, हम्‍ब पो क्यापी। कम्‍ब पो ज्‍य ख्यङ्, हम्‍बने लादीनू।

रोमी 15:19

अम्‍ब काम ङैदे च्यूनूयू मेस्‍ये हार्‌मन्‍देब कामयूजे मेस्‍ये पवित्र आत्माजे शक्तिदे चेख्यङ्। येर्‌बे यरूशलेमदेमेस्‍ये इल्लुरिकनसेमे ङैदे ख्रीष्‍टजे सूगब खबर बेस्से चेलाबे स्‍योक्‍क ख्यङ्।

१ कोरिन्थी 12:8

कोइने पवित्र आत्मादे बुद्धिजे पो क्‍यमब, कोइने पवित्र आत्मादे य अनुसार ज्ञानजे पो क्‍यमब,

१ कोरिन्थी 13:4

प्रेम चेब मीदे सैदीय मेस्‍ये ङ्येम्‍क्‍य, प्रेम चेब मीदे ठेनब व्यवहार अन्‍तन्, होर्‌दे केन् अन्-‍त्वे।

१ कोरिन्थी 2:16

“चेनेयलो सूदे प्रभुजे सेम्जे पो स्‍ये ख्यङ्? मेस्‍ये सूदे ङूने लोम्‍मे खूइय?” तर ख्रीष्‍टजे सेम् ङीनप्रे ख्यङ्।

१ कोरिन्थी 2:4

ङैदे यब पो मेस्‍ये प्रचार चीप्‍प बुद्धि ख्‍यबप्र होर्‌दे सोरो च्‍यूप्‍ल्‍या पो त्‍व ख्‍य, तर परमेश्‍वरजे आत्मा मेस्ये शक्तिजे पक्‍क गवाही पीन्‍देबे प्रचार चीत्‍दे,

२ कोरिन्थी 1:23

नमयूने अप्‍ठ्‍यारो चेने ङ कोरिन्थने अन्‍ल्‍वार, यब पोने परमेश्‍वर ङैजे साक्षी ख्यङ्।

२ कोरिन्थी 11:11

ङैदे चेने येरे य? ङैदे नमयूने प्रेम अन्‍ची यदेबे औ स्व? ङैदे नमयूने प्रेमचे ख्यङ् यब पो परमेश्‍वरदे स्‍ये ख्यङ्!

२ कोरिन्थी 11:4

चेनेयलो कादेये कोइ मी रदेबे ङीदे स्‍य्‍वेब येशूजे पो यली सूजो येशूजे पो स्‍योट्‍टली नमयूदे ङ्‍यीन टोङ् या नमयूदे प्रेब आत्मायली सूजो आत्माजे पो, होर्‌दे नमयूदे विश्‍वास चेब सूगब खबर यली सूजो सूगब खबरये ङ्‍यीन टोङ्।

२ कोरिन्थी 11:6

ङ सोरो ज्‍य क्‍यम्‍से रब मी दी, तर ङैप्रे ज्ञान ख्यङ्। अम्‍ब पो ङीदे नमयूने साप्‍ता तर्‌तीप्‍दे चेला तम्‍मीक ख्यङ्।

२ कोरिन्थी 12:15

ङ सोरो सूग्‍देबे नमयूजे लागि साप्‍ताने पीन्‍क्‍य, मेस्‍ये ङैजे जीयाये नमयूजे लागि पीन्‍क्‍य। कादेये ङैदे नमयूने कूम प्रेम चीत्‍दे यलो च नमयूदे ङैने छीत्‍या प्रेमचे औ?

२ कोरिन्थी 13:10

येरेक्यूत्देबे नमयू ख्‍यनेदे ङ चीन्‍तङ् क्‍यूल्‍लीने अम्‍ब पोयू लिख्दीन ख्यङ्, ङ होने रब सूनेये अन्-ङेयम्‍लाबे प्रभुदे ङैने पीनब हक चील्‍ले अम्‍पर्‌तीस्‍य। अम्‍ब हक प्रभुदे नोङ्बेजे लागि दी, तर ज्‍य चेजे लागि पीन ख्यङ्।

२ कोरिन्थी 2:10

सूने नमयूदे क्षमा पीन्‍क्‍य, हम्‍बने ङैदेये क्षमा पीन्‍क्‍य। कादेये कोइ मीने ङैदे चत्‍या पोने क्षमा पीन्‍देयलो, नमयूजे लागि ङैदे ख्रीष्‍टजे खूम्‍ने क्षमा पीन्‍क ख्यङ्,

२ कोरिन्थी 2:4

चेनेयलो ङैदे नमयूजे सेम् नसे पीनने दी, तर ङैदे नमयूने कूम माया चे ख्यङ् यब पो नमयूदे स्‍येस्‍य यदेबे सेम्ने कूम पीर्‌ मेस्‍ये बीगन क्‍यूत्‍देबे म्‍यामू रली ङैदे नमयूने अम्‍ब चिट्ठी लिख्दीदे।

२ कोरिन्थी 3:3

नमयू ख्रीष्‍टदे लिख्दीयेब चिट्ठी ख्यङ्, यदेबे नमयूदे तन ख्यङ्, हम्‍ब चिट्ठी सबब काम ङीदे चीत्‍दे। हम्‍ब चिट्ठी मसीदे दी, तर सोम्‍बो ख्‍यब परमेश्‍वरजे आत्मादे लिख्दीयेब ख्यङ्- लूङ्जे प्ल्याङ्ने दी, तर सेम्‍जे पाटीने लिख्दीये ख्यङ्।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

२ कोरिन्थी 7:2

नमयूजे सेम्‍ने ङीजे लागि ने-पीनो। ङीदे सूनेये अन्‍ज्‍य अन्चीक्‍क। ङीदे सूनेये अन्‍ज्‍य लम्ने अन्‍स्‍योल्‍गी। ङीदे लूच्‍च क्‍यम्‍देबे सूमीजेये फाइदा अन्‍कीन्।

गलाती 3:2

अन्‍छूत्‍या ङ नमयूने ल्‍वेस्ये मन ख्यङ्, नमयूदे मोशाजे नियम अनुसार काम चीत्‍देबे पवित्र आत्मा प्रेत्‍दे, यी तब वचनने विश्‍वास चीत्‍देबे प्रेत्‍दे?

गलाती 3:5

परमेश्‍वरदे नमयूने पवित्र आत्मा पीन्‍देबे नमयूजे अन्द्रने हार्‌मन्‍देब कामयू चीत्दे। च मोशाजे नियम अनुसार काम फर्‌कब या नमयूदे तब वचनने विश्‍वास चीक्‍कबदे ङूदे अम्ब चीम्‍मीक औ?

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

एफिसी 3:4

ङैदे लिख्देब पो छ्‌योत्‍देयलो ख्रीष्‍टजे नङ्सू योजनाजे बारेने ङैदे कन्‍छ्वासेमे नङ्सू पो स्‍ये ख्‍य यब पो नमयूदे क्‍व ख्यङ्दे।

एफिसी 4:2

येतार्‌ने स्‍यूलूक्‍कै, सोझो मेस्‍ये धेरेन् क्‍यूत्‍देबे त्‍यादे त्‍याने प्रेम चीदेबे सैदीदेबे,

एफिसी 4:32

तर ङ्येम्‍देबे त्‍यादे त्‍याने दयामाया ची। परमेश्‍वरदे ख्रीष्‍टने क्‍यूत्‍देबे नमयूने क्षमा पीनप्र नमयूदेये त्‍यादे त्‍याने क्षमा पीन्।

कलस्सी 1:27

अम्‍ब सूदेये स्‍ये अङ्ख्‍वब महिमाजे सम्‍पत्ति यहूदी तेब मीयूजे लागि सोरो केन् ख्यङ् यब पो क्‍व ख्‍व चीम्‍मेने परमेश्‍वरदे रङ्सेजे पवित्र मीयूने सेल्‍दे। अम्‍ब स्‍ये अङ्ख्‍वब पोजे अर्थब ख्रीष्‍ट नमयूप्रे क्‍यूरब पो ख्यङ्, हम्‍ब परमेश्‍वरजे महिमाने सामेल् क्‍यूरप्रेब आशा ख्यङ्।

कलस्सी 2:3

परमेश्‍वरजे ज्ञान मेस्‍ये बुद्धिजे सम्पत्ति क्‍वाने ख्रीष्‍टप्रे फूये ख्यङ्।

कलस्सी 3:12

होरेक्‍यूत्‍देबे परमेश्‍वरदे सेल मीयूप्र पवित्र मेस्‍ये छेब क्‍यूत्‍देबे नमयूब ङ्येमब सेम्, दया चेब, तोङब सेम्, चीद क्‍यूरब मेस्‍ये अन्-आतीलाबे रेन्‍न ख्‍वब क्‍यून्‍नू।

१ थेसलोनिकी 2:10

नमयू साक्षी ख्यङ्, मेस्‍ये परमेश्‍वरये, नम विश्‍वासीयूजे खूम्‍ने केर्‌बे ङीनजे व्‍यवहार पवित्र, धार्मिक, मेस्‍ये चैये खोट् त्‍वब ख्‍य।

१ तिमोथी 4:12

स्‍योर्‌ब क्यूरब कारणदे नने सूदेये ह्‍यल चे अम्‍प्रेस्‍स्‍य, तर विश्‍वासीयूजे खूम्‍ने बोली वचन, आनि-बानी मेस्ये प्रेमने, विश्‍वासने बोल्यो, शुद्ध सेम् क्‍यूत्‍देबे नदे नमूना तन्।

१ तिमोथी 5:2

रङ्सेयली केन्-ता मदीयूने रङ्से म-नेप्र, मेस्‍ये रङ्से यली चीद चम्‍चयूनेब पूरा ज्‍य सेम्दे रङ्से स्‍यङ्नेप्र ची।

२ तिमोथी 3:10

तर नदे ङैजे शिक्षा, आनि-बानी, ङैजे जीयाजे उदेश्य, ङैजे विश्‍वास, टेम ख्‍वब, ङैजे प्रेम, अन्-आतीलाबे रेन ख्‍वब नने था ख्यङ्,

२ तिमोथी 4:2

परमेश्‍वरजे वचन स्‍य्‍वेने बील-अबील तयार क्‍यून्‍नू। धेरेन्बे शिक्षा पीन्देबे अर्ती पीन्, ङर्‌मी, आँट पीन्।

तीतस 2:7

नदेने साप्‍ता पोने ज्‍य काम‍जे नमूना पीन्देबे थमयूने तन्, नैजे शिक्षाने इमान्-जेमेन् क्यूरब, मेस्ये होस्स्यार क्यूर्।

याकूब 3:17

तर कम्‍ब बुद्धि स्वर्गदे रीय हम्‍ब खूम्ने शुद्ध ख्यङ्, होर्‌दे हम्‍बदे शान्ति पीन्‍क्‍य, स्यूलूक्कै, मील्‍लीदे टूङब क्यूक्‍क्य। येर बुद्धि दयादे फ्यानब क्यूक्‍क्य मेस्ये सोरो ज्य कामजे फल पीन्क्य। अम्ब बुद्धि साक्पूजा मेस्ये कप्‍टी अन्क्यूर्।

१ पत्रुस 1:12

अम्बयूदे रङ्सेजे लागि दी, तर नमयूजे लागि क्यम ख्य यब पो थमयूने परमेश्‍वरदे तम्‍मीक ख्‍य। नमयूने सूगब खबर स्‍य्‍वेब मीयूजे सेम्ने स्वर्गदे कूल्‍बेब पवित्र आत्‍मा क्‍यूत्‍देबे अम्ब पो चूजो नमयूने चेलाबे येये ख्यङ्। स्वर्ग दूतयूये अम्‍ब पो लेने सोरो सेम् चीन्‍न ख्यङ्।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ यूहन्‍ना 3:18

ङैजे पीच चीदयू, ङीन वचन मेस्ये ङूर्‌देत्‍या प्रेम अन्‍चील्‍लाचीदे, तर त्‍यादे त्‍याने साक्‍तीमेब काम चीदे मेस्‍ये तम्दम् प्रेम चीदे।