२ कोरिन्थी 4:7 - घले नयाँ करार

⁷ अम्‍ब पात्‍ता नङ्ने केन् शक्ति ङीजे दी, तर परमेश्‍वरजे ख्यङ् यदेबे चेलाबे तनने अम्‍ब धन ङीप्रे सजे तीयाँयूने हीते ख्यङ्।

२ कोरिन्थी 4:7 ပူးပေါင်းရင်းမြစ်များ

मत्ती 13:44

“स्वर्गजे राज्‍य रङ्त्‍याने पोप्‍येब धनप्र ख्यङ्, मीत्‍यादे हम्‍ब धन त्वमेस्‍ये फूदेबे येक्‍क्‍य, ङू सूग्‍देबे प्रीय होर्‌दे रङ्सेप्रे ख्‍यब सम्पत्ति क्‍वाने सोङ्क्‍य, मेस्‍ये हम्‍ब रङ् कीन्‍क्‍य।

मत्ती 13:52

होर्‌दे येशूदे थमयूने यदे, “येरेक्‍यूत्‍देबे स्वर्गराज्‍यजे शिक्षा प्रेब पन्‍डेयू क्वाने कीम् त्याजे मालिकप्र ख्यङ्। ङूदे रङ्से बेङेदे कूम लूजे सर् मेस्ये ङीङ् सामानयू फीने योन्‍क्‍य।”

यूहन्‍ना 16:33

नमयू ङै प्रे क्‍यूप्‍प शान्ति क्यूस्स्य यदेबे नमयूने अम्‍ब पो येरेक्‍यूत्‍देबे य ख्यङ्। संसारने टूङ्ब नमयूने सकस् क्‍यूक्‍क्‍य, तर बोङ् ची, ङैदे संसार ट्‌याक ख्यङ्।”

१ कोरिन्थी 1:28

परमेश्‍वरदे संसारजे चेकम्‍ते मेस्ये ह्‍यल ठर्‌दीयेब सेयूने सेल्‍दे। संसारदे मूख्य मन्‍नब सेयूनेये चेकम्ते चेने ङूदे मामूलीत्या सेयूने सेल्दे।

२ कोरिन्थी 10:10

चेनेयलो कोइदे य ख्यङ्, “ङूदे लिख्देब चिट्ठीजे पोयू सोरो भरपर्‌तेब मेस्‍ये मीजे सेम् छ्वेब क्‍यूक्‍क्‍य, तर ङू ङीनप्रे क्‍यूप्‍प ङू बोङ् त्वब क्यूक्‍क्य मेस्‍ये ङूदे क्‍यमब पोये चैकम्‍‍तेब क्‍यूक्‍क्‍य।”

२ कोरिन्थी 13:4

चेनेयलो ङूने बोङ् त्‍व क्‍यूप्‍प मीयूदे खील् ठोक्दीदे क्रूस‍ने पील्‍पीदे, तर परमेश्‍वरजे बोङ्दे ङू सोम्‍बो क्‍यूर ख्यङ्। येरप्रने ङी ङूप्रे क्‍यूप्‍प, ङूप्रने बोङ् त्‍व क्‍यूक्‍क्‍य, तर नमयूप्रे काम फर्‌ने ङी परमेश्‍वरजे बोङ् प्रेत्‍देबे ङूप्रेने जीया चैय।

२ कोरिन्थी 4:1

येरेक्यूत्देबे परमेश्‍वरजे रङ्से कृपादे अम्‍ब काम ङीने पीनब क्यूत्देबे ङी सेम् चीद अन्‍ची।

२ कोरिन्थी 5:1

चेनेयलो अने पृथ्वीने टूङब पल्‍जे कीम्प्र ङीजे अम्‍ब नाश क्यूप्पब ङ्व नाश क्‍यूत्‍देबे प्रलीने स्वर्गने कलङ्नेयली टूनब कीम् परमेश्‍वरदे ङीने पीन ख्यङ्, हम्‍बब मीजे लादे थ्‍यायेब कीम् दी यदेबे था ख्यङ्।

२ कोरिन्थी 6:10

झेचेर्‌ रली, येतार्‌ने सेम् सूग्‍न ख्यङ्। दूख्‍प्रे क्‍यूल्‍लीने कूम मीयूने फ्‍योबो चीम्‍मे ख्यङ्। ङीप्रे चैये त्‍वप्र क्‍यूल्‍लीने, ङीप्रे साप्‍ता थोकने ख्यङ्।

एफिसी 2:5

येरेक्‍यूत्‍देबे पापने ङी सीइलीने ङूदे ङीनने ख्रीष्‍टप्रे सूला चीत्‍दे, परमेश्‍वरजे अनुग्रहदेने नमयूदे उद्धार प्रेख्यङ्।

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

कलस्सी 1:27

अम्‍ब सूदेये स्‍ये अङ्ख्‍वब महिमाजे सम्‍पत्ति यहूदी तेब मीयूजे लागि सोरो केन् ख्यङ् यब पो क्‍व ख्‍व चीम्‍मेने परमेश्‍वरदे रङ्सेजे पवित्र मीयूने सेल्‍दे। अम्‍ब स्‍ये अङ्ख्‍वब पोजे अर्थब ख्रीष्‍ट नमयूप्रे क्‍यूरब पो ख्यङ्, हम्‍ब परमेश्‍वरजे महिमाने सामेल् क्‍यूरप्रेब आशा ख्यङ्।

कलस्सी 2:12

बप्‍तिस्मा क्‍यूप्‍प नमयूजे पापजे स्वभावयू ख्रीष्‍टप्रेने पोप्‍पीक ख्‍य। सीयेङ्येदे ख्रीष्‍टने सोम्‍बो चीम्‍मेब परमेश्‍वरजे शक्तिने नमयूदे विश्‍वास चीत्‍देबे अम्‍ब बप्‍तिस्माने नमयूये ख्रीष्‍टप्रेने सोम्‍बो चीम्‍मीदे।

कलस्सी 2:3

परमेश्‍वरजे ज्ञान मेस्‍ये बुद्धिजे सम्पत्ति क्‍वाने ख्रीष्‍टप्रे फूये ख्यङ्।

१ थेसलोनिकी 1:5

चेनेयलो ङीनजे सूगब खबर नमयूट्‌याने वचनजे रूप्ने त्‍यामे अन्‍ड, तर शक्ति मेस्ये पवित्र आत्माने होर्‌दे पक्‍क रूप्‍ने रदे। नमयूप्रे क्‍यूप्‍प नमयूजे लागि ङी कर खल्जे मी ख्य, नमयूदे स्‍ये ख्यङ्।

१ थेसलोनिकी 4:4

नमयू क्‍वाने पवित्र मेस्‍ये गेसेन् प्रेब लायकजे क्यूत्देबे रङ्से ङ्येन् ची, हम्‍ब नमयू क्वादेने स्ये,

२ तिमोथी 2:20

फ्‍योबोजे कीम् केन्‍ने मर् मेस्ये चाँदीजे कूम थरजे तीयाँयू त्‍यामे अन्क्‍यूर् तर स्‍यङ् प्रे सजेये क्‍यूक्क्‍य, मेस्‍ये कोइ-कोइ तीयाँयू मान् गेसेन् चेब नेने चील्‍लीय यलो कोइ चीद कामयूजे लागित्या चील्‍लीय।