13 कादेये ङीजे दीमाग ठेगन्ने त्वो यलो अम्ब परमेश्वरजे लागिने क्यूर ख्यङ्, होरदे कादेये ङीजे दीमाग ज्य क्यूल्लो अम्ब नमयूजे लागिने ख्यङ्।
कन्छ्वाब येशूजे कीम् म्हीतीदे हम्ब पो तदे, हन्छ्वाब ङूने थमयूदे कीम्ने कूबने योङ्रदे, चेनेयलो थमयूदे ङू पर क्यूरे मन्न ख्य।
चेनेयलो परमेश्वरदे पीनब अनुग्रहदे ङ नमयू खोत्तानेने यीय, नमयूजे गज्ज्य यली थेप् केन् अन्त्वोल्लाची, तर परमेश्वरदे पीनब विश्वासजे नाप अनुसार रङ्से कर ख्य होरत्या रङ्सेने मन्।
ङ तेतेत्या मूर्ख क्यूल्लीने नमयूदे सैदीमीय यदेबे आशा चीक्क्य; तर नमयूदे खूम्ने सैदीमीक ख्यङ्।
मूर्ख मीदे प्रने ङैदे चीन्न ख्यङ्। नमयूदे ङैने येरे चेने कर चङ्दे। तम्दम्ने नमयूदे ङैजे सार्या चे पर्ते ख्य। चेनेयलो ङ चैत्याये दीलीने पात्ता केन् मूल स्यूस्स्यायू यली चैपोनेये कम् त्वो।
कोदेये ङ केन् त्वेब सेम् चीक्क्य यलीने ङ मूर्ख मीप्र क्यूस्से त्वो, चेनेयलो ङैदे तम्दम् पो क्यम्नब क्यूक्क्य। तर मीयूदे तङब मेस्ये तब पोयूयली थेप् सूदेये ङैने केन् अम्मन्स्य यदेबे ङ केन् त्वेब पो कूम अन्चील्लाबे टून ख्यङ्।
येरेक्यूत्देबे ङैदे अम्ब चिट्ठी अन्-न्याय चेब मीजे कारणदे लिख्दे दी, मेस्ये अन्-न्यायने पर्तीनब मीदे चीत्देबेये दी, तर परमेश्वरजे खूम्ने नमयूदे ङीने कोला माया चीन्न टोङ्, यब पो नमयूदे था प्रेस्स्य यदेबे ख्यङ्।
जेम्से नमयूजे लागि ङैदे छरङ् प्रेल्लीने ङ सूग्क्य, मेस्ये ख्रीष्टदे भोक्ते पर्तेब खास्या ख्यब सकस्यू ङूजे ङ्व या मण्डलीजे लागि ङ ङैजे ङ्वने भोक्तीदे पूरा चीक्क्य।
चेनेयलो ङीनजे सूगब खबर नमयूट्याने वचनजे रूप्ने त्यामे अन्ड, तर शक्ति मेस्ये पवित्र आत्माने होर्दे पक्क रूप्ने रदे। नमयूप्रे क्यूप्प नमयूजे लागि ङी कर खल्जे मी ख्य, नमयूदे स्ये ख्यङ्।
येरेक्यूत्देबे सेल्कबयूजे लागिने ङ साप्ता पोने सैदीय, मेस्ये थमयूदेये कलङ्बेये अन्जेनब महिमा प्रेने ख्रीष्ट येशूने ख्यब मुक्ति प्रेखूस्य।