२ कोरिन्थी 5:8 - घले नयाँ करार

⁸ ङीने पक्‍क ख्यङ्, क्‍यूत्‍देयलो ङी अम्‍ब नाश क्यूप्पब ङ्व पोङ्यीदेबे स्वर्गने प्रभुप्रे टूङ्बस्ये मन ख्यङ्।

२ कोरिन्थी 5:8 ပူးပေါင်းရင်းမြစ်များ

मत्ती 25:21

“मालिकदे ङूने यदे, ‘स्‍याबास, ज्‍य भर्‌पर्‌देब त्‍वो! न छीत्‍या सेने भर्‌पर्‌दे ख्‍वब क्‍यूत्‍दे, जेम्से ङ नने कूम सेजे जिम्मा पीन्क्‍य। जेम्से-ख न रङ्से नोबोप्रे सूग प्रेक्क्‍य।’

मत्ती 25:23

“ङूजे नोबोदे ङूने यदे, ‘स्‍याबास, चेलाबे भर्‌पर्‌देब त्‍वो, न छीत्‍या पोनेये भर्‌पर्‌दीदे, जेम्से ङ नने कूम सेजे जिम्मा पीन्क्‍य। न रङ्से मालिकप्रे सूग प्रेक्क्य।’

लूका 2:29

“जेम्से ओ परमप्रभु, रङ्सेजे कबुल अनुसार नदे रङ्से त्वोने शान्ति क्यूत्देबे सीबस्ये पीनो।

यूहन्‍ना 12:26

सूमीदे ङैजे सेवा चीक्‍क्‍य हम्‍ब ङै ङ्ये ङ्ये रस्‍य, मेस्‍ये ङ केने क्‍यूक्‍क्‍य, ङैजे सेवा चेबये होनेने क्‍यूक्‍क्‍य। सूदे ङैजे सेवा चीक्‍क्‍य पदे ङूने गेसेन् चीक्‍क्‍य।

यूहन्‍ना 14:3

होर्‌दे ङ प्रदेबे नमयूजे ने तयार चीक्‍क ङ्येदे ङ फेरि ल्‍वारीय, होर्‌दे नमयूने ङ टूङब नेने कूबीय, केने ङ क्‍यूक्‍क्‍य, होने नमयूये क्‍यूक्‍क्‍य।

यूहन्‍ना 17:24

“पाइ, नदे ङैने पीनब मीयू क्‍वाने ङ केने क्‍यूक्‍क्‍य थमयूये ङैप्रेने क्‍यूस्‍स्‍य, मेस्‍ये ङैजे महिमा थमयूदे तङ खूस्‍य मेन ख्यङ्, हम्‍ब महिमा, संसारजे सृष्‍टि क्‍यूरयली खूम्‍मेस्‍येने ङैने प्रेम चेब क्‍यूत्‍देबे नदे ङैने पीन्‍क ख्‍य।

मूल स्यूस्स्यायूजे कामजे किताब 21:13

तर पावलदे जवाफ पीन्‍दे, “नमयू येर्‌बे ङूदेबे ङैजे सेम् चैने ङूसे पीन स्व? चेनेयलो प्रभु येशूजे मीन्‍जे कारण कैद प्रपर्‌देत्‍या दी, तर यरूशलेमने सीबनेये ङ तयार ख्यङ्।”

२ कोरिन्थी 5:6

येरेक्‍यूत्‍देबे येतार्‌ने ङी भरचीन्‍न ख्यङ्। कन्‍छ्वासेमे ङी अम्‍ब नाश क्यूप्पब ङ्वजे तेदिनत्या टूङब कीम्‍ने टूनीय, हन्‍छ्वासेमे प्रभुजे कीम्‍दे चीन्‍तङ् क्‍यूक्‍क्‍य यदेबे ङीने था ख्यङ्।

२ कोरिन्थी 5:9

येरेक्‍यूत्‍देबे ङी अम्‍ब नाश क्यूप्पब ङ्वने क्‍यूल्‍लीने या अन्‍क्‍यूल्‍लीने प्रभुने सूग्‍लाबे चेब ङीजे सेम् ख्यङ्।

१ यूहन्‍ना 3:2

ङैजे छेब ख्योन्‌यू, चूजो ङीन परमेश्‍वरजे छगूम्-पूर्‌गूम् क्‍यूर ख्यङ्, मेस्‍ये ङ्येदे ङीनने च क्‍यूक्‍क्‍य यदेबे ङीनने चूजोसेमेने अन्‍तम्‍मे ख्यङ्। कन्‍छ्वाब ङू तङ्‍रीय हन्‍छ्वाब ङीनये ङूप्रने क्‍यूक्‍क्‍य चेनेयलो ङू करप्र ख्‍य ङीनदे ङूने होरप्रने तङ्क्‍य यदेबे स्‍ये ख्यङ्।

प्रकाश 22:3

जेम्सेमेस्‍ये हैयाने कलङ्बेये श्राप पर्‌तीस्‍ये त्‍वो। परमेश्‍वर मेस्‍ये थुमाजे सिंहासन हैयाने क्‍यूक्‍क्‍य, मेस्‍ये ङूजे त्वो-त्वोमयूदे ङूने पूस्‍तीय।