२ कोरिन्थी 6:10 - घले नयाँ करार

¹⁰ झेचेर्‌ रली, येतार्‌ने सेम् सूग्‍न ख्यङ्। दूख्‍प्रे क्‍यूल्‍लीने कूम मीयूने फ्‍योबो चीम्‍मे ख्यङ्। ङीप्रे चैये त्‍वप्र क्‍यूल्‍लीने, ङीप्रे साप्‍ता थोकने ख्यङ्।

२ कोरिन्थी 6:10 ပူးပေါင်းရင်းမြစ်များ

मत्ती 5:12

हन्‍छ्वाब तङ्, मेस्‍ये बेस्‍से सूग्, चेनेयलो स्वर्गने नमयूजे इनाम केन् क्‍यूक्क्‍य। चेनेयलो येर्‌बेने नमयूयली खूम्‍जे अगमवक्तायूने थमयूदे सतनम् चे ख्‍य।

मत्ती 5:4

शोक् चेब मीयूदे असी प्रेक्‍क्‍य, चेनेयलो हम्‍बयूदे सेम्ने सान्त्वना प्रेक्‍क्‍य।

लूका 6:21

नम चूजो ठेबयू, नमयूदे असी प्रेक्क्य, चेनेयलो नमयूदे कलाबे चप्रेक्क्य। नम चूचो म्यामू तल्देबे ङ्वबयू, नमयूदे असी प्रेक्क्य, चेनेयलो नमयूदे रीग प्रे‍क्क्य।

यूहन्‍ना 16:22

येरप्रने चूजो नमयूने रप् क्‍यूक्‍क्‍य, तर फेरि ङैदे नमयूने तूय, मेस्‍ये नमयूजे सेम् आनन्द क्‍यूक्‍क्‍य। होर्‌दे नमयूदे प्रेब आनन्द सूदेये लेन्‍कीस्‍ये त्‍वो।

मूल स्यूस्स्यायूजे कामजे किताब 16:25

तर अध-मून्‍तेले पावल मेस्‍ये सिलास प्रार्थना चीदे-चीदे परमेश्‍वरजे भजन पून्‍न ख्‍य, मेस्‍ये सूजो कैदीयूदे हम्‍ब भजन ङ्यीन्‍न ख्‍य।

मूल स्यूस्स्यायूजे कामजे किताब 3:6

होर्‌दे पत्रुसदे यदे, “मर् प्रे चाँदी ङैप्रे त्‍वो। तर ङैप्रे च ख्यङ्, हम्‍ब ङ नने पीन्क्‍य। नासरतजे येशू ख्रीष्‍टजे मीन्‍ने प्र!”

मूल स्यूस्स्यायूजे कामजे किताब 5:41

हन्‍छ्वाब येशूजे मीन्‍ने ह्‍यल सैदेब खल्‍जे ठर्‌दीदे यब पोने आनन्द मन्‍दीदेबे थमयू पात्‍ता केन् सभादे योङ्‍गीदे।

रोमी 11:12

जेम्से कादेये इस्राएलदे चेब पापदे संसारजे मीयूजे लागि असी, मेस्‍ये थमयू फूङ्‍गब यहूदी तेब मीयूजे लागि सम्पत्ति क्‍यूर ख्यङ् यलो थमयूजे पूरा विश्‍वासदेब झन् कोला थेप् असी रेस्स्ये।

रोमी 12:15

सूगब मीयूप्रे सूग्। ङूनब मीयूप्रे ङू।

रोमी 15:13

पीनब परमेश्‍वरने नमयूदे विश्‍वास चे ख्यङ्। ङूदेने नमयूने आनन्‍द मेस्‍ये शान्ति पीन्‍क्‍य। होरप्रने पवित्र आत्माजे शक्तिदे नमयू थेप् चेखूस्‍य।

रोमी 8:32

ङूदे रङ्से चनेये जूक्‍तीदेबे अन्‍ही, तर ङीन्जे लागि पीन्‍दे। ङीनयूजे लागि रङ्से चये पीनबदे झन् ङूप्रे सूजो साप्‍ता पोने ङीनने अम्‍पीनया?

रोमी 9:2

ङैजे सेम्ने सोरो शोक् मेस्‍ये कलङ्नेयली सेम् ठोन ख्यङ्।

१ कोरिन्थी 1:5

चेनेयलो नमयू ख्रीष्‍ट येशूप्रे क्‍यूत्देबे साप्‍ता तर्‌तीप्दे, साप्‍ता बोलीने, मेस्‍ये साप्‍ता ज्ञानने फ्‍योबो क्‍यूर ख्यङ्-

२ कोरिन्थी 2:4

चेनेयलो ङैदे नमयूजे सेम् नसे पीनने दी, तर ङैदे नमयूने कूम माया चे ख्यङ् यब पो नमयूदे स्‍येस्‍य यदेबे सेम्ने कूम पीर्‌ मेस्‍ये बीगन क्‍यूत्‍देबे म्‍यामू रली ङैदे नमयूने अम्‍ब चिट्ठी लिख्दीदे।

२ कोरिन्थी 4:15

अम्‍ब क्‍वाने नमयूजे लागिने क्‍यूर ख्यङ्, चेनेयलो केर्‌बे अनुग्रह सोरो कूम मीयूने फ्‍योबीन ख्यङ्, होरप्रने परमेश्‍वरजे महिमाजे लागि धन्‍यवाद पीनब कामये कूम क्‍यूप्‍पीनूस्‍य।

२ कोरिन्थी 4:7

अम्‍ब पात्‍ता नङ्ने केन् शक्ति ङीजे दी, तर परमेश्‍वरजे ख्यङ् यदेबे चेलाबे तनने अम्‍ब धन ङीप्रे सजे तीयाँयूने हीते ख्यङ्।

२ कोरिन्थी 8:9

चेनेयलो ङीनजे प्रभु येशू ख्रीष्‍टजे अनुग्रह नमयूदे स्‍ये ख्यङ्, ङू फ्योबो ख्यङ्लीने नमयूजे लागि दूख्‍प्रे क्‍यूत्‍दे, होरदे ङू दूख्‍प्रे क्‍यूरब काम‍दे नमयू फ्‍योबो क्‍यूर खूस्‍स्‍य।

एफिसी 3:16

ङ प्रार्थना चीक्क्‍य, ङूजे महिमाजे सम्पत्ति अनुसारजे शक्तिदे ङूजे आत्मा क्यूत्देबे नमयूजे नङ्-जीयाने बोल्‍यो बन्‍दीस्‍य,

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

फिलिप्पी 2:17

नमयूदे परमेश्‍वरने चेर्‌तेब विश्‍वासजे भेटीप्रने ङैदे ङैजे ङ्वजे का बलिजे रूप्‍ने पीन पर्‌तीलीने ङैजे सेम् सूग्क्य, मेस्‍ये नमयू क्‍वाप्रेने ङ सूग्क्य।

फिलिप्पी 4:4

येतार्‌ने प्रभुप्रे बेस्‍से सूग्नू। ङ फेरि यीय, बेस्‍से सूग्‍नू।

कलस्सी 1:24

जेम्‍से नमयूजे लागि ङैदे छरङ् प्रेल्‍लीने ङ सूग्‍क्‍य, मेस्‍ये ख्रीष्‍टदे भोक्‍ते पर्‌तेब खास्या ख्यब सकस्यू ङूजे ङ्व या मण्डलीजे लागि ङ ङैजे ङ्वने भोक्‍तीदे पूरा चीक्‍क्‍य।

कलस्सी 3:16

ख्रीष्‍टजे वचनदे नमयूजे सेम् बेस्‍से फ्‍यानीस्‍य। पूरा बुद्धि चील्‍लीदेबे त्‍यादे त्‍याने लोम तन ची मेस्‍ये आर्ती, होर्‌दे रङ्से सेम्देमेस्‍येने परमेश्‍वरने धन्यवाद पीन्‍देबे जै-जै चेब आत्माजे प्रू पूई।

१ थेसलोनिकी 1:6

नमयू ङीजे मेस्‍ये प्रभुजे के थाब क्‍यूत्‍दे, चेनेयलो नमयूने कूम सतनम् क्‍यूल्‍लीने पवित्र आत्मादे पीनब आनन्दने सूगब खबर ङ्यीन्‍देबे सेम्‍ने यीत्‍दे।

१ थेसलोनिकी 5:16

येतार्‌ने आनन्द चीन्‍नू।

१ तिमोथी 4:8

चेनेयलो ङीन ङ्वजे तालिम तेदिनजे लागित्‍या फाइदा क्‍यूक्‍क्‍य, तर परमेश्‍वरने मन्‍दीलो कलङ्ने यली फाइदा क्‍यूक्‍क्‍य, चेनेयलो अम्‍बदे जूचोजे जीया मेस्ये ङ्येजे जीया ङ्‍हीजेने फाइदाजे लागि कबुल चे ख्यङ्।

१ तिमोथी 6:18

थमयूदे ज्‍य काम चीस्‍स्‍य, मेस्‍ये ज्‍य कामयू चीत्‍देबे फ्‍योबो क्‍यूस्स्य, सेम् यङ्लाबे हर्‌जो क्यून्‍नबयूने पीनजे लागि येतार्‌ने तयार क्यूरो।

हिब्रू 10:34

नमयूदे कैदने ख्यब मीयूने दया तन्दे, मेस्‍ये रङ्सेजे सम्पत्ति लूर्‌तीकीली सूगे-सूगे सैदीनूदे, चेनेयलो झन् थेप् येतार्‌ने क्‍यून्‍नब केन् सम्पत्ति रङ्सेप्रे ख्यङ् यब पो नमयूदे स्‍ये ख्‍य।

याकूब 2:5

ङैजे छेब अत-अची च्योन्‌यू चेलाबे ङ्‍यीनो, संसारजे दूख्‍प्रेयूने परमेश्‍वरदे विश्‍वासने फ्‍योबो चीम्‍मेने, मेस्‍ये परमेश्‍वरने प्रेम चेब मीयूजे लागि पीन्‍क्‍य यदेबे चेब कबुलजे राज्‍यने हक लादेब क्‍यूरने सेल तेया?

१ पत्रुस 4:13

तर ख्रीष्‍टजे सकस् भोक्‍तेबने सामेल् क्यूत्देबे नमयूदे सकस् भोक्‍ते पर्‌तीब तङ्, येरे ङूजे महिमा तङ्‍रब नमयूये आनन्द मेस्‍ये सूग खूस्‍य।

प्रकाश 2:9

नदे प्रेन्‍नब सकस्यू मेस्‍ये न दुख्प्रे ख्यङ् यब पोये ङैने था ख्यङ्, तर नब फ्‍योबोने ख्यङ्। ङैदे थमयूने स्‍ये ख्यङ्, थमयूदे रङ्सेने ङी यहूदीयू न-यीय, तर थमयू तम्दम् यहूदीयू दी। थमयूदे विरोध चेब पो ङैने था ख्यङ्। थमयू शैतान पूस्‍तेब सभा-कीम्जे मीयू ख्यङ्।

प्रकाश 21:7

सूदे ट्‌याय हम्बदे अम्‍ब हक प्रेक्‍क्‍य, मेस्‍ये ङ थमयूजे परमेश्‍वर क्‍यूक्‍क्‍य, मेस्‍ये थमयू ङैजे च-चीमीयू क्‍यूक्‍क्‍य।