२ कोरिन्थी 4:6 - घले नयाँ करार

⁶ “मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

२ कोरिन्थी 4:6 ပူးပေါင်းရင်းမြစ်များ

लूका 10:22

“ङैजे पदे साप्‍ताकूरूने ङैने सूम्‍दीये ख्यङ्। च सू यदेबे पदेत्‍या स्ये ख्यङ्, सूजो सूदेये अन्‍स्ये। होरप्रने प सू यदेबे चदे त्‍या स्ये ख्यङ् सूजो सूदेये अन्‍स्ये, मेस्‍ये चदे सूने तनब सेम् चीक्‍क्‍य, ङूदेत्यामे सूजो सूदेये अन्‍स्ये।”

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

यूहन्‍ना 11:40

येशूदे ङूने यदे, “ङैदे नने य ते, ‘नदे विश्‍वास चील्‍लो परमेश्‍वरजे महिमा तङ्क्य’?”

यूहन्‍ना 12:41

यशैयादे अम्‍ब पो यदे, चेनेयलो यशैयादे ङूजे महिमा तङ्दे, मेस्‍ये ङूजे बारेने यदे।

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’

१ कोरिन्थी 12:8

कोइने पवित्र आत्मादे बुद्धिजे पो क्‍यमब, कोइने पवित्र आत्मादे य अनुसार ज्ञानजे पो क्‍यमब,

२ कोरिन्थी 2:10

सूने नमयूदे क्षमा पीन्‍क्‍य, हम्‍बने ङैदेये क्षमा पीन्‍क्‍य। कादेये कोइ मीने ङैदे चत्‍या पोने क्षमा पीन्‍देयलो, नमयूजे लागि ङैदे ख्रीष्‍टजे खूम्‍ने क्षमा पीन्‍क ख्यङ्,

२ कोरिन्थी 3:18

ङीन क्‍वाजे त्‍वा-उप्येब कोला स्‍यूप्‍पीदेबे ऐनादे ङीनजे त्‍वा तम्‍मेप्र प्रभुजे महिमा ङीनजे त्‍वाने तङ्क्‍य, होरदे हम्‍ब महिमा सोरो कूम थेप् थेप् क्‍यूप्‍पदेबे ङीनये प्रभु प्रने क्‍यूप्‍पीय। अम्‍ब परमप्रभुदे पीन्‍देबेत्‍या क्‍यूक्‍क्‍य, प्रभुब आत्‍मा ख्यङ्।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

एफिसी 1:17

ङ प्रार्थना चीन्‍नीय, ङीनजे प्रभु येशू ख्रीष्‍टजे परमेश्‍वर, महिमाजे पदे नमयूने परमेश्‍वरजे बारेने था प्रेब बुद्धि मेस्‍ये तङख्‍वब आत्मा पीन्स्‍य।

एफिसी 1:18

ङ अम्‍बये प्रार्थना चीक्‍क्‍य, नमयूजे सेम्दे ङूजे ओथ्याङ् तङ खूस्‍य, मेस्‍ये चैजे आशा चीत्‍देबे ख्रीष्‍टदे नमयूने क्‍व ख्‍य, मेस्‍ये परमेश्‍वरजे पवित्र मीयूने ख्रीष्‍टजे महिमाजे हकजे सम्पत्ति च ख्यङ्, हम्‍ब नमयूदे स्‍ये खूस्‍य।

एफिसी 5:8

चेनेयलो खूम नमयूये मून्दूङ्ने ख्‍य तर जेम्से प्रभुजे मी क्‍यूत्‍देबे नमयू ओथ्याङ्ने ख्यङ्। होरेक्‍यूत्‍देबे नमयू ओथ्याङ्जे छगूम्-पूर्‌गूम्यूदे प्रने नमयूदेये र-प्र ची।

फिलिप्पी 2:6

ङू येतार्‌ने परमेश्‍वरजेप्र रुप् ख्यङ्लीने, ङूदे परमेश्‍वरप्रे बरेबर्‌ क्‍यूरब पोने चूङ्नब सेत्याप्र अम्‍मन्।

कलस्सी 1:15

अन्‍तङब परमेश्‍वरजे तङब रूप् येशू ख्रीष्‍ट ख्यङ्। परमेश्‍वरदे सृष्‍टि चेब साप्‍ता थोक फ्‍याने येशू ख्रीष्‍ट पात्‍ता केन् ख्यङ्।

१ थेसलोनिकी 2:12

येरेक्‍यूत्‍देबे यी नमयूजे आनिबानि परमेश्‍वरदे छेब लायक‍जे क्‍यूस्‍स्‍य, ङूदे नमयूने ङूजे रङ्सेजे राज्‍य मेस्‍ये महिमाने कोय।

हिब्रू 1:3

परमेश्‍वरने ख्‍यब महिमाजे रूप् चने तङ्क्‍य मेस्‍ये परमेश्‍वरजे स्‍वभावयू क्‍वाने ङूप्रे ख्यङ्, होर्‌दे अम्‍ब संसारने ख्‍यब साप्‍ता सेयू रङ्से शक्‍तिजे वचनदे रङ्से रङ्से नेने छ्‌यान ख्यङ्। मीयूजे पापने क्षमा पीन जेन ङ्येदे महिमाने ख्‍यब परमेश्‍वरजे स्येत्‍देयोर्‌ देन् छ्‍यादे।

हिब्रू 6:4

चेनेयलो थमयू, सू-सूदे त्‍याफे परमेश्‍वरजे ओथ्याङ् प्रेत्‍देबे स्‍वर्गजे बर कर क्‍यूर ख्‍य यदेबे था प्रेत्‍दे, मेस्‍ये पवित्र आत्‍माजे भा प्रेक्‍क ख्यङ्,

१ पत्रुस 1:12

अम्बयूदे रङ्सेजे लागि दी, तर नमयूजे लागि क्यम ख्य यब पो थमयूने परमेश्‍वरदे तम्‍मीक ख्‍य। नमयूने सूगब खबर स्‍य्‍वेब मीयूजे सेम्ने स्वर्गदे कूल्‍बेब पवित्र आत्‍मा क्‍यूत्‍देबे अम्ब पो चूजो नमयूने चेलाबे येये ख्यङ्। स्वर्ग दूतयूये अम्‍ब पो लेने सोरो सेम् चीन्‍न ख्यङ्।

१ पत्रुस 2:9

तर नमयूब सेल्‍देबे हीतेब वंश, मूरुम्जे पूस्‍र्‌या, पवित्र मीयू, मेस्‍ये परमेश्‍वरजे रङ्से मीयू ख्यङ्। ङूजे हार्‌मन्‍देब कामयूजे पो नमयूदे बोङ्बे स्‍य्‍वे खूस्‍य यदेबे ङूदे नमयूने मून्‍दूङ् ख्‍यनेदे सोरो हार्‌मन्‍देब ज्‍य ओथ्याङ् ख्‍यनेने रेत्‍दे।

२ पत्रुस 1:19

अगमवक्तायूजे पो ङीने थेप् पक्‍क क्‍यूर ख्यङ्। नमयूदे हम्‍ब पोने सेम् पर्‌ती‍देयलो सोरो ज्‍य चीक्‍क्‍य, चेनेयलो थमयूजे पोब ख्रीष्‍ट फेरि अन्‍रदासेमे मून्‍दूङ्ने प्‍ल्‍याङ्नब बत्तीप्र होर्‌दे नमयूजे सेम्ने प्‍ल्‍यानब नप्‍जे कर्‌चेन्जे ओथ्याङ्प्र ख्यङ्।